data-id="863a0a8" data-element_type="widget" data-widget_type="theme-post-content.default">
کراچی(کامرس رپورٹر) مالی سال 2025-26 کے وفاقی بجٹ کے بعد پہلے ہی دن پاکستان اسٹاک مارکیٹ نے بینک وقت دو تاریخی سنگ میل عبور کر لیا ،ملکی تاریخ میں پہلی بار انڈیکس 1لاکھ24ہزار کی سطح عبور کر کے بند ہوا جبکہ ٹریڈنگ کے دوران124,588پوائنٹس کو چھونے کا بھی ریکارڈ قائم کیا۔مارکیٹ کے سرمائے میں 226 ارب روپے سے زاید کاا ضافہ ہوا جبکہ 59.
20 فیصد حصص کی قیمتیں بھی بڑھ گئیں۔اسٹاک ماہرین کے مطابق بجٹ میں کیپیٹل گین ڈیوڈنڈ پر شرح 15 فیصد برقرار رکھے جانے اور حکومت کی جانب سے بڑے ٹیکس اقدامات نہ کیے جانے پر مارکیٹ میں تیزی دیکھنے میں آئی۔پاکستان اسٹاک ایکسچینج میں بدھ کے کاروباری روز سرمایہ کاروں بجٹ میں بڑے ٹیکس اقدامات نہ ہونے پر مثبت ردعمل ظاہر کیا جس کے نتیجے انڈیکس 124,588پوائنٹس پر ٹریڈ ہوتا دیکھا گیا کاروباری سیشن کے دوران آٹوموبائل اسمبلرز، سیمنٹ، کمرشل بینکس، آئل و گیس کی تلاش کرنے والی کمپنیاں، او ایم سیز اور بجلی پیدا کرنے والے شعبوں میں بھرپور خریداری کا رجحان رہا۔پاکستان اسٹاک ایکسچینج میں بدھ کو کاروبار کے اختتام پر کے ایس ای 100انڈیکس2328 پوائنٹس کے اضافے 124,352.68 کی نئی ریکارڈ سطح پر بند ہوا۔اسی طرح 729پوائنٹس کے اضافے سے کے ایس ای 30انڈیکس37ہزار 631پوائنٹس اور کے ایس ای آل شیئرز انڈیکس 76ہزار160پوائنٹس سے بڑھ کر 77ہزار327 پوائنٹس پر جا پہنچا۔مارکیٹ کے سرمائے میں 226ارب27کروڑ49لاکھ46ہزار106روپے کا اضافہ ریکارڈ کیا گیا جس کے بعد مارکیٹ کیپٹیلائزیشن14994ارب 45کروڑ 57 لاکھ 80ہزار184روپے ہو گیا۔بدھ کو مارکیٹ میں 46ارب روپے مالیت کے1ارب 4کروڑ11 لاکھ حصص کے سودے ہوئے جبکہ منگل کو 21ارب روپے مالیت کے59کروڑ29لاکھ52ہزار حصص کے سودے ہوئے تھے۔اسٹاک مارکیٹ میں بدھ کو مجموعی طور پر478کمپنیوں کا کاروبارہوا جس میں سے 283کمپنیوں کے حصص کی قیمتوں میں اضافہ،157میں کمی اور38کمپنیوں کے حصص کی قیمتوں میں استحکام رہا۔کاروبار کے لحاظ سے پرویز احمدکمپنی ،ورلڈ کال ٹیلی کام ،سوئی سدرن گیس ،پی آئی ایہولڈںگ کمپنی اور فوجی فوڈز لمیٹڈ سر فہرست رہے۔قیمتوں میں اتار چڑھاو کے اعتبار سے رفحان میز پروڈکٹ کمپنی لمیٹڈ کا بھاو117.58 روپے بڑھ کر 9830.52روپے ہو گیا۔
ذریعہ
ذریعہ: Jasarat News
پڑھیں:
بلاول کل چلاس جبکہ آصفہ بھٹو ہنزہ میں خطاب کریں گی
رکن قومی اسمبلی بی بی آصفہ بھٹو زرداری کل بتاریخ تین جون بروز بدھ شام چار بجے گلگت بلتستان کے ضلع ہنزہ کی تحصیل علی آباد کے ڈگری کالج گراؤنڈ میں انتخابی جلسے سے خطاب کریں گی۔ اسلام ٹائمز۔ رکن قومی اسمبلی بی بی آصفہ بھٹو زرداری کل بتاریخ تین جون بروز بدھ شام چار بجے گلگت بلتستان کے ضلع ہنزہ کی تحصیل علی آباد کے ڈگری کالج گراؤنڈ میں انتخابی جلسے سے خطاب کریں گی۔ جبکہ پاکستان پیپلزپارٹی کے چیئرمین بلاول بھٹو زرداری کل تین جون بروز بدھ شام پانچ بجے گلگت بلتستان کے ضلع دیامر کی تحصیل چلاس میں واقع فٹبال گراؤنڈ میں انتخابی جلسہ عام سے خطاب کریں گے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ