قربانی کی تصاویر شیئر کرنے میں احتیاط کریں، علیزے شاہ کا عیدالاضحیٰ کے حوالے سے جذباتی پیغام
اشاعت کی تاریخ: 29th, May 2025 GMT
پاکستان کی بولڈ اداکارہ و ماڈل علیزے شاہ نے عیدالاضحیٰ کے موقع پر سوشل میڈیا پرقربانی کے جانوروں کے حوالے سے ایک جذباتی پیغام شیئر کیا ہے اور سوشل میڈیا پر قربانی کی تصاویر شیئر کرنے میں احتیاط کی درخواست کی ہے۔
فوٹو اینڈ ویڈیو شیئرنگ ایپ انسٹاگرام پر ایک اسٹوری شیئر کرتے ہوئے علیزے شاہ نے لکھا کہ قربانی ایک سنت ہے اور ایک خوبصورت روایت ہے جو حضرت ابراہیمؑ کی اللہ کی رضا کے لیے مکمل اطاعت کی یاد دلاتی ہے لیکن اسلامی نقطہ نظر سے یہ بات بھی درست ہے کہ قربانی ہر ایک پر فرض نہیں ہے۔
اداکارہ نے کہا کہ بہت سے لوگوں کے لیے زندگی میں ایک بار ہی قربانی کرنا کافی ہوتا ہے وہ بھی صرف اس وقت جب وہ مالی استطاعت رکھتے ہوں لیکن کبھی کبھی یوں محسوس ہوتا ہے جیسے یہ مقدس عمل کچھ اور ہی بن گیا ہے۔
علیزے شاہ نے کہا کہ ہر سال میں سڑکوں پر بہت سا خون اور جانوروں کی آنکھوں میں خوف اور درد دیکھتی ہوں اور میرا دل ٹوٹ جاتا ہے، وہ بول نہیں سکتے لیکن محسوس کرتے ہیں بالکل ہماری طرح اور رشتے بھی بناتے ہیں۔ اور اسی مہربان خدا کی مخلوق ہیں جس نے ہمیں پیدا کیا۔
اداکارہ کا کہنا تھا کہ جب جانوروں کی تصاویر، لطیفے اور میمز سوشل میڈیا پر شیئر کیے جاتے ہیں تو یہ میرے لیے ذاتی طور پر بہت تکلیف دہ ہوتا ہے۔ ان کا کہنا تھا کہ مجھے معلوم ہے کہ نیتیں اہم ہوتی ہیں، اور بہت سے لوگ اخلاص اور ادب کے ساتھ قربانی کرتے ہیں۔ میری یہ پوسٹ اس کے خلاف نہیں ہے۔ یہ بس ایک درخواست ہے کہ اس پر توجہ دینے کے بجائے کہ کتنے جانور قربان کیے اور وہ کتنے بڑے تھے کی جگہ ہمدردی اور عاجزی کے جذبے کو فروغ دے سکتے ہیں
یہ بھی پڑھیں: جے ایف 17 تھنڈر پاکستان کی سڑکوں پر، قیمت صرف 50 لاکھ
میری بس یہی گزارش ہے کہ اگر ممکن ہو تو براہ کرم آن لائن شیئر کی جانے والی تصاویر اور ویڈیوز کے بارے میں حساسیت اختیار کریں۔ ہم میں سے کچھ لوگ ان سے گہرائی میں متاثر ہوتے ہیں۔ ان کا کہنا تھا کہ آن لائن تصاویر اور ویڈیوز شیئر کرنے کے حوالے سے احتیاط برتیں کیوں کہ ہم میں سے کچھ افراد اس سے بہت متاثر ہوتے ہیں۔ اسلام ہمیں رحم، شفقت اور عزت کا درس دیتا ہے۔ انسانوں کے لیے بھی اور جانوروں کے لیے بھی۔ یہی ہمارے پیارے نبی (ﷺ) کی سنت ہے۔
ساتھ ہی اداکارہ نے واضح کیا کہ یہ میرا ذاتی نقطہ نظر ہے، آپ اس سے اختلاف کرسکتے ہیں لیکن مجھے یہ بات کہنی تھی جو میرے دل پر بوجھ بنی ہوئی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جانوروں کی قربانی علیزے شاہ عید قربان عیدالاضحیٰ.
ذریعہ
ذریعہ: WE News
کلیدی لفظ: جانوروں کی قربانی علیزے شاہ عیدالاضحی علیزے شاہ کے لیے
پڑھیں:
ٹرمپ کی خام خیالی تھی وہ ہمیں مذاکرات میں لگاکر حزب اللہ کیخلاف کارروائیاں کریں گے، ایرانی سفیر
ایرانی سفیر رضا امیری مقدم(فائل فوٹو)۔پاکستان میں متعین ایرانی سفیر رضا امیری مقدم نے کہا کہ ٹرمپ کی خام خیالی تھی کہ وہ ہمیں مذاکرات میں مشغول کرکے حزب اللہ کیخلاف کارروائیاں کریں گے۔
ایرانی سفیر نے کہا کہ میناب میں اسکول اور عام شہریوں کو نشانہ بنایا گیا، امریکا اور اسرائیل کو 40 روزہ جنگ کے بعد شکست کا سامنا کرنا پڑا۔
اسلام آباد میں تقریب سے خطاب کرتے ہوئے ایرانی سفیر رضا امیری مقدم نے مزید کہا کہ مذاکرات کے حوالے پاکستان ثالث کے طور پر ابھرا، ہم مذاکرات میں اس لیے آئے کہ ہماری نیت ہے، ٹرمپ کہتے ہیں کہ ہمارے پاس ایٹمی ہتھیار نہیں ہونے چاہئیں۔
ایرانی سفیر نے کہا ہمارے رہبر اعلیٰ نے فتویٰ دیا ہوا ہے کہ ہم ایٹمی ہتھیاروں کو حرام سمجھتے ہیں، مذاکرات کی میز پر امریکی کہتے ہیں آپ یورینیم بھی افزودہ نہیں کرسکتے۔
رضا امیری مقدم نے کہا کہ ایٹمی ہتھیاروں اور پرامن مقاصد کیلئے یورینیم افزودہ کرنا الگ ہے، امریکا اور مغرب کے سامنے ایران کبھی نہیں جھکے گا۔
ایرانی سفیر نے کہا کہ ٹرمپ صبح سے شام تک دیوانوں کی طرح باتیں کرتے رہتے ہیں، ان کی خام خیالی تھی کہ وہ ہمیں مذاکرات میں مشغول کرکے حزب اللہ کیخلاف کارروائیاں کریں گے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ