سبی، مسافر بس کو حادثہ، 4 افراد جانبحق، متعدد زخمی
اشاعت کی تاریخ: 29th, May 2025 GMT
لیویز ذرائع نے بتایا کہ ضلع بولان میں افسوسناک حادثہ میں 4 مسافر جان کی بازی ہار گئے، جبکہ 32 مسافر زخمی ہو گئے ہیں۔ اسلام ٹائمز۔ بلوچستان کے ضلع بولان میں مسافر کوچ کو حادثہ پیش آیا ہے، جس میں چار افراد جانبحق اور 32 زخمی ہو گئے ہیں۔ لیویز ذرائع نے بتایا کہ بولان کے حاجی شہر میں افسوس ناک حادثہ پیش آیا ہے، جہاں مبینہ طور پر مسافر کوچ ڈرائیور سے بے قابو ہوکر کھائی میں گرنے سے 4 مسافر جان کی بازی ہار گئے۔ مسافر کوچ صادق آباد سے کوئٹہ جا رہی تھی۔ حادثے میں زخمی 32 مسافروں کو ہسپتال منتقل کر دیا گیا ہے، متعدد زخمیوں کی حالت تشویش ناک بتائی گئی ہے۔ زخمیوں میں خواتین اور بچے بھی شامل ہیں۔ سبی ہسپتال کے ڈاکٹروں کا کہنا ہے کہ زخمیوں کو گہری چوٹیں آئی ہیں۔ متعدد مریضوں کی حالت نازک ہے تاہم ان کا علاج کیا جارہا ہے۔ ذرائع نے بتایا کہ زخمیوں میں سے 10 افراد کو حالت تشویشناک ہونے پر کوئٹہ منتقل کر دیا گیا ہے۔
.ذریعہ: Islam Times
پڑھیں:
لاہور میں ٹریفک حادثہ: بوتلوں سے بھرا ٹرک رکشے پر الٹ گیا، چار افراد جاں بحق
لاہور کے علاقے ایم اے او کالج کے قریب خوفناک ٹریفک حادثے میں چار افراد جاں بحق ہو گئے۔
عینی شاہدین کے مطابق بوتلوں سے بھرا ٹرک رکشے کے اوپر الٹ گیا جس کے نتیجے میں رکشے میں سوار چار افراد موقع پر ہی دم توڑ گئے۔ ریسکیو 1122 کے مطابق حادثے کی اطلاع ملتے ہی امدادی ٹیمیں موقع پر پہنچ گئیں۔
ریسکیو ذرائع کے مطابق جاں بحق ہونے والوں میں 60 سالہ شبانہ زوجہ شفیق، 67 سالہ شفیق ولد فردوس محمد، 35 سالہ ساجد ولد شفیق، اور 32 سالہ اقرہ زوجہ ساجد شامل ہیں۔ لاشوں کو پوسٹ مارٹم کے لیے میو اسپتال منتقل کیا جا رہا ہے۔
ریسکیو 1122 کا کہنا ہے کہ علاقے میں ٹریفک کی روانی متاثر ہوئی ہے جبکہ پولیس نے موقع پر پہنچ کر حادثے کی تحقیقات شروع کر دی ہیں۔
بھارت میں طوفان مونتھا کے پیش نظر اسکول بند، شہریوں کا انخلا