انا للہ و انا الیہ راجعون،معروف ٹک ٹاکر چل بسیں
اشاعت کی تاریخ: 2nd, June 2025 GMT
اسلام آباد کے تھانہ سنبل کی حدود میں افسوسناک واقعہ پیش آیا جہاں معروف سوشل میڈیا شخصیت اور ٹک ٹاکر ثنا یوسف کو فائرنگ کر کے قتل کر دیا گیا۔ مقتولہ کا تعلق خیبرپختونخوا کے خوبصورت علاقے چترال سے بتایا جاتا ہے، اور وہ حالیہ برسوں میں سوشل میڈیا پر اپنی ویڈیوز کے ذریعے کافی مقبول ہو چکی تھیں۔
پولیس ذرائع کے مطابق ثنا یوسف کو ان کے گھر آئے ایک مہمان نے نامعلوم وجوہات کی بنا پر دو گولیاں ماریں۔ فائرنگ کے بعد ملزم موقع سے فرار ہو گیا۔ گولیاں لگنے کے باعث ثنا موقع پر ہی دم توڑ گئیں۔ قریبی لوگوں کی اطلاع پر پولیس موقع پر پہنچی اور لاش کو فوری طور پر پوسٹ مارٹم کے لیے پمز اسپتال منتقل کر دیا گیا۔ پولیس کا کہنا ہے کہ مقتولہ کے گھر سے شواہد اکٹھے کر لیے گئے ہیں اور واقعے کی مکمل تحقیقات جاری ہیں۔
پولیس نے ابتدائی بیان میں کہا ہے کہ فائرنگ کرنے والا شخص مقتولہ کے جاننے والوں میں سے تھا اور اسے گھر میں بطور مہمان بلایا گیا تھا۔ واقعے کی اصل وجوہات جاننے کے لیے مقتولہ کے اہل خانہ اور قریبی حلقے سے تفتیش کی جا رہی ہے، جبکہ مشتبہ شخص کی گرفتاری کے لیے خصوصی ٹیم تشکیل دے دی گئی ہے۔
ادھر سوشل میڈیا پر اس دلخراش واقعے پر شدید افسوس اور غم کا اظہار کیا جا رہا ہے۔ سوشل میڈیا صارفین نے ثنا یوسف کے لیے دعائے مغفرت کرتے ہوئے حکومت اور قانون نافذ کرنے والے اداروں سے مطالبہ کیا ہے کہ قاتل کو جلد گرفتار کر کے سخت سزا دی جائے اور خواتین کو درپیش خطرات سے نمٹنے کے لیے موثر اقدامات کیے جائیں۔
.
ذریعہ
ذریعہ: Daily Ausaf
کلیدی لفظ: سوشل میڈیا کے لیے
پڑھیں:
کراچی میں موٹر سائيکل چوری میں ملوث خاتون گرفتار
اسکرین گریب/ ایکسکراچی میں موٹر سائيکل چوری میں ملوث خاتون کو گرفتار کرلیا گیا۔
سولجر بازار کے علاقے میں پولیس نے کارروائی کرکے موٹر سائیکل لفٹنگ میں ملوث خاتون ملزمہ کو گرفتار کیا ہے، پولیس کے مطابق خفیہ اطلاع پر کارروائی کرکے ملزمہ کو گرفتار کیا گیا ہے۔
پولیس کا کہنا ہے کہ ملزمہ کی گرفتاری سی سی ٹی وی فوٹیج کی مدد سے عمل میں آئی ہے، ملزمہ اپنے شوہر کے ہمراہ موٹر سائیکل لفٹنگ کی درجنوں وارداتوں میں ملوث رہی ہے۔
سی سی ٹی وی فوٹیج میں دونوں میاں بیوی کو موٹر سائیکل لے جاتے ہوئے دیکھا جا سکتا ہے، ملزمہ کے قبضے سے ایک موٹر سائیکل بھی برآمد کی گئی ہے۔
پولیس کا کہنا ہے کہ گرفتار ملزمہ اور فرار شوہر کے خلاف ضابطے کے تحت مقدمہ درج کیا گیا مزید تفتیش جاری ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع