40 کروڑ سبسکرائبرز رکھنے والے یوٹیوبر ’مسٹر بیسٹ‘ شادی کے لیے پیسے ادھار لیں گے!
اشاعت کی تاریخ: 4th, June 2025 GMT
ایک اندازے کے مطابق ایک ارب امریکی ڈالر فی سیلیبریٹی کل مالیت ہونے کے باوجود 40 کروڑ سے زیادہ سبسکرائبرز رکھنے والے مسٹر بیسٹ کا دعویٰ ہے کہ ان کے پاس پیسے بہت کم ہیں جس کی وجہ سے اپنی منگیتر سے شادی کرنے کے لیے انہیں خاندان کی جانب سے مالی معاونت درکار ہے۔
یہ بھی پڑھیں: 30 کروڑ سبسکرائبرز حاصل کرنے والے پہلے یوٹیوبر مسٹر بیسٹ کون ہیں؟
مسٹر بیسٹ کا اصل نام جمی ڈونلڈسن ہے جن کا کہنا ہے کہ اپنی منگیتر اور کنٹینٹ کریئٹر تھیا بوائسن سے شادی کے لیے فنڈز کے لیے انہیں اپنے خاندان کے تعاون کی ضرورت ہے۔
ایسے پیسے کا اچار ڈالنا ہے؟ایکس پر اپنی ایک پوسٹ پر انہوں نے لکھا کہ میرے پاس ذاتی طور پر بہت کم رقم ہے کیونکہ میں پیسہ دوبارہ انویسٹ کر دیتا ہوں۔
انہوں نے کہا کہ ستم ظریفی یہ ہے کہ میں واقعی میں اپنی آنے والی شادی کی ادائیگی کے لیے اپنی ماں سے ادھار لے رہا ہوں لیکن کاغذات پر میرے کاروباروں کی قیمت بہت زیادہ ہے۔
مسٹر بیسٹ صرف سوشل میڈیا کے مختلف پلیٹ فارمز پر پوسٹ کرتے ہیں جہاں ان کی ویڈیوز میں اکثر اشتعال انگیز اسٹنٹ اور بڑی رقم کے تحفے دکھائے جاتے ہیں بلکہ وہ ریئلٹی مقابلہ سیریز بیسٹ گیمز کے میزبان بھی ہیں جس نے اپنے پہلے سیزن کے فاتح کو ایک کروڑ ڈالر کی انعامی رقم سے نوازا تھا۔
مزید پڑھیے: میکسیکو نے معروف یوٹیوبر مسٹر بِیسٹ سے معاوضے کا تقاضا کیوں کیا؟
ان کے سوشل میڈیا اسٹارڈم کے باوجود ایسا لگتا ہے کہ مسٹر بیسٹ کو اپنی شادی کے لیے ’پیسوں کی اشد ضرورت ہے‘ کیونکہ تقریب کے انتظامات ان کی والدہ کی مالی مدد سے کیے جا رہے ہیں۔
تھیا بوائسن سے ملاقات اور منگنیمسٹر بیسٹ کی تھیا بوائسن سے سنہ 2022 میں ملاقات ہوئی تھی جب وہ اپنے آبائی ملک جنوبی افریقہ کا دورہ کر رہے تھے۔ اس جوڑے نے تقریباً ایک ماہ بعد ڈیٹنگ شروع کی اور اپریل 2022 میں کڈز چوائس ایوارڈز میں جوڑے کے طور پر جلوہ افروز ہوئے۔
مزید پڑھیں: معروف یوٹیوبر مسٹربیسٹ نے منگنی کر لی، تصاویر وائرل
دونوں مواد کے تخلیق کاروں کی عمر 27 برس ہے۔ انہوں نے سنہ 2024 میں کرسمس کے دن منگنی کی تھی۔ اس وقت انہوں نے اپنی شادی کے پلان پر بھی روشنی ڈالی یہ بھی بتایا کہ وہ اپنے بڑے دن کو اسپاٹ لائٹ سے کیسے دور رکھنا چاہتے ہیں۔
شادی جزیرے پر کریں گےمسٹر بیسٹ نے لوگوں کو بتایا کہ میں اتنی چھٹیاں نہیں لوں گا کیونکہ میں کام میں بیحد محنت کرتا ہوں۔
تھیا بوائسن نے بتایا کہ وہ ایک جزیرے پر شادی کے بندھن میں بندھنے پر غور کر رہے ہیں۔
یہ بھی پڑھیے: مسٹر بیسٹ کے کس سوال پر کرسٹیانو رونالڈو کے بیٹے نے ان شااللہ کہا؟
انہوں نے کہا کہ ہم بہت دھوم دھام سے شادی نہیں کریں گے اور تقریب میں بس خاندان کے قریبی افراد اور دوست ہوں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امیر ترین یوٹیوبر مسٹر بیسٹ تھیا بوائسن مسٹر بیسٹ کی شادی معروف یوٹیوبر مسٹر بیسٹ.
ذریعہ
ذریعہ: WE News
کلیدی لفظ: امیر ترین یوٹیوبر مسٹر بیسٹ تھیا بوائسن مسٹر بیسٹ کی شادی معروف یوٹیوبر مسٹر بیسٹ یوٹیوبر مسٹر انہوں نے شادی کے کہ میں کے لیے
پڑھیں:
جاپان نے شدید گرمی سے بچاؤ کے لیے ‘انسانی ریفریجریٹر’ تیار کرلیا
جاپان نے شدید گرمی میں کام کرنے والے افراد کے لیے ایک منفرد ٹھنڈا کرنے والا کیبن متعارف کرا دیا ہے جسے ‘انسانی ریفریجریٹر’ کہا جا رہا ہے۔
یہ آلہ چند منٹ میں جسم کا درجہ حرارت کم کرنے میں مدد دیتا ہے اور خاص طور پر تعمیراتی شعبے، فیکٹریوں اور کھلے مقامات پر کام کرنے والے افراد کے لیے تیار کیا گیا ہے۔
یہ بھی پڑھیں: موسمیاتی تبدیلی کے نتیجے میں بڑھتی گرمی انسانی دماغ پر کیا اثر ڈال رہی ہے؟
جاپانی کمپنیوں کی تیار کردہ اس مشین کو ‘دو ہائیمون باکس’ کا نام دیا گیا ہے۔ یہ ایک چھوٹے کمرے یا کیبن کی طرح ہے جس میں ایک شخص داخل ہوکر گرمی سے فوری راحت حاصل کرسکتا ہے۔ اس کے اندر درجہ حرارت تقریباً 15 ڈگری سینٹی گریڈ رکھا جاتا ہے جبکہ ٹھنڈی ہوا سر، گردن، کندھوں اور کمر کی جانب پھینکی جاتی ہے۔
کمپنی کے مطابق چند منٹ کے استعمال سے جسم کو ٹھنڈک کا احساس ہونا شروع ہوجاتا ہے، جبکہ تقریباً 10 منٹ تک اس میں رہنے سے شدید گرمی کے اثرات کم کرنے میں مدد مل سکتی ہے۔ یہ نظام پورے کمرے کو ٹھنڈا کرنے کے بجائے صرف انسان کے جسم کو ٹھنڈا کرنے پر توجہ دیتا ہے، جس سے توانائی کی بچت بھی ہوتی ہے۔
یہ بھی پڑھیں: ریفریجریٹر سے پہلے پانی ٹھنڈا کرنے کی سعودی صحرائی ایجاد کیا تھی؟
یہ ایجاد ایسے وقت میں سامنے آئی ہے جب جاپان سمیت دنیا کے کئی ممالک میں شدید گرمی کی لہریں بڑھ رہی ہیں اور بیرونی کام کرنے والے افراد کو گرمی سے متعلق مسائل کا سامنا ہے۔
‘دو ہائیمون باکس’ کو کاروباری اداروں کے لیے فروخت کیا جا رہا ہے اور اسے فیکٹریوں، تعمیراتی مقامات اور دیگر گرم ماحول والی جگہوں پر استعمال کے لیے تیار کیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news انسانی فریج جاپان گرمی
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار