حوریا منصور کو کیسے جیون ساتھی کی تلاش؟
اشاعت کی تاریخ: 5th, June 2025 GMT
اداکارہ و ماڈل حوریا منصور کا کہنا ہے کہ وہ شریک حیات کے طور پر ایسا شخص چاہتی ہیں جو زندگی کے ہر پہلو میں توازن رکھتا ہو۔
انہوں نے ایک نجی پروگرام میں شرکت کی، جہاں انہوں نے اپنی ذاتی اور پیشہ ورانہ زندگی سے متعلق دلچسپ گفتگو کی۔
شادی سے متعلق سوال پر حوریا کا کہنا تھا کہ فی الحال ان کی تمام تر توجہ اپنے کیریئر پر مرکوز ہے اور وہ فی الوقت شادی کے بارے میں نہیں سوچ رہیں۔
جب شریکِ حیات کے انتخاب کی بات آئی تو ان کا کہنا تھا کہ وہ ایسا شخص چاہتی ہیں جو زندگی کے ہر پہلو میں توازن رکھتا ہو۔
ان کے مطابق لڑکا صرف پریکٹیکل نہ ہو بلکہ اس میں جذبات بھی ہوں۔ وہ مالی طور پر مستحکم ہو، چاہے بہت امیر نہ بھی ہو، لیکن اس میں احساسِ تحفظ ہو اور وہ ان سکیور نہ ہو، ورنہ ہر بات پر مسئلہ بن جائے گا۔
انہوں نے مزید کہا کہ شریکِ حیات کو چھوٹے چھوٹے لمحات میں بھی دلچسپی لینی چاہیے، مثلاً شام کے کھانے یا کسی ملاقات کو اہم سمجھنا اور اس کے لیے کوشش کرنا۔
پروگرام کے ایک سیگمنٹ پاور پلے میں اداکارہ نے اعتراف کیا کہ وہ پیسے کے بجائے محبت کو ترجیح دیتی ہیں۔ انہوں نے سینئر اداکارہ سویرا ندیم کے ساتھ دوبارہ کام کرنے کی خواہش کا اظہار بھی کیا۔
پروجیکٹس کے حوالے سے بات کرتے ہوئے حوریا نے کہا کہ تاحال کوئی ایسا پراجیکٹ نہیں جس کا ان کے ہاتھ سے نکل جانا افسوسناک ہو، بلکہ بعض مواقع پر ایسا بھی ہوا کہ کوئی پراجیکٹ پہلے ان سے چلا گیا اور بعد میں انہیں دوبارہ آفر کیا گیا۔
خود کے بارے میں بات کرتے ہوئے انہوں نے ہنستے ہوئے کہا کہ میں واقعی ایک نمبر کی ڈرامے باز ہوں، کبھی کبھار بھول جاتی ہوں کہ میں کتنی جذباتی اور حساس ہوں۔
یاد رہے کہ حوریا منصور نے اے آر وائی ڈیجیٹل کے معروف ڈرامہ ’نقاب‘ میں اپنی اداکاری سے شہرت حاصل کی، جبکہ اس وقت وہ ڈرامہ سیریل دستک میں بھی اپنی فنکارانہ صلاحیتوں کا مظاہرہ کر رہی ہیں۔
Post Views: 4.
ذریعہ
ذریعہ: Daily Mumtaz
کلیدی لفظ: انہوں نے
پڑھیں:
وزیر ریلوے کی اطالوی قومی دن کے موقع پر اٹلی کی حکومت اور عوام کو مبارکباد
اسلام آباد(اُردو پوائنٹ اخبارتازہ ترین - این این آئی۔ 02 جون2026ء) وزیر ریلوے محمد حنیف عباسی نے اطالوی قومی دن کے موقع پر اٹلی کی حکومت اور عوام کو مبارکباد پیش کرتے ہوئے کہا ہے کہ پاکستان اور اٹلی کے درمیان دیرینہ دوستانہ تعلقات باہمی احترام، اعتماد اور تعاون پر مبنی ہیں۔منگل کو اپنے بیان میں انہوں نے کہا کہ اٹلی پاکستان کا ایک اہم یورپی شراکت دار ہے اور دونوں ممالک کے تعلقات وقت کے ساتھ مزید مستحکم ہوئے ہیں۔ وزیر ریلوے نے کہا کہ پاکستان اٹلی کے ساتھ تجارت، سرمایہ کاری، تعلیم اور ثقافتی روابط کے فروغ کو خصوصی اہمیت دیتا ہے۔انہوں نے کہا کہ اطالوی قومی دن دونوں ممالک کے درمیان دوستی اور تعاون کے مزید فروغ کے عزم کی تجدید کا موقع فراہم کرتا ہے۔ انہوں نے اٹلی میں مقیم پاکستانی برادری کے کردار کو سراہتے ہوئے کہا کہ یہ برادری دونوں ممالک کے درمیان تعلقات کو مضبوط بنانے میں اہم کردار ادا کر رہی ہے۔(جاری ہے)
وزیر ریلوے نے کہا کہ پاکستان اٹلی کے ساتھ اقتصادی، تجارتی اور عوامی سطح کے روابط کو مزید وسعت دینے کا خواہاں ہے ،دونوں ممالک کے درمیان مختلف شعبوں میں تعاون کے وسیع امکانات موجود ہیں جو مشترکہ ترقی اور خوشحالی کا ذریعہ بن سکتے ہیں۔انہوں نے کہا کہ پاکستان اور اٹلی کے مضبوط تعلقات باہمی مفادات کے تحفظ اور بین الاقوامی تعاون کے فروغ میں اہم کردار ادا کر رہے ہیں اور یہ دیرینہ دوستی مستقبل میں مزید مضبوط اور نتیجہ خیز شراکت داری میں تبدیل ہوگی۔ انہوں نے اطالوی قومی دن پر پاکستان اور اٹلی کے عوام کے لیے امن، ترقی اور خوشحالی کی نیک تمناں کا اظہار کیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ