بھارت نے جنگ میں شکست کے بعد سندھ طاس معاہدے کو ہتھیار بنانے کی کوشش کی، وزیراعظم شہباز شریف
اشاعت کی تاریخ: 5th, June 2025 GMT
وزیراعظم محمد شہباز شریف نے آبی وسائل سے متعلق اعلیٰ سطح اجلاس میں گفتگو کرتے ہوئے کہا ہے کہ بھارت حالیہ جنگ میں بدترین شکست کے بعد سندھ طاس معاہدے کو بطور ہتھیار استعمال کرنے کی کوشش کر رہا ہے، لیکن دنیا نے اس کا دھمکی آمیز بیانیہ یکسر مسترد کر دیا ہے۔
وزیراعظم نے کہا کہ اللہ تعالیٰ کے فضل سے ہمیں حالیہ پاک بھارت جنگ میں تاریخی فتح حاصل ہوئی، جس پر جتنا شکر ادا کریں کم ہے۔ انہوں نے کہا کہ اب ہمارا فرض ہے کہ شب و روز محنت کرکے معاشی استحکام حاصل کریں اور آئندہ نسلوں کے لیے محفوظ مستقبل یقینی بنائیں۔
شہباز شریف نے کہا کہ بھارت پانی کے تقسیم کے معاہدے کی مسلسل خلاف ورزی کر رہا ہے اور اس کے پروپیگنڈے کو نہ تو عالمی حمایت ملی، نہ ہی سفارتی کامیابی۔ وزیراعظم نے اعلان کیا کہ پاکستان عالمی قوانین اور سندھ طاس معاہدے کے دائرہ کار میں رہتے ہوئے بھارتی آبی جارحیت کا بھرپور جواب دے گا۔
مزید پڑھیں: سندھ طاس معاہدے پر بھارتی رویہ ناقابل قبول ہے، وزیر اعظم کی اقوام متحدہ کے سیکریٹری جنرل سے گفتگو
انہوں نے کہا کہ جیسے افواج پاکستان نے روایتی جنگ میں جرأت سے کامیابی حاصل کی، ویسے ہی پانی کے محاذ پر بھی بھارتی غرور کو خاک میں ملائیں گے۔ وزیراعظم نے اس بات پر زور دیا کہ ہمیں اپنے آبی ذخائر بڑھانے ہوں گے اور اگر آج اقدامات نہ کیے گئے تو آنے والی نسلیں ہمیں معاف نہیں کریں گی۔
اجلاس میں وزیراعظم نے کہا کہ چاروں صوبوں کی عوام کی پانی کی ضروریات پوری کرنا حکومت کی اولین ترجیح ہے، اور قومی سلامتی کمیٹی نے 24 اپریل کو بھارتی آبی جارحیت کے خلاف واضح حکمت عملی پر اتفاق کیا ہے۔ سلٹنگ کے باعث موجودہ ڈیموں کی گنجائش کم ہو رہی ہے، اس لیے نئے منصوبے اور مربوط اقدامات وقت کی ضرورت ہیں۔
وزیراعظم نے کہا کہ سیاسی و سفارتی محاذوں پر بھرپور توجہ دی جائے گی اور پاکستان دنیا کے سامنے اپنا مؤقف واضح انداز میں پیش کرتا رہے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
افواج پاکستان سندھ طاس معاہدے وزیراعظم محمد شہباز شریف.ذریعہ: WE News
کلیدی لفظ: افواج پاکستان سندھ طاس معاہدے وزیراعظم محمد شہباز شریف سندھ طاس معاہدے شہباز شریف نے کہا کہ
پڑھیں:
بھارت سے خطے کی سلامتی کو شدید خطرات لاحق ہیں، وزیراعظم شہباز شریف
وزیراعظم شہباز شریف نے کہا ہے کہ بھارت سے خطے کی امن اور سلامتی کو شدید خطرات لاحق ہیں۔
قومی اقتصادی کونسل اجلاس سے خطاب میں وزیراعظم نے شرکاء کو معرکہ حق میں پاکستان کی تاریخ ساز فتح پر مبارک باد پیش کی۔
انہوں نے کہا کہ پاک افواج کی پیشہ ورانہ مہارت اور دلیری کی بدولت اللہ نے پاکستان کو فتح سے نوازا، بھارت کا پاکستان کے خلاف حالیہ بیانیہ انتہائی غیر ذمہ دارانہ ہے۔
شہباز شریف نے مزید کہا کہ بھارت کی پاکستان کو آبی وسائل سے محروم کرنے کی دھمکیاں نا قابل قبول ہیں، معرکہ حق کے بعد آبی وسائل کے تحفظ کی جدوجہد میں بھی بھارت کو شکست دیں گے۔
ان کا کہنا تھا کہ بھارتی بیانیے سے خطے میں امن و سلامتی کو شدید خطرات لاحق ہیں، عوام ملکی سالمیت کے تحفظ کےلیے بھارت کے خلاف مکمل طور پر یکجا ہیں۔
وزیراعظم نے یہ بھی کہا کہ تمام وزراء اعلیٰ سے آبی وسائل کے تحفظ کی حکمت عملی پر مشاورت کی جائے گی، وفاق اور صوبے مل کر پاکستان کے آبی وسائل کو محفوظ رکھنے میں کامیاب ہوں گے۔
انہوں نے کہا کہ ملک میں حالیہ معاشی استحکام وفاق اور صوبوں کی مشترکہ کاوشوں کی بدولت ممکن ہوا، ملک معاشی ترقی کی راہ پر گامزن ہے۔
شہباز شریف نے کہا کہ زرعی شعبہ ملکی زر مبادلہ میں اضافے اور شرح نمو میں اضافے کےلیے مرکزی کردار ادا کرتا ہے، زرعی پیداوار میں بتدریج اضافے کےلیے حکمت عملی تشکیل دی جا رہی ہے۔
اجلاس میں قومی اقتصادی کونسل کے 6 نکاتی ایجنڈے کی اتفاق رائے سے منظوری دی گئی۔
مستقبل میں پاک بھارت کشیدگی ہوسکتی ہے، جنرل ساحر شمشاد مرزا