بلوچستان لائف لائن ہے، فتنہ الہندوستان کا ہر قیمت پر خاتمہ ہوگا: عطا تارڑ
اشاعت کی تاریخ: 4th, June 2025 GMT
---جیو نیوز گریب
وفاقی وزیرِ اطلاعات عطاء اللّٰہ تارڑ نے کہا ہے کہ مٹھی بھر دہشت گردوں کی عدم استحکام کی مذموم کوششیں ناکام ہوں گی، بلوچستان سے فتنہ الہندوستان کا ہر قیمت پر خاتمہ ہوگا۔
اسلام آباد میں پریس کانفرنس میں عطا تارڑ نے کہا کہ پاکستان نے ذمہ داری کے ساتھ بھارتی جارحیت کا جواب دیا، بھارتی بیانیے کو ہر محاذ پر ناکامی کا سامنا کرنا پڑا، فیلڈ مارشل عاصم منیر کی حکمت عملی سے کامیابی ملی، اللّٰہ تعالیٰ نے ہر محاذ پر پاکستانی کو کامیابی عطا کی۔
انہوں نے کہا کہ ہم نے عسکری ہی نہیں بلکہ سفارتی محاذ پر بھی بھارت کو شکست دی، نائب وزیراعظم اسحاق ڈار کی سربراہی میں ٹیم نے بھی جانفشانی میں کام کیا، وزیراعظم نے عالمی سطح پر پاکستان کا مؤقف بھرپور انداز میں پیش کیا۔
ان کا کہنا ہے کہ بھارتی میڈیا نے جھوٹ اور فیک نیوز کا سہارا لیا، پاکستانی میڈیا نے مثبت کردار ادا کیا، کشیدہ صورتحال میں پاکستانی قوم نے بھرپور اتحاد اور یک جہتی کا مظاہرہ کیا، معرکہ حق اور آپریشن بنیان مرصوص ہمیشہ یاد رکھا جائے گا۔
انہوں نے کہا کہ چین، سعودی عرب، یو اے ای، ترکیے اور قطر نے بھی سیز فائر کے لیے اہم کردار ادا کیا۔
عطا تارڑ نے کہا کہ بلوچستان میں فتنہ الہندوستان دہشت گردی میں ملوث ہے، بھارتی نیوی کا حاضر سروس کمانڈر کلبھوشن بلوچستان سے پکڑا گیا۔ افواج پاکستان ہر قسم کی دہشت گردی کے خاتمے کےلیے پُرعزم ہے۔
انہوں نے کہا کہ بھارت پاکستان سمیت مختلف ملکوں میں دہشت گردی میں ملوث ہے، بھارتی دہشت گردی کینیڈا، امریکا اور آسٹریلیا تک پہنچ چکی ہے، دوسرے ملکوں میں دہشت گردی بھارت کی ریاستی پالیسی ہے، بھارت نے دہشت گردی کو اپنی خارجہ پالیسی کا اہم حصہ بنالیا ہے۔
ان کا کہنا ہے کہ پوری دنیا نے دیکھا کہ جعفر ایکسپریس کے معاملے پر بھارت جشن منارہا تھا، جعفر ایکسپریس واقعہ کے بعد بھارتی میڈیا نے دہشت گردوں کو خصوصی کوریج دی، خضدار میں دہشت گردی کے واقعہ میں معصوم بچوں کو نقصان پہنچایا گیا۔
وزیر اطلاعات نے کہا کہ نریندر مودی نے 1971ء میں مکتی باہنی کی حمایت کا اعتراف کیا، مودی بار بار اپی تقاریر میں بلوچستان کا نام لے رہا ہے، بلوچستان کے نوجوانوں کو گمراہ کرنے کے لیے بھارت پروپیگنڈا کررہا ہے، ہر فورم پر شکست کے بعد بھارت جھوٹ پر مبنی پروپیگنڈا کر رہا ہے، پہلگام واقعہ پر پاکستان نے غیر جانبدارانہ، شفاف عالمی تحقیقات کی پیشکش کی۔
انہوں نے کہا بلوچستان پاکستان کی لائف لائن ہے، امن و استحکام کا عمل آگے بڑھائیں گے، روایتی جنگ کی طرح بھارتی پراکسیز کو بھی شکست ہوگی، بھارت کا گمراہ کن پروپیگنڈا کسی صورت کامیاب نہیں ہوگا۔
.
ذریعہ
ذریعہ: Jang News
کلیدی لفظ: انہوں نے کہا نے کہا کہ
پڑھیں:
میئر لندن، 16 سال سے کم عمر بچوں کیلئے سوشل میڈیا پر پابندی کی حمایت
لندن کے میئر سر صادق خان(sadiq khan) نے 16 سال سے کم عمر بچوں کے لیے سوشل میڈیا پر پابندی کی حمایت کرتے ہوئے کہا ہے کہ بچوں کو آن لائن دنیا میں درپیش خطرات اور نقصانات سے بچانے کے لیے یہ ایک ضروری اقدام ہے۔
منگل کو لندن میں انجینئرز، کاروباری شخصیات اور سرمایہ کاروں سے خطاب کے دوران صادق خان نے کہا کہ جس طرح خوراک اور ادویات تیار کرنے والی کمپنیوں کو اپنی مصنوعات کی حفاظت ثابت کرنا پڑتی ہے، اسی طرح سوشل میڈیا کمپنیوں کو بھی اپنے پلیٹ فارمز کے بچوں کے لیے محفوظ ہونے کا ثبوت دینا چاہیے۔
انہوں نے کہا کہ جب تک سوشل میڈیا کمپنیاں اپنے پلیٹ فارمز کی حفاظت ثابت نہیں کرتیں، اس وقت تک کم عمر بچوں کے لیے ان پر پابندی عائد کرنا ہی نقصانات کو روکنے کا مؤثر طریقہ ہے۔
میئر نے اس بات پر بھی تشویش کا اظہار کیا کہ آن لائن مینوسفیئر نامی رجحان نوجوان لڑکوں اور مردوں پر منفی اثرات مرتب کر رہا ہے، جس سے ایک کھوئی ہوئی نسل پیدا ہونے کا خطرہ ہے۔
یہ مؤقف برطانوی وزیر اعظم سر کیئر اسٹارمر کے مؤقف سے زیادہ سخت سمجھا جا رہا ہے، اگرچہ وزیر اعظم نے بچوں کی آن لائن حفاظت کے لیے اہم اقدامات کا وعدہ کیا ہے، تاہم انہوں نے ابھی تک سوشل میڈیا پر مکمل پابندی کی حمایت نہیں کی۔
برطانوی حکومت نے حال ہی میں بچوں کے آن لائن تحفظ سے متعلق ایک مشاورتی عمل مکمل کیا ہے، جس میں سوشل میڈیا کے لیے کم از کم عمر مقرر کرنے، ایپس کے استعمال کے اوقات محدود کرنے، لا محدود اسکرولنگ اور آٹو پلے جیسی عادت ساز خصوصیات پر پابندی لگانے اور عمر کی تصدیق کے سخت نظام متعارف کرانے جیسے اقدامات پر رائے طلب کی گئی تھی۔
مزید پڑھیں:نیشنل ہیلتھ سروسز کیلئے 22 ارب روپے کا بجٹ مختص، اہم تفصیلات سامنے آگئیں
مشاورت کے نتائج کی بنیاد پر حکومت بچوں کے تحفظ کے لیے آئندہ پالیسی اور قانون سازی کے حوالے سے فیصلے کرے گی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ