رانا ثنااللہ کا ایٹمی سائنسدان ڈاکٹر عبدالقدیر کو ہیرو ماننے سے انکار، وجہ بھی بتادی
اشاعت کی تاریخ: 31st, May 2025 GMT
وزیراعظم شہباز شریف کے مشیر برائے سیاسی امور رانا ثنااللہ نے کہا ہے کہ ڈاکٹر عبدالقدید کو ’ہیرو‘ نہیں کہا جاسکتا، ڈاکٹر قدیر کو وہ پذیرائی ملتی ہے، جس کے وہ حقدار تھے تاہم پاکستان کےایٹمی قوت بننے کا ہیرو صرف نواز شریف کو قراردیا جاسکتا ہے۔
نجی ٹی وی پروگرام میں گفتگو کرتے ہوئے رانا ثنااللہ نے کہا کہ ایٹمی پروگرام شروع کرنے کا کریڈٹ ذوالفقار علی بھٹو کو جاتا ہے، لیکن اس کو شروع کرکے کامیاب کرنا اور کامیاب کرکے رکھے رکھنا یہ اصل بات ہے، اصل لمحہ تو وہ ہے کہ جب آپ اپنے آپ کو ڈکلیئر کریں کہ آپ ایٹمی قوت ہیں، اور ایک کامیاب دھماکا کرکے دنیا کو دکھائیں،یہ لمحہ 28 مئی 1998کو ہی آیا۔
یہ بھی پڑھیں: فیلڈ مارشل کا اعزاز ملنے سے آرمی چیف کی مدت ملازمت پر کوئی فرق نہیں پڑےگا، رانا ثنااللہ
رانا ثنااللہ نے کہا کہ اگر یہ لمحہ اس وقت نہ آتا تو آج تک یہ نہ آسکتا، جب لوگ حسد، بغض میں بالکل اندھے ہوکے پرلے درجے کی گہرائی میں گرتے ہیں تو پھر وہ کوئی نہ کوئی، ’او نہیں دیکھیں، میاں نواز شریف تو نہیں چاہتے تھے لیکن فلاں نے کہہ دیا، او بھائی وزیراعظم پاکستان وہ تھے۔‘
ڈاکٹرعبدالقدیرخان کو حکومتی سطح پر نظر انداز کیے جانے سے متعلق سوال کے جواب میں رانا ثنااللہ نے کہ ڈاکٹر قدیر کو وہ پذیرائی ملتی ہے، جس کے وہ حقدار تھے تاہم پاکستان کےایٹمی قوت بننے کا ہیرو صرف نواز شریف کوقراردیا جا سکتا ہے۔
یہ بھی پڑھیں: 28مئی1998ء: ایٹمی دھماکوں کا فیصلہ اصل میں کس نے کیا؟
انہوں نے کہا کہ ایک سائنسدان ہونے کے ناطے کریڈٹ ڈاکٹر عبدالقدیر کا بنتا ہے، وہ ان کو دیا گیا، آج بھی دیا جاتا ہے اور اس حوالے سے ان کو ہمیشہ یاد رکھا جائے گا، لیکن ان کو ایک لیڈر کا رول نہیں سونپا جاسکتا، ان کو ہیرو نہیں کہا جاسکتا، پاکستان کے ایٹمی قوت بننے پر اگر کسی کو ہیرو قرار دیا جانا ہے تو وہ میاں نواز شریف ہیں اور اس ہیروشپ کا آغاز اگر کسی نے کیا تو وہ ذوالفقار علی بھٹو ہیں۔
ان کا کہنا تھا کہ سائنسدانوں کو ہیرو تو قرار نہیں دیا جاسکتا لیکن پاکستان کے ایٹمی قوت بننے کے لیے جن سائنسدانوں نے اس پر کام کیا، ان کو پوری قوم خراج تحسین پیش کرتی ہے۔
یہ بھی پڑھیں: ڈاکٹرعبدالقدیرٹرسٹ اسپتال کیس: سپریم کورٹ کا ملزم کو ٹرسٹ ڈیڈ جمع کرانے کا حکم
رانا ثنااللہ نے کہا کہ کہا بھارت کےخلاف فتح پر فخر کے لمحے کی حق دار تو صرف مسلح افواج ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news ایٹمی پروگرام پاکستان ذوالفقار علی بھٹو ڈاکٹر عبدالقدیر رانا ثنااللہ نواز شریف.
ذریعہ
ذریعہ: WE News
کلیدی لفظ: ایٹمی پروگرام پاکستان ذوالفقار علی بھٹو ڈاکٹر عبدالقدیر رانا ثنااللہ نواز شریف رانا ثنااللہ نے کہا رانا ثنااللہ نے کہ ایٹمی قوت بننے پاکستان کے نواز شریف نے کہا کہ کو ہیرو
پڑھیں:
کراچی: ڈاکٹر آکاش قتل کیس میں گرفتار تینوں ڈاکو اپنے ساتھیوں کی فائرنگ سے ہلاک
ڈاکٹر آکاش قتل کیس میں گرفتار تینوں ڈاکو اپنے فرار ساتھیوں کی فائرنگ سے ہلاک ہوگئے۔اسپیشل انویسٹی گیشن (ایس آئی ایو) نے دعویٰ کیا ہےکہ گلشنِ معمار، عمر بروہی گوٹھ میں گرفتار ڈاکوؤں کی نشاندہی پر ان کے فرار ساتھیوں کی گرفتاری کے لیے چھاپا مارا تو ملزمان نے فائرنگ کردی جس سے پولیس اہلکار بھی زخمی ہوگیا۔ایس آئی یو کا کہنا ہے کہ فائرنگ کےدوران ڈاکٹر آکاش قتل کیس میں گرفتار تینوں ڈاکو اپنے ہی ساتھیوں کی فائرنگ سے مارے گئے۔13 جولائی کو کراچی کے علاقے کلفٹن میں بینک کے باہر ڈاکوؤں کی فائرنگ سے نوجوان ڈاکٹر آکاش جاں بحق ہوگیا تھا جب کہ ملزمان بینک سے نکالے گئے 50 لاکھ روپے میں سے 25 لاکھ لوٹ کر فرار ہوگئے تھے۔ڈاکٹر آکاش قتل کیس میں پولیس نے تفتیشی رپورٹ جوڈیشل مجسٹریٹ جنوبی کی عدالت میں جمع کرائی تھی جس میں واردات میں نامعلوم خاتون کے ملوث ہونے کاانکشاف بھی کیا گیا تھا۔پولیس نے بتایا تھا کہ کلفٹن تین تلوار کے قریب ڈکیتی واردات کے دوران ڈاکٹر آکاش کو فائرنگ کرکے قتل کرنے کے واقعے میں گرفتار ملزمان کے بینکوں کے باہر رقم چھیننے اور تاجر کو لوٹنے کے واقعات میں ملوث ہیں۔
پاکستان نے ورلڈ کپ 2028 کیلیے براہ راست کوالیفائی کر لیا