اقرار الحسن کی پہلی بیوی قرۃ العین کا شوہر کی تیسری بیوی عروسہ کو انٹرویو، کیا اہم باتیں ہوئیں؟
اشاعت کی تاریخ: 16th, June 2025 GMT
لاہور(نیوز ڈیسک)اینکرپرسن اقرار الحسن کی پہلی اور تیسری اہلیہ کے پوڈکاسٹ کی ویڈیو وائرل ہو رہی ہے جس میں وہ اپنے شوہر سے متعلق گفتگو کرتی دکھائی دے رہی ہیں۔
اقرار الحسن کی پہلی بیوی قرۃ العین نے اپنی سوکن عروسہ خان کے پوڈکاسٹ میں شرکت کی۔ جس میں عروسہ نے ان سے مختلف موضوعات اور اقرار الحسن سے متعلق سوالات پوچھے۔ پروگرام کے دوران ایک سوال کے جواب میں قرۃ العین نے بتایا کہ محبت میں پہل انہوں نے کی اور اس کا اظہار شاعری کے ذریعے کیا۔ اور جو شعر انہوں نے اقرار کو بھیجا وہ کچھ یوں تھا۔
کوئی تعویذ ہو رد بلا کا
میرے پیچھے محبت پڑ گئی ہے
انہوں نے بتایا کہ شادی کے بعد وہ دونوں دبئی چلے گئے تھے اور وہاں انہوں نے پہلی بار عامر خان کی فلم ’تارے زمیں پر‘ ایک ساتھ دیکھی تھی اور آخری فلم جو دونوں نے ایک ساتھ دیکھی وہ ’امراؤ جان ادا‘ ہے۔
قرۃ العین کا کہنا تھا کہ اقرار الحسن کے ساتھ پہلا بین الاقوامی ٹرپ انہیں ہمیشہ یاد رہے گا وہ پہلے ایک ساتھ مشرقی یورپ میں واقع ملک، ’چیک ری پبلک‘ کے دارالحکومت پراگ گئے جو ان کی پسندیدہ جگہ ہے اس کے بعد جرمنی میں ایک ایونٹ اٹینڈ کرنے کے بعد پیرس اور سوئزرلینڈ گئے اور پھر پاکستان واپس آئے۔
پوڈ کاسٹ کے دوران ’ریپڈ فائر‘ گیم کھیلتے ہوئے ایک سوال کے جواب میں انہوں نے کہا کہ شوہر اور بیٹے میں سے اگر کسی ایک کا انتخاب ہو تو وہ پہلاج کو چنیں گی۔
عروسہ نے سوال کیا کہ جہاز کے سفر کے دوران ایک سیٹ ہو اور انہیں اقرار الحسن اور عروسہ میں سے کسی ایک کو ساتھ بٹھانے کا کہا جائے تو وہ کس کا انتخاب کریں گی اس سوال کے جواب میں قرۃ العین نے کہا کہ شوہر کے بجائےعروسہ خان کو اپنے ساتھ بٹھائیں گی کیونکہ اقرار اپنا بندوبست کر لیں گے۔
قرۃ العین نے مزید بتایا کہ انہیں احمد فراز سے زیادہ فیض احمد فیض اور علی زریون سے زیادہ انہیں تہذیب حافی پسند ہیں کیونکہ انہوں نے نوجوان نسل میں اردو کو دوبارہ سے متعارف کرایا ہے۔
عروسہ کے بارے میں بات کرتے ہوئے قرۃ العین نے کہا کہ وہ ان کی زندگی کا مثبت اور نیا پہلو ہیں۔
خیال رہے کہ اقرار الحسن نے پہلی شادی سابق نیوز کاسٹر قرۃ العین سے 2010 سے قبل کی تھی، جن سے انہیں ایک بیٹا بھی ہے۔ ٹی وی میزبان نے دوسری شادی نیوز کاسٹر فرح سے کی اور ان سے شادی کو بھی ایک دہائی سے زائد عرصہ گزر چکا ہے۔ جبکہ تیسری شادی تقریبا دو سال قبل صحافی عروسہ خان سے کی، انہوں نے بعد میں کی جانے والی اپنی دونوں شادیوں کو کچھ عرصے تک خفیہ بھی رکھا۔ ایک انٹرویو میں انہوں نے بتایا تھا کہ ان کی تینوں بیویاں ایک ساتھ نہیں رہتیں، تاہم تینوں کے آپس میں اچھے تعلقات ہیں۔
مزیدپڑھیں:کوئٹہ میں پیٹرول نایاب، شہریوں کی پمپس پر لمبی قطاریں
ذریعہ
ذریعہ: Daily Ausaf
کلیدی لفظ: قرۃ العین نے اقرار الحسن ایک ساتھ
پڑھیں:
فراری کی پہلی الیکٹرک کار متعارف، رونمائی کے فوراً بعد تنقید کا طوفان
پُرتعیش گاڑیاں بنانے والی عالمی شہرت یافتہ کمپنی فراری کی پہلی مکمل الیکٹرک گاڑی منظرِ عام پر آتے ہی شدید تنقید کی زد میں آ گئی، جس کے اثرات کمپنی کی مارکیٹ پوزیشن پر بھی نمایاں طور پر دیکھے جا رہے ہیں۔
’لُوچے‘نامی اس نئی الیکٹرک گاڑی کو معروف ڈیزائنر سر جونی آئیو کے تخلیقی وژن کے تحت تیار کیا گیا ہے۔ اطالوی زبان میں ’لُوچے‘ کا مطلب ’روشنی‘ ہے۔ تاہم، گاڑی کا ڈیزائن اور مجموعی تصور صارفین اور ناقدین کی توقعات پر پورا نہ اتر سکا۔
فراری کی تاریخ میں پہلی بار متعارف کرائی گئی پانچ نشستوں والی اس الیکٹرک گاڑی کو غیرمعمولی کارکردگی کے ساتھ پیش کیا گیا ہے۔
کمپنی کے مطابق یہ گاڑی محض ڈھائی سیکنڈ میں صفر سے 96 کلومیٹر فی گھنٹہ کی رفتار حاصل کر سکتی ہے۔ اس کی قیمت 6 لاکھ 40 ہزار ڈالر، یعنی پاکستانی کرنسی میں تقریباً 18 کروڑ روپے رکھی گئی ہے۔
گاڑی کی تقریبِ رُونمائی میں اٹلی کی اہم شخصیات سمیت ملک کے صدر اور عیسائی برادری کے روحانی پیشوا پوپ لیو کو بھی مدعو کیا گیا تھا۔ تاہم، شاندار تقریب کے باوجود مارکیٹ کا ردِعمل فراری کے لیے حوصلہ افزا ثابت نہ ہو سکا۔
رونمائی کے صرف ایک دن بعد ہی کمپنی کے شیئرز کی قیمت میں آٹھ فی صد تک کمی ریکارڈ کی گئی، جسے سرمایہ کاروں کی مایوسی اور مارکیٹ کے منفی ردِعمل کی علامت قرار دیا جا رہا ہے۔
دوسری جانب ناقدین، سرمایہ کاروں اور بعض سیاسی شخصیات نے بھی گاڑی کے ڈیزائن اور تصور پر سوالات اٹھائے ہیں، جبکہ سوشل میڈیا پر اس کے منفرد انداز کو لے کر ملا جلا ردِعمل سامنے آ رہا ہے۔
ماہرین کا کہنا ہے کہ الیکٹرک گاڑیوں کی بڑھتی ہوئی عالمی مارکیٹ میں فراری کا یہ قدم تاریخی ضرور ہے، مگر کمپنی کو روایتی اسپورٹس کار کے شوقین صارفین کو قائل کرنے کے لیے مزید محنت کرنا پڑ سکتی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ