راولاکوٹ، حسین کوٹ میں آپریشن، 4 دہشتگرد ہلاک، 2 اہلکار شہید
اشاعت کی تاریخ: 29th, May 2025 GMT
آزاد کشمیر کے علاقے راولاکوٹ میں پولیس اور قانون نافذ کرنے والے اداروں نے مشترکہ آپریشن کرتے ہوئے 4 دہشتگردوں کو ہلاک کردیا، مقابلے کے دوران 2 پولیس اہلکار شہید اور 20 زخمی ہوئے۔
ایس ایس پی راولاکوٹ ریاض مغل نے رات گئے اپنے آفس میں میڈیا کانفرنس کرتے ہوئے بتایا کہ حسین کوٹ کے جنگل میں ملزمان کے موجودگی کی اطلاع تھی جہاں ملزمان نےایک غار میں پناہ لے رکھی تھی۔
انہوں نے بتایا کہ ملزمان سے متعلق یہ بھی اطلاع تھی کہ وہ آزاد کشمیر میں دہشتگردی کی منصوبہ بندی کررہے ہیں۔
ایس ایس پی راولاکوٹ نے بتایا کہ ملزمان کی گرفتاری کے لیے انہوں نے پولیس نفری کیساتھ جنگل میں چھپے ملزمان کے گرد گھیرا تنگ کیا، تاہم اس دوران ایک ملزم نے ہینڈ گرینڈ سے حملہ کیا جس میں ایک ملزم کا ساتھی اور ایک پولیس اہلکار زخمی ہوئے، تاہم ملزمان اور پولیس کے درمیان فائرنگ کے تبادلے میں چاروں ملزمان مارے گئے۔
چاروں ہلاک ملزمان پولیس کو قتل کے مقدمات میں مطلوب تھے، آپریشن کے دوران دو پولیس اہلکار شہید اور20 زخمی ہوئے۔
.
ذریعہ
ذریعہ: Jang News
پڑھیں:
کراچی: کیماڑی میں 6 سالہ بچی کے اغوا اور قتل میں ملوث مرکزی ملزم مبینہ پولیس مقابلے میں ہلاک
کراچی کے ساحلی علاقے کیماڑی میں پولیس نے ایک 6 سالہ بچی کے اغوا اور سفاکانہ قتل میں ملوث مرکزی ملزم کو مبینہ پولیس مقابلے کے دوران ہلاک کرنے کا دعویٰ کیا ہے۔
پولیس ترجمان کے مطابق یہ پیش رفت جیرکسن تھانے کی حدود میں پیش آئی، جہاں مبینہ ملزم کی موجودگی کی اطلاع پر پولیس پارٹی نے مبارک مسجد کے قریب چھاپہ مارا۔ پولیس کو دیکھتے ہی ملزم نے اہلکاروں پر براہِ راست فائرنگ شروع کر دی، جس پر پولیس نے بھی جوابی فائرنگ کی۔ اس تبادلے میں ملزم گولی لگنے سے شدید زخمی ہوا اور بعد میں دم توڑ گیا۔
یہ بھی پڑھیں: کمسن بچی کے قتل کیس میں مجرم کی اپیل مسترد، سزائے موت برقرار
تفتیشی حکام کا کہنا ہے کہ ملزم تک رسائی مختلف علاقوں کی سی سی ٹی وی فوٹیج کی تفصیلی جانچ پڑتال اور دیگر تکنیکی و جغرافیائی شواہد کی مدد سے ممکن ہوئی۔ اس سے قبل، معصوم بچی کی لاش منوہرہ کے قریب جھاڑیوں سے برآمد ہوئی تھی۔
پولیس سرجن ڈاکٹر سمیہ سید نے میڈیکو لیگل کا جائزہ لینے کے بعد تصدیق کی کہ بچی کو بدترین جنسی تشدد اور جسمانی تشدد کا نشانہ بنایا گیا ہے، جبکہ اس کے پورے جسم پر تشدد کے واضح نشانات موجود ہیں۔ بچی کی موت کی حتمی وجہ کا تعین فارنسک لیبارٹری کو بھیجے گئے نمونوں کی رپورٹ آنے کے بعد کیا جائے گا۔
یہ بھی پڑھیں: پشاور: 8 سالہ بچی مبینہ زیادتی کے بعد قتل، لاش ہمسائے کے صندوق سے برآمد
پولیس کے مطابق جیرکسن تھانے میں پہلے ہی بچی کے اغوا اور قتل کے حوالے سے پاکستان پینل کوڈ کی دفعات 364-A اور 302 کے تحت مقدمہ (FIR No. 265/2026) درج تھا۔ اب پولیس مقابلے کا ایک الگ کیس بھی اسی تھانے میں درج کیا جا رہا ہے اور کرائم سین کو سیل کر کے تمام سائنسی و فارنسک ثبوت تحویل میں لے لیے گئے ہیں۔
اس واقعے سے چند ہی دن قبل بھی کراچی میں 6 سالہ بچے کے اغوا، زیادتی اور قتل کے الزام میں ایک 20 سالہ نوجوان کو گرفتار کیا گیا تھا، جس کی لاش بوری میں بند کر کے ویران پلاٹ پر پھینکی گئی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پولیس مقابلہ زیادتی قتل کراچی کمسن بچی ملزم ہلاک
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار