پنجاب وائلڈ لائف ڈیپارٹمنٹ میں تقرریوں و تبادلوں کی بڑی لہر، اہم افسران کے چارج تبدیل
اشاعت کی تاریخ: 15th, June 2025 GMT
لاہور:
سیکرٹری جنگلات، جنگلی حیات و ماہی پروری پنجاب مدثر ریاض ملک نے چیف وائلڈ لائف رینجر مبین الٰہی کی سفارشات پر محکمہ جنگلی حیات میں وسیع پیمانے پر تقرریوں اور تبادلوں کے احکامات جاری کر دیے ہیں۔
جاری کردہ اعلامیے کے مطابق متعدد افسران کو فوری طور پر تبدیل کر کے نئی ذمہ داریاں سونپ دی گئی ہیں جبکہ بعض کو عبوری طور پر اضافی چارج دیے گئے ہیں تاکہ زیر تربیت افسران کی عدم موجودگی میں امور کی انجام دہی میں رکاوٹ نہ آئے۔
تفصیلات کے مطابق ڈپٹی چیف وائلڈ لائف رینجر راولپنڈی ریجن احسان احمد راجہ اور گجرانوالہ ریجن کے زاہد اقبال شیخ کو فوری طور پر تبدیل کر کے ہیڈ آفس رپورٹ کرنے کی ہدایت کی گئی ہے۔ گجرات ریجن کی ڈپٹی چیف وائلڈ لائف رینجر ارفع بتول کا تبادلہ راولپنڈی ریجن کر دیا گیا ہے جبکہ لاہور ریجن کے ڈپٹی چیف وائلڈ لائف رینجر عاصم کامران کو گوجرانوالہ ریجن بھیجا گیا ہے۔
اسی طرح، اسسٹنٹ چیف وائلڈ لائف رینجر ضلع منڈی بہاءالدین سید عثمان الحسن کو گجرات ریجن میں ڈپٹی چیف وائلڈ لائف رینجر کا اضافی چارج تفویض کیا گیا ہے۔ ضلع نارووال کے ارشد ناز کو گجرانوالہ میں اے سی ڈبلیو آر مس مریم فیض کی تربیت مکمل ہونے تک اضافی چارج دیا گیا ہے۔ ضلع راولپنڈی کی اسسٹنٹ چیف وائلڈ لائف رینجر رضوانہ عزیز کو ضلع اٹک میں اے سی ڈبلیو آر شاہ زیب کی ٹریننگ مکمل ہونے تک تعینات کیا گیا ہے۔
مزید برآں، ضلع چکوال کے محمد عمران کو میانوالی، ضلع اوکاڑہ کے شہباز انور مان کو ساہیوال، اور جہلم ہیڈکوارٹرز کے محمد تیمور کو ضلع جہلم میں عبوری ذمہ داری دی گئی ہے۔ اسی طرح سید علی عثمان بخاری، جو اس وقت بحیثیت ڈپٹی چیف وائلڈ لائف رینجر بہاولپور کام کر رہے ہیں، کو ضلعی اسسٹنٹ چیف وائلڈ لائف رینجر بہاولپور کا اضافی چارج دیا گیا ہے۔
اس کے علاوہ، محمد اشفاق کو ضلع لیہ، محمد سلیم کو ضلع بھکر، عامر جمیل کو ضلع قصور، نمرہ رشید کو ضلع بہاولپور ہیڈکوارٹرز، اور مجاہد کلیم کو اسسٹنٹ چیف وائلڈ لائف رینجر پروٹیکشن فورس چولستان کا اضافی چارج سونپا گیا ہے۔
محکمہ جنگلی حیات کے ذرائع کے مطابق یہ تقرریاں اور تبادلے انتظامی کارکردگی بہتر بنانے اور فیلڈ میں مؤثر نگرانی یقینی بنانے کے لیے کیے گئے ہیں۔ توقع کی جا رہی ہے کہ اس اقدام سے وائلڈ لائف کی تحفظاتی سرگرمیوں میں مزید بہتری آئے گی۔
.ذریعہ: Express News
کلیدی لفظ: اضافی چارج کو ضلع گیا ہے
پڑھیں:
کراچی: میاں بیوی قتل کیس میں نیا موڑ، مقتول کے والد کے بیان سے تفتیش کا رخ تبدیل
کراچی کے علاقے چائنا پورٹ سے میاں بیوی کی لاشیں ملنے کے ہولناک واقعے کی تحقیقات میں اہم پیشرفت سامنے آئی ہے۔ کراچی پولیس کی خصوصی ٹیم تفتیش کے سلسلے میں گوجرانوالہ پہنچ چکی ہے، جہاں سے 4 افراد کو گرفتار کیا گیا ہے۔
ڈی آئی جی ساؤتھ کے مطابق گرفتار افراد میں مقتولہ ثنا آصف کا بھائی وقاص اور دیگر شامل ہیں۔ مقتول ساجد کے والد، عارف مسیح، کراچی پہنچ چکے ہیں اور انہوں نے پولیس کو اپنا تفصیلی بیان بھی ریکارڈ کرا دیا ہے۔
عارف مسیح نے بتایا کہ ان کے بیٹے ساجد کے دوست احتشام اور ثنا کے بھائی سمیت 5 افراد پر انہیں شک ہے۔ ان کا کہنا تھا کہ ساجد 14 جولائی کو گھر سے نکلا اور پھر واپس نہ آیا۔ اگلے روز مقتولہ ثنا کے گھر کی خواتین نے ان کے گھر آ کر انہیں ڈرانے دھمکانے کی کوشش کی، جس کے بعد انہوں نے خوف کے باعث اپنا گھر چھوڑ دیا اور کسی اور جگہ منتقل ہو گئے۔
عارف کے مطابق ان کے گھر کو نقصان بھی پہنچایا گیا، اور انہیں ساجد اور ثنا کی لاشیں ملنے کی اطلاع سوشل میڈیا اور رشتہ داروں سے ملی۔ جناح اسپتال پہنچ کر انہوں نے لاشوں کی تصویریں دیکھ کر شناخت کی۔ اب پولیس کو باضابطہ بیان دے دیا گیا ہے۔
ڈی آئی جی ساؤتھ کے مطابق اس بیان کی روشنی میں مقدمے میں مزید افراد کو نامزد کرنے کا فیصلہ کیا گیا ہے اور تحقیقات کا دائرہ وسیع کر دیا گیا ہے۔ گوجرانوالہ سے 11 افراد کو حراست میں لیا گیا ہے، جن میں خاتون مقتولہ کا بھائی بھی شامل ہے۔ مقتولہ ثنا کی فیملی کو شاملِ تفتیش کیا جا چکا ہے۔
پولیس حکام کا کہنا ہے کہ قتل کا مقدمہ بوٹ بیسن تھانے میں نامعلوم افراد کے خلاف درج ہے، تاہم اب شواہد اور بیان کی بنیاد پر کیس کو آگے بڑھایا جا رہا ہے۔ پولیس کا کہنا ہے کہ گرفتار افراد سے تفتیش جاری ہے اور جلد اصل ملزمان تک پہنچنے کی امید ہے۔
حکام کے مطابق اس وقت قتل کی وجہ اور اصل محرکات کے بارے میں کچھ کہنا قبل از وقت ہوگا، تاہم مقتول کے والد کے بیان نے کیس میں نیا رُخ دے دیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
چائنا پورٹ ڈی آئی جی ساؤتھ ساجد اور ثنا کراچی میاں بیوی میاں بیوی قتل
امریکا آنیوالے تمام غیر ملکیوں کو اب 250 ڈالرز اضافی ویزا فیس دینا ہوگی