مال بردار ٹرین 15 جون سے روس تک جائے گی، وزیر ریلوے
اشاعت کی تاریخ: 28th, May 2025 GMT
راولپنڈی:
وفاقی وزیر ریلوے حنیف عباسی نے اعلان کیا ہے کہ 15 جون سے مال بردار ٹرین روس تک جائے گی۔
راولپنڈی میں میڈیا سے گفتگو کرتے ہوئے وزیر ریلوے نے کہا کہ راولپنڈی سے لاہور تک نیا ٹریک بھی بنایا جائے گا۔
انہوں نے کہا کہ راولپنڈی ویمن اینڈ چلڈرن اسپتال 10 ارب روپے سے بنائیں گے جبکہ نالہ لئی کا منصوبہ بھی بنایا جائے گا۔
وزیر ریلوے نے کہا کہ جب ہندوستان نے دھماکے کیے تو جواب میں نواز شریف نے چھ دھماکے کیے اور آج ہم نیوکلیر پاور ہیں، ہماری سوچ نواز شریف کے نام سے شروع ہوتی ہے اور نواز شریف کے نام پر ختم ہوتی ہے۔
قبل ازیں، وفاقی وزیر ریلوے محمد حنیف عباسی نے چکلالہ اسٹیشن کا اچانک دورہ کیا جہاں انہوں نے اسٹیشن کی صفائی اور انتظامات کا تفصیلی جائزہ لیا۔ صفائی کے حوالے سے راولپنڈی ویسٹ مینجمنٹ کمپنی (RWMC) کی کارکردگی پر اطمینان کا اظہار کیا گیا۔
وزیر ریلوے نے اسٹیشن ماسٹر کو ہدایت کی کہ تزئین و آرائش مزید بہتر بنائیں، اسٹیشن پر ریلوے کی نمایاں چیزوں کے لیے وال آف فیم قائم کیا جائے گا۔
انہوں نے کہا کہ پاکستان ہارٹیکلچر اتھارٹی کے تعاون سے پھل دار پودے لگائے جائیں گے، مسافروں کو ہر ممکن سہولیات فراہم کرنے کے اقدامات جاری ہیں۔
وفاقی وزیر نے کہا کہ ریلوے کو عالمی معیار کے مطابق بنانے کے لیے جامع اصلاحات کر رہے ہیں، ریلوے اسٹیشنز کو جدید اور سہولت بخش مراکز میں تبدیل کریں گے۔
.
ذریعہ
ذریعہ: Express News
کلیدی لفظ: وزیر ریلوے نے کہا کہ
پڑھیں:
کوڑا ٹیکس کی وصولی کی تیاریاں، محکمہ ایکسائز متحرک
علی ساہی:حکومت کی جانب سے گرین سگنل ملنے کے بعد محکمہ ایکسائز نے شہری علاقوں میں کوڑا ٹیکس کی وصولی کے لیے عملی تیاریاں شروع کر دی ہیں۔
ذرائع کے مطابق ابتدائی مرحلے میں صوبے کے شہری علاقوں میں 33 لاکھ سے زائد گھروں سے ٹیکس وصولی کا آغاز کیا جائے گا۔
محکمہ ایکسائز حکام کا کہنا ہے کہ مزید رہائشی اور کمرشل یونٹس کو نظام میں شامل کرنے کے لیے متعلقہ اداروں سے ڈیٹا اکٹھا کیا جا رہا ہے، جبکہ وصولیوں کے مؤثر نظام کے لیے درکار انتظامی اور تکنیکی ضروریات پر بھی کام جاری ہے۔ اس حوالے سے جلد ایک جامع سمری منظوری کے لیے حکومت کو ارسال کی جائے گی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
ذرائع کے مطابق ٹیکس وصولی کے نظام کو مؤثر بنانے کے لیے ابتدائی طور پر 70 گاڑیوں اور ساڑھے چھ سو ای بائیکس کی فراہمی کی درخواست کی جائے گی، تاکہ بلوں کی بروقت تقسیم اور وصولیوں کا عمل یقینی بنایا جا سکے۔
محکمہ ایکسائز نے بل تقسیم کرنے والے عملے کو سہولیات فراہم کرنے کے لیے ایک سے دو فیصد سروس چارجز کی بھی تجویز دی ہے، جبکہ بلوں کی پرنٹنگ اور دیگر انتظامی امور سے متعلق ورکنگ آخری مراحل میں ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
ایکسائز حکام کے مطابق محکمہ ایکسائز اور متعلقہ ادارے کے درمیان بلوں کی تقسیم اور وصولی کے طریقہ کار پر متعدد اجلاس منعقد ہو چکے ہیں، جبکہ آئندہ ماہ کے پہلے ہفتے دونوں اداروں کے درمیان باقاعدہ مفاہمتی یادداشت (ایم او یو) پر دستخط کیے جانے کا امکان ہے، جس کے بعد کوڑا ٹیکس کی وصولی کے عمل کو باضابطہ طور پر شروع کیا جائے گا۔
بھارت سے جنگ اور افغانستان میں کارروائی خارج ازامکان نہیں، وزیردفاع