وزیرِاعظم شہباز شریف 2 روزہ دورہ سعودی عرب پر روانہ، عید الاضحیٰ سعودی ولی عہد کے ہمراہ منائیں گے
اشاعت کی تاریخ: 5th, June 2025 GMT
وزیرِاعظم محمد شہباز شریف سعودی ولی عہد و وزیرِاعظم شہزادہ محمد بن سلمان بن عبدالعزیز آل سعود کی دعوت پر 2 روزہ سرکاری دورے پر سعودی عرب روانہ ہو گئے ہیں۔ وزیراعظم 5 اور 6 جون کو سعودی عرب میں قیام کریں گے اور عیدالاضحیٰ کے دن جدہ میں منائیں گے۔
عید کے روز وزیرِاعظم شہباز شریف اور ولی عہد شہزادہ محمد بن سلمان کے درمیان خصوصی ملاقات متوقع ہے، جس میں دوطرفہ تعلقات، سرمایہ کاری، تجارت، امتِ مسلمہ کی فلاح و سلامتی، اور علاقائی امن کے امور پر تبادلۂ خیال کیا جائے گا۔
مزید پڑھیں: پاک بھارت کشیدگی کے دوران سعودی عرب کا مثالی سفارتی رد عمل
وزیراعظم شہباز شریف پاک بھارت حالیہ کشیدگی کے تناظر میں سعودی قیادت کے تعمیری کردار پر ان کا شکریہ بھی ادا کریں گے۔
وزیراعظم کے ہمراہ ایک اعلیٰ سطح وفد بھی سعودی عرب روانہ ہوا ہے، جو مختلف شعبوں میں تعاون بڑھانے سے متعلق اجلاسوں میں شریک ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
شہزادہ محمد بن سلمان بن عبدالعزیز آل سعود وزیراعظم محمد شہباز شریف.ذریعہ: WE News
کلیدی لفظ: شہزادہ محمد بن سلمان بن عبدالعزیز آل سعود وزیراعظم محمد شہباز شریف شہباز شریف
پڑھیں:
غیررسمی معیشت کے سدباب کیلئے انفورسمنٹ سے متعلق مزید اقدامات کیے جائیں: وزیر اعظم شہباز شریف
—فائل فوٹووزیر اعظم شہباز شریف نے کہا ہے کہ غیررسمی معیشت کے سدباب کے لیے انفورسمنٹ سے متعلق مزید اقدامات کیے جائیں۔
شہباز شریف کی زیر صدارت ایف بی آر کی جاری اصلاحات پر جائزہ اجلاس ہوا جس میں وفاقی وزراء عطاء اللّٰہ تارڑ، احد خان چیمہ، اعظم نذیر تارڑ، چیئرمین ایف بی آر شریک تھے۔
اس موقع پر گفتگو کرتے ہوئے انہوں نے کہا کہ ایف بی آر کے ڈیجیٹائزیشن سے اہداف کے حصول میں معاونت ملی، مستقل بنیادوں پر پائیدار نظام بنانے کے لیے اقدامات یقینی بنائے جائیں۔
وزیراعظم نے کہا کہ رپورٹ میں بروقت قرض کی ادائیگی کا بھی اعتراف کیا گیا ہے، رپورٹ یقینی طور پر حکومتی معاشی صورتحال میں بہتری کا ثبوت ہے۔
وزیر اعظم کا کہنا تھا کہ ایف بی آر ڈیجیٹل ونگ کی ازسرنو تشکیل کے لیے اہداف کے حصول کے وقت کا تعین کیا جائے، اصلاحات کے اطلاق میں کاروباری حضرات، تاجر برادری اور ٹیکس دہندگان کی سہولت کو مدنظر رکھا جائے، ٹیکس نظام کی بہتری سے ملکی آمدن میں اضافہ اور عام آدمی پر ٹیکس بوجھ کم کرنا ترجیحات ہیں۔
شہباز شریف نے ایف بی آر حکام اور اصلاحات میں شامل افسران و اہلکاروں کی کوششوں کی تعریف کی اور آئندہ ہفتے تجاویز سے متعلق قابل عمل اہداف اور مدت کا تعین کر کے پیش کرنے کی ہدایت کی۔
ریکارڈ ترسیلات زر‘ مالی سال 2025ء میں 38.3 ارب ڈالر پاکستان منتقل