قائدِ اعظم گیمز میں اسپورٹس بورڈ نے کروڑوں روپے بچا لیے
اشاعت کی تاریخ: 30th, May 2025 GMT
قائداعظم گیمز میں پاکستان اسپورٹس بورڈ (پی ایس بی) نے 8 کروڑ 12 لاکھ روپے کی بچت کر لی۔
ترجمان پی ایس بی کے مطابق بین الصوبائی قائد اعظم گیمز کے انعقاد کے لئے 31 کروڑ 17 لاکھ روپے مختص کیے گئے تھے۔جن میں سے 21 کروڑ 87 لاکھ روپے خرچ ہوئے۔ یہ بچت مکمل طور پر شفاف خریداری کے عمل کی بدولت ممکن ہوئی۔
انہوں نے کہا کہ پی ایس بی کی تاریخ میں پہلی بار تمام ٹینڈرز پیپرا اور پی ایس بی کی ویب سائٹس پر اپلوڈ کیے گئے۔تمام عمل ای پاکستان پروکیورمنٹ پورٹل کے ذریعے مکمل طور پر الیکٹرانک انداز میں کیا گیا۔ اس سخت ضابطے کے نتیجے میں بڈز کھلیں ، یہ عمل مکمل منصفانہ اور شکایات سے پاک رہا۔
ترجمان پی ایس بی کا کہنا تھا کہ پی ایس بی نے صوبائی اسپورٹس بورڈز اور محکموں کو مجموعی طور پر 4 کروڑ 19 لاکھ روپے فراہم کیے۔ ان میں پنجاب کو 56 لاکھ 60 ہزار روپے، سندھ کو 87 لاکھ 70 ہزار، خیبرپختونخوا کو 50 لاکھ 20 ہزار اور بلوچستان کو 79 لاکھ 20 ہزاردیے گئے۔جبکہ گلگت بلتستان کو 73 لاکھ، آزاد کشمیر کو 37 لاکھ، اسلام آباد کو 35 لاکھ روپے دیے گئے۔
ترجمان نے بتایا کہ اسپورٹس کمپلیکس میں ایونٹ کے انعقاد کے لیے 16 کروڑ 5 لاکھ روپے خرچ ہوئے۔ ان اخراجات میں2725 کھلاڑیوں اور آفیشلز کے قیام، طعام، مقامی اور بین الاضلاعی سفر، لاجسٹکس اور نقد انعامات شامل تھے۔1 کروڑ 63 لاکھ روپے کی رقم مختلف کھیلوں کے آلات اور اسپورٹس گئیر کی خریداری پر خرچ کی گئی۔جو چھ روزہ مقابلوں کے لیے ضروری تھیں۔
ان کا کہنا تھا کہ 26 فیصد بجٹ بچانے کا سہرا شفاف ای-ٹینڈرنگ اور سخت مالی نظم و ضبط کو جاتا ہے۔
.
ذریعہ
ذریعہ: Express News
کلیدی لفظ: لاکھ روپے پی ایس بی
پڑھیں:
افغان ٹیم پہلی بار بھارت میں ٹی ٹوئنٹی سیریز کی میزبانی کرے گی
افغانستان کرکٹ ٹیم(Afghanistan Cricket Team) اپنی آئندہ ٹی ٹوئنٹی سیریز کی میزبانی بھارت کے دارالحکومت دہلی میں کرے گی، جس کا باضابطہ شیڈول سامنے آگیا ہے۔
رپورٹس کے مطابق افغانستان کرکٹ بورڈ اور بھارتی کرکٹ بورڈ کے درمیان طویل مشاورت کے بعد اس سیریز کے انعقاد پر اتفاق کیا گیا ہے، جس کے تحت تین ٹی ٹوئنٹی میچز 13، 16 اور 19 ستمبر کو کھیلے جائیں گے۔
ذرائع کے مطابق یہ پہلا موقع ہوگا کہ افغانستان بھارت میں ٹی ٹوئنٹی سیریز کی میزبانی کرے گا، جو دونوں کرکٹ بورڈز کے درمیان مضبوط ہوتے ہوئے تعلقات کی عکاسی کرتا ہے۔
اس سے قبل افغانستان کی ٹیم بھارت کے خلاف ایک ٹیسٹ میچ اور تین ون ڈے میچز کی سیریز بھی کھیل رہی ہے، جس سے دونوں ٹیموں کے درمیان بین الاقوامی کرکٹ روابط مزید مستحکم ہو رہے ہیں۔
مزیدپڑھیں:پنجاب میں مفت سفری سہولت ختم کرنے پر غور
بھارتی میڈیا کے مطابق افغانستان کرکٹ بورڈ نے اس سیریز کے لیے جوابی دورے کی خواہش ظاہر کی تھی، جس پر بھارتی بورڈ نے مثبت ردعمل دیا۔ دونوں بورڈز کے درمیان پہلے سے اچھے تعلقات موجود ہیں، جس کی بنیاد پر اس سیریز کو ممکن بنایا گیا۔
یہ بھی یاد رہے کہ افغانستان کرکٹ ٹیم ماضی میں اپنی ہوم سیریز بھارت اور متحدہ عرب امارات میں کھیلتی رہی ہے۔ بھارت میں افغانستان نے اس سے قبل آئرلینڈ، بنگلہ دیش اور نیوزی لینڈ جیسی ٹیموں کی میزبانی بھی کی ہے۔
کرکٹ ماہرین کے مطابق افغانستان کی جانب سے بھارت میں مسلسل ہوم سیریز کھیلنا اس بات کی علامت ہے کہ وہ عالمی کرکٹ میں اپنی موجودگی اور انتظامی صلاحیتوں کو مزید مضبوط کر رہا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ