حماس کا وزیر دفاع خواجہ آصف کے بیان کا بھر پورخیرمقدم
اشاعت کی تاریخ: 16th, June 2025 GMT
data-id="863a0a8" data-element_type="widget" data-widget_type="theme-post-content.default">
غزہ (صباح نیوز) حماس رہنما ڈاکٹر سامی ابو زہری نے وزیر دفاع خواجہ آصف کے بیان کا بھرپور خیرمقدم کیا ہے۔وزیر دفاع خواجہ آصف کے حالیہ بیان پر فلسطینی مزاحمتی تنظیم حماس کی جانب سے مثبت ردعمل سامنے آیا ہے۔ حماس کے سینئر رہنما ڈاکٹر سامی ابو زہری نے خواجہ آصف کی جانب سے پیش کیے گئے پاکستانی موقف کو سراہتے ہوئے کہا ہے کہ یہ وقت کی ضرورت ہے کہ اسلامی دنیا متحد ہو کر فلسطین کے مظلوم عوام کی حمایت میں عملی اقدامات کرے۔ڈاکٹر سامی ابو زہری نے کہا کہ پاکستان کے وزیر دفاع نے اسلامی ممالک کے اتحاد پر زور دے کر ایک جرات مندانہ موقف اپنایا ہے، خواجہ آصف کے اعلان کردہ پاکستانی موقف کو سراہتے ہیں ۔ انہوں نے خاص طور پر اسرائیل کے ساتھ سفارتی تعلقات منقطع کرنے کے مطالبے کو اہم قرار دیا اور کہا کہ اسرائیل کے خلاف جنگ جیتنے کے سوا اب کوئی چارہ باقی نہیں۔حماس رہنما نے خبردار کیا کہ اگر عالم اسلام نے اب بھی خاموشی اختیار کی تو مستقبل مزید مشکل ہو جائے گا۔ انہوں نے کہا کہ غزہ میں جاری نسل کشی کو روکنے کے لیے فوری اور بڑا قدم اٹھانا ناگزیر ہو چکا ہے۔سامی ابو زہری نے کہا کہ پاکستان جیسے بااثر اسلامی ملک کی جانب سے فلسطین کی کھل کر حمایت عالم اسلام کے لیے رہنمائی کا باعث بن سکتی ہے اور یہ وقت ہے کہ تمام مسلم ممالک مشترکہ حکمت عملی اختیار کریں۔
.ذریعہ: Jasarat News
پڑھیں:
ابھی نندن کی واپسی قومی سرنڈر تھا، آج بھی اس فیصلے پر شرمندگی ہے، وزیر دفاع خواجہ آصف
وزیر دفاع خواجہ آصف نے بھارتی پائلٹ ابھی نندن کی رہائی کو پاکستان کا ’سرنڈر‘ قرار دے دیا۔
قومی اسمبلی میں اظہار خیال کرتے ہوئے انہوں نے کہاکہ 2019 میں بھارتی پائلٹ کی فوری واپسی ایک غلط فیصلہ تھا، جس پر آج بھی افسوس ہے۔
یہ بھی پڑھیں ‘عمران خان کو چاہیے تھا کہ وہ ابھی نندن کی جگہ وجاہت سعید خان کو انڈیا کے حوالے کردیتے’
خواجہ آصف نے کہا کہ اس وقت کے وزیراعظم عمران خان اور سابق آرمی چیف جنرل قمر جاوید باجوہ نے مل کر یہ فیصلہ کیا، جس کے نتیجے میں 24 گھنٹے کے اندر اندر ابھی نندن کو بھارت کے حوالے کر دیا گیا۔ ان کے مطابق یہ اقدام ہماری عسکری کامیابی کو کمزور کرنے کے مترادف تھا۔
وزیر دفاع نے واضح کیاکہ یہ فیصلہ نہ صرف پاکستان کے مؤقف کو کمزور کرتا ہے بلکہ دشمن کو ایک غلط پیغام دیتا ہے۔ انہوں نے کہاکہ ہم اُس وقت بھی اس فیصلے پر شرمندہ تھے، اور آج بھی شرمندہ ہیں۔
اسرائیل سے لاتعلقی کا اعادہ
اپنے خطاب میں خواجہ آصف نے اسرائیل کے حوالے سے پاکستان کے دیرینہ مؤقف کو دہرایا۔
انہوں نے کہاکہ اسرائیل کے ہاتھ فلسطینیوں کے خون سے رنگے ہیں، اس سے کسی بھی سطح پر تعلقات نہیں ہونے چاہییں۔
وزیر دفاع نے اس بات پر بھی سوال اٹھایا کہ حال ہی میں جو پاکستانی نژاد افراد اسرائیل گئے، انہیں کس نے اسپانسر کیا؟
ایران کے ساتھ مکمل حمایت
ایران سے متعلق خواجہ آصف کا کہنا تھا کہ پاکستان ہمیشہ ایران کے ساتھ کھڑا رہا ہے اور عالمی سطح پر اس کی حمایت جاری رکھے گا۔
یہ بھی پڑھیں عمران خان نے ابھینندن کو کس کے کہنے پر چھوڑا؟ فواد چوہدری نے بھید کھول دیا
واضح رہے کہ 27 فروری 2019 کو پاکستان نے ’آپریشن سوئفٹ ریٹارٹ‘ کے دوران بھارتی جنگی طیارہ مار گرایا تھا اور اس کے پائلٹ ابھی نندن کو گرفتار کیا گیا۔ تاہم امن کے پیغام کے طور پر اُسے بھارت کے حوالے کردیا گیا، جس پر ملکی سطح پر بحث اور تنقید شروع ہوگئی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ابھی نندن بھارتی پائلٹ خواجہ آصف عمران خان قمر جاوید باجوہ قومی اسمبلی قومی سرینڈر وزیر دفاع وی نیوز
بلوچستان سورج آگ برسانے لگا؛ درجہ حرارت 49 ڈگری سینٹی گریڈ کو چھو گیا