’تمام میسجز ڈیلیٹ کردیں‘، ایف بی آئی کا سائبر حملوں سے متعلق انتباہ
اشاعت کی تاریخ: 15th, June 2025 GMT
امریکی تحقیقاتی ادارے ایف بی آئی نے ہزاروں امریکیوں کی شکایت پر دھوکا دہی کی ایک مہم کے حوالے سے تحقیقات کا آغاز کر دیا۔
امریکی شہریوں کو بھاری ٹریفک چالان کے متعلق پیغامات موصول ہو رہے تھے جن کو جون کے مہینے میں جمع کیے جانے کے لیے کہا گیا تھا اور ایسا نہ کرنے کی صورت میں ڈرائیونگ سہولیات کے چھینے جانے یا جیل جانے کے متعلق بتایا جا رہا ہے۔
ایف بی آئی نے لوگوں کو ایسے تمام میسجز ڈیلیٹ کرنے کے لیے کہا ہے جن کے متعلق دعویٰ ہے کہ وہ شعبہ برائے موٹر وہیکل کی جانب سے بھیجے گئے ہیں کیوں کہ حکومتی ادارہ لوگوں سے میسج کے ذریعے کبھی بھی براہ راست رابطہ نہیں کرتا۔
امریکا میں سائبر کرمنلز نے اینڈرائیڈ اور آئی فون صارفین کے خلاف سائبر حملوں کی ایک نئی لہر لانچ کی ہے اور رواں ماہ اس جعلسازی میں 700 فی صد سے زیادہ اضافہ ہوا ہے۔
ان پیغامات میں عموماً جعلی ویب سائٹ لنکس ہوتے ہیں جو کریڈٹ کارڈ نمبر اور دیگر نجی معلومات چرانے کے لیے ڈیزائن کیے گئے ہیں۔
حکام نے اس بات کی تصدیق کی ہے کہ یہ جعلسازی ملک بھر میں تیزی پھیل رہی ہے۔
.ذریعہ: Express News
پڑھیں:
سالانہ 500 سے زائد لوگوں کی ہلاکت، افغانستان میں زلزلے کیوں عام ہیں؟
افغانستان کے شہر مزارِ شریف کے قریب پیر کی صبح 6.3 شدت کا زلزلہ آیا، جس کے نتیجے میں کم از کم 7 افراد جاں بحق اور تقریباً 150 زخمی ہوگئے۔
یہ زلزلہ صرف چند ماہ بعد آیا ہے جب اگست کے آخر میں آنے والے زلزلے اور اس کے جھٹکوں سے 2 ہزار 200 سے زائد افراد ہلاک ہوئے تھے۔
یہ بھی پڑھیے: افغانستان: مزارِ شریف کے قریب زلزلہ، 7 افراد جاں بحق، 150 زخمی
افغانستان میں زلزلے کیوں عام ہیں؟رائٹرز کی رپورٹ کے مطابق پہاڑوں میں گھرا ہوا افغانستان مختلف قدرتی آفات کا شکار رہتا ہے، تاہم زلزلے سب سے زیادہ تباہ کن ثابت ہوتے ہیں۔ ماہرین کے مطابق ملک میں ہر سال اوسطاً 560 افراد زلزلوں سے جان کی بازی ہار دیتے ہیں، جب کہ سالانہ مالی نقصان کا تخمینہ تقریباً 8 کروڑ ڈالر لگایا گیا ہے۔ تحقیق سے معلوم ہوتا ہے کہ 1990 سے اب تک افغانستان میں 5 شدت یا اس سے زیادہ کے 355 سے زائد زلزلے آ چکے ہیں۔
افغانستان یوریشیائی اور بھارتی ٹیکٹونک پلیٹس کے سنگم پر واقع ہے۔ یہ دونوں پلیٹس ایک دوسرے کے قریب آ رہی ہیں، جب کہ جنوب میں عرب پلیٹ کا اثر بھی موجود ہے۔ انہی پلیٹس کے باہمی دباؤ اور ٹکراؤ کے باعث یہ خطہ دنیا کے سب سے زیادہ زلزلہ خیز علاقوں میں شمار ہوتا ہے۔ بھارتی پلیٹ کا شمال کی طرف دباؤ اور اس کا یوریشیائی پلیٹ سے تصادم اکثر شدید زلزلوں کا باعث بنتا ہے۔
سب سے زیادہ متاثرہ علاقےمشرقی اور شمال مشرقی افغانستان، خصوصاً پاکستان، تاجکستان اور ازبکستان کی سرحدوں سے متصل علاقے، زلزلوں سے زیادہ متاثر ہوتے ہیں۔ دارالحکومت کابل بھی ایک خطرناک زون میں واقع ہے، جہاں ہر سال زلزلوں سے ہونے والے نقصانات کا تخمینہ ایک کروڑ 70 لاکھ ڈالر لگایا گیا ہے۔ پہاڑی علاقوں میں زلزلے زمین کھسکنے کا باعث بنتے ہیں، جس سے جانی نقصان میں کئی گنا اضافہ ہو جاتا ہے۔
یہ بھی پڑھیے: وزیراعلیٰ گنڈا پور کا افغانستان کے زلزلہ متاثرین کے لیے مزید 1000 خیمے بھیجے کا اعلان
افغانستان کے بدترین زلزلےگزشتہ ایک صدی میں افغانستان میں تقریباً سو بڑے تباہ کن زلزلے آ چکے ہیں۔ 2022 میں 6 شدت کے زلزلے نے 1000 افراد کی جان لی، جب کہ 2023 میں ایک ہی مہینے میں آنے والے کئی زلزلوں نے 1000 سے زائد افراد کو ہلاک اور درجنوں دیہات کو تباہ کر دیا۔ 2015 میں 7.5 شدت کے زلزلے سے افغانستان، پاکستان اور بھارت میں 399 افراد جاں بحق ہوئے، جبکہ 1998 میں 3 ماہ کے دوران 2 بڑے زلزلوں نے 7 ہزار سے زائد افراد کی جان لے لی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
محکمہ سیاحت پنجاب کا دسویں تھل ڈیزرٹ ریلی 2025 کے انعقاد کا اعلان