فنڈز کے حوالے سے جو اشارے ملے ہیں بہتر ہوتا نہ ہی دیتے،مزمل اسلم
اشاعت کی تاریخ: 2nd, June 2025 GMT
فنڈز کے حوالے سے جو اشارے ملے ہیں بہتر ہوتا نہ ہی دیتے،مزمل اسلم WhatsAppFacebookTwitter 0 2 June, 2025 سب نیوز
پشاور (سب نیوز)مشیر خزانہ کے پی مزمل اسلم کا کہنا ہے کہ فنڈز کے حوالے سے جو اشارے ملے ہیں بہتر ہوتا نہ ہی دیتے، صحافی نے سوال کیا سنا ہے آپ کو چار سو چالیس ارب روپے کے ترقیاتی فنڈز ملنے ہیں، مزمل اسلم بولے آپ کے پاس غلط معلومات ہیں۔ اس سال وفاق کو کوئی ترقیاتی بجٹ نہیں ملا، ہم نے 3 ہزار 300 ارب کی ڈیمانڈ کی۔
مشیرخزانہ خیبر پختونخوا مزمل اسلم نے پریس کانفرنس کرتے ہوئے کہا کہ وفاقی حکومت کی سالانہ رپورٹ کارڈ کا سیزن شروع ہو گیا، آج میں نے وفاقی حکومت کے چہرے پر بے بسی دیکھی، ملکی شرح نمو اس وقت 2.
مزمل اسلم نے کہا کہ اب 2.68 فیصد ہو یا 1.5 فیصد یہ کوئی بڑا ہدف نہیں، پنجاب میں لائیو اسٹاک ویکسین کا کریڈٹ حکومت لے رہی ہے، گزشتہ دنوں ایک اڑان پروگرام جاری تھا، کہا جاتا تھا 2029 میں پاکستان ایک ہزار ارب کی معیشت بن جائے گی، ملک کو زراعت کی 10 ارب ڈالر کی درآمد کرنی ہوگی۔
مشیر خزانہ کے پی نے کہا کہ اس سال کسانوں کا 2 ہزار 800 ارب کا نقصان ہوگا، حکومت کہہ رہی ہے اگلے سال مہنگائی 7.5 فیصد پر جا رہی ہے، اس وقت دعوں اورحقیقت میں بہت فرق آ رہا ہے، اس سال ملک کی جی ڈی پی ایک لاکھ 14 ہزار ارب ہے، اگلے سال تک ایک لاکھ 29 ہزار ارب تک پہنچ جائے گی۔
مزمل اسلم نے بتایا کہ اس سال وفاق کو کوئی ترقیاتی بجٹ نہیں ملا، ہم نے 3 ہزار 300 ارب کی ڈیمانڈ کی، کے پی سرکاری ملازمین کی تنخواہ وفاق کے برابربڑھائے گا، وفاقی بجٹ میں پنشن پرچھری چلانے جا رہی ہے، ایک خاندان کی پنشن 3 مرحلوں تک محدود کی جا رہی ہے، اس سال وفاق سے ہمیں 300 ارب روپے کم ملیں گے۔
انھوں نے مزید کہا کہ 12جون کو سرپلس بجٹ کے اصل تخمینے کا پتہ چلے گا، کم ازکم وہ بجٹ ضرور دیں جو بجٹ میں اعلان کیا گیا، آج ہمیں تسلی سے سنا گیا ہے اس پر داد دیتا ہوں، ہو سکتا ہے وفاق اگلے مالی سال ڈالر کی قلت پیدا کر دے، اگلے مالی سال ترقی کا کوئی معجزہ ہو جائے مشکل ہے۔مزمل اسلم نے پریس کانفرنس میں مزید کہا کہ حکومتی ترجیحات میں تعلیم کہیں بھی نہیں ہے، ہمارے صوبے کے کئی منصوبے نامکمل پڑے ہیں، وزارت منصوبہ بندی کے بقول 118 پراجیکٹ ختم کر دیے ہیں، زراعت کی پیداوار اس وقت انتہائی کم ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرپنجاب میں غیرمعیاری فیول کے استعمال پر پابندی عائد،اطلاق فوری ہو گا پنجاب میں غیرمعیاری فیول کے استعمال پر پابندی عائد،اطلاق فوری ہو گا عام انتخابات کے بعد کل سمبڑیال میں دوبارہ عوام کے ووٹ پر ڈاکا ڈالا گیا، سلمان اکرم راجا وفاقی حکومت نے عید کی چار چھٹیوں کا نوٹیفکیشن جاری کر دیا پاکستان میں گلیشیئرز کے تحفظ ، موسمیاتی تبدیلی سے نمٹنے کی جامع پالیسی کا فریم ورک تیار ترقیاتی بجٹ میں 100ارب کی کٹوتی تشویشناک ہے، عاطف اکرام شیخ چیئرمین سی ڈی اے کی زیر صدارت اجلاس، غیر قانونی ہاوسنگ سوسائٹیوں کی تفصیلات اخبارات میں مشہتر کرنے کا فیصلہCopyright © 2025, All Rights Reserved
رابطہ کریں ہمارے بارے ہماری ٹیم
ذریعہ
ذریعہ: Daily Sub News
کلیدی لفظ: اس سال ارب کی کہا کہ رہی ہے
پڑھیں:
سوناہزاروں روپے سستا، ایک دن کی بڑی کمی نے مارکیٹ ہلا دی
اسلام آباد(نیوز ڈیسک)عالمی مارکیٹ میں سونے کی قیمتوں میں نمایاں کمی کے اثرات پاکستان کی مقامی صرافہ مارکیٹ پر بھی مرتب ہوئے جہاں جمعہ کے روز سونے اور چاندی دونوں کی قیمتوں میں بڑی گراوٹ ریکارڈ کی گئی۔
آل پاکستان صرافہ جیمز اینڈ جیولرز ایسوسی ایشن کے مطابق 24 قیراط فی تولہ سونے کی قیمت میں 4 ہزار 600 روپے کی نمایاں کمی کے بعد نئی قیمت 4 لاکھ 27 ہزار 436 روپے مقرر ہوگئی۔
اسی طرح 10 گرام سونے کی قیمت 3 ہزار 944 روپے کم ہو کر 3 لاکھ 66 ہزار 457 روپے تک آگئی جس سے گزشتہ چند روز سے جاری اضافے کا رجحان وقتی طور پر رک گیا۔
دوسری جانب فی تولہ چاندی 61 روپے سستی ہونے کے بعد 6 ہزار 309 روپے میں فروخت ہونے لگی جبکہ عالمی منڈی میں بھی قیمتی دھاتوں کی قیمتوں میں کمی دیکھی گئی۔
بین الاقوامی مارکیٹ میں فی اونس سونے کی قیمت 46 ڈالر کمی کے بعد 4 ہزار 50 ڈالر پر آگئی۔ ماہرین کے مطابق امریکی ڈالر کی مضبوطی، عالمی مالیاتی منڈیوں میں اتار چڑھاؤ اور سرمایہ کاروں کی جانب سے محتاط حکمت عملی اختیار کیے جانے کے باعث سونے کی قیمتیں دباؤ کا شکار رہیں۔
تجزیہ کاروں کا کہنا ہے کہ عالمی مارکیٹ میں قیمتوں میں کمی کے باعث مقامی صرافہ بازار میں بھی سونا سستا ہوا ہے۔ اگر بین الاقوامی سطح پر یہی رجحان برقرار رہا تو آئندہ دنوں میں مقامی مارکیٹ میں مزید کمی کا امکان بھی موجود ہے تاہم ڈالر کی قدر اور عالمی معاشی صورتحال قیمتوں کے تعین میں اہم کردار ادا کریں گی۔
مزید پڑھیں۔جوز بٹلر نے ویسٹ انڈیز کے لیجنڈ کو بھی پیچھے چھوڑ دیا
بھارت سے جنگ اور افغانستان میں کارروائی خارج ازامکان نہیں، وزیردفاع