وزیراعظم شہباز شریف 2 روزہ دورے پر تاجکستان پہنچ گئے
اشاعت کی تاریخ: 29th, May 2025 GMT
دوشنبے:وزیراعظم شہباز شریف 2 روزہ دورے پر تاجکستان کے دارالحکومت دوشنبے پہنچ گئے۔
جمعرات کے روز وزیراعظم شہباز شریف 2 روزہ دورے پر دوشنبے پہنچے جہاں ائیرپورٹ پر تاجک وزیراعظم قاہر رسولزادہ نے ان کا پرتپاک استقبال کیا جبکہ تاجک نائب وزیر خارجہ شریفزادہ فرخ حمدین بھی ایئرپورٹ پر موجود تھے۔
وفاقی وزیر اطلاعات عطا اللہ تارڑ اور معاون خصوصی طارق فاطمی بھی وزیراعظم کے ہمراہ ہیں۔
دو روزہ دورہ تاجکستان میں وزیراعظم تاجک صدر امام علی رحمان سے ملاقات کریں گے جس میں پاکستان اور تاجکستان کے مابین مختلف شعبوں میں تعاون پر گفتگو ہوگی۔
شہباز شریف پاک بھارت کشیدگی کے دوران حمایت پر تاجک صدر کا شکریہ ادا کریں گے۔
وزیراعظم گلیشئرز کے تحفظ پر دوشنبے میں عالمی کانفرنس میں شرکت بھی کریں گے۔
وزیراعظم شرکا کو ماحولیاتی تبدیلی کے پاکستان پر اثرات اور ماحولیاتی تبدیلی سے تحفظ سے آگاہ کریں گے
ذریعہ: Daily Mumtaz
کلیدی لفظ: شہباز شریف کریں گے پر تاجک
پڑھیں:
شہباز شریف نے زائرین کیلئے خصوصی پروازوں کے انتظامات کی ہدایت کر دی
وزیراعظم شہباز شریف سے وزیر داخلہ محسن نقوی نے ملاقات کی اور زائرین کی نئی پالیسی کے حوالے سے بریفنگ دی۔ انہوں نے وزیرِ ہوا بازی کو زائرین کیلئے خصوصی پروازوں کا انتظام کرنے کی ہدایت کی۔ ملاقات میں بلوچستان کی امن و امان کی صورتحال پر بھی تبادلہ خیال کیا گیا، وزیرِ اعظم نے وزیر داخلہ کو گوادر سیف سٹی منصوبے پر کام شروع کرنے کی بھی ہدایت کی۔ اسلام ٹائمز۔ وزیراعظم میاں شہباز شریف نے زائرین کیلئے خصوصی پروازوں کے انتظامات کی ہدایت کر دی ہے۔ وزیراعظم شہباز شریف سے وزیر داخلہ محسن نقوی نے ملاقات کی اور زائرین کی نئی پالیسی کے حوالے سے بریفنگ دی۔ انہوں نے وزیرِ ہوا بازی کو زائرین کیلئے خصوصی پروازوں کا انتظام کرنے کی ہدایت کی۔ ملاقات میں بلوچستان کی امن و امان کی صورتحال پر بھی تبادلہ خیال کیا گیا، وزیرِ اعظم نے وزیر داخلہ کو گوادر سیف سٹی منصوبے پر کام شروع کرنے کی بھی ہدایت کی۔
مودی حکومت کو جھٹکا، امریکا نے تجارتی رعایت واپس لے لی