کتنی مالیت کی جائیداد خریدنے پر قوت خرید ظاہر کرنی ہوگی؟
اشاعت کی تاریخ: 16th, June 2025 GMT
وفاقی حکومت نے فیصلہ کیا ہے کہ اب ایک کروڑ روپے تک کی جائیداد خریدنے پر خریدار کو ایک کروڑ روپے ظاہر کرنے ہوں گے۔
یہ بھی پڑھیں: جائیداد کی منتقلی پر فیڈرل ایکسائز ڈیوٹی واپس لینے کا امکان
وزیر مملکت برائے خزانہ بلال اظہر نے کہا ہے کہ متوسط طبقے کو ایک کروڑ روپے تک کی جائیداد خریداری سے پہلے یہ ثابت کرنا ہوگا کہ آیا اس کے پاس اتنے پیسے ہیں بھی یا نہیں۔
بلال اظہر نے قومی اسمبلی کی قائمہ کمیٹی خزانہ کو بتایا کہ متوسط طبقے کو ایک کروڑ روپے تک کی جائیداد خریداری کی اجازت ہوگی لیکن اس کے لیے ایک کروڑ روپے ظاہر کرنے ہوں گے۔
انہوں نے کہا کہ ایک کروڑ 30 لاکھ روپے کی مالیت کی جائیداد کی خریداری سے پہلے ایک کروڑ روپے کے اثاثے ظاہر کرنے ہوں گے۔ انہوں نے مزید کہا کہ اس حوالے سے خریدارکو ایف بی آر کے پورٹل پر اپنی تازہ ڈکلیئریشن بتانی ہوگی تاکہ رجسٹرارکو معلوم ہوجائے کہ خریدارکے پاس مطلوبہ رقم موجود ہے۔
مزید پڑھیے: بجٹ 26-2025: نان فائلرز سمیت کن دیگر افراد کے گرد گھیرا تنگ ہونے جارہا ہے؟
وزیر مملکت نے کہا کہ آئندہ مالی سال سے نان فائلرزجائیداد کی خریداری نہیں کرسکیں گے۔
اس موقعے پر چیئرمین ایف بی آر کا کہنا تھا کہ وفاقی حکومت حد کو بڑھا سکے گی اور کم بھی کرسکے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اثاثے کی خریداری اثاثے کی خریداری کے قوانین ایف بی آر ڈکلیئریشن قوت خرید.
ذریعہ
ذریعہ: WE News
کلیدی لفظ: اثاثے کی خریداری اثاثے کی خریداری کے قوانین ایف بی ا ر ڈکلیئریشن قوت خرید ایک کروڑ روپے کی خریداری کی جائیداد
پڑھیں:
موبائل کمپنیوں کو 4 برسوں میں 3 ارب 41 کروڑ جرمانہ، سروس اور کوریج کی بہتری کیلئے مہلت
پاکستان ٹیلی کمیونیکیشن اتھارٹی(پی ٹی اے)نے موبائل کمپنیوں کو غیرمعیاری سروس اور کوریج پر خامیاں دور کرنے کے لیے 30دن کی مہلت دے دی اور بتایا کہ مذکورہ کمپنیوں کو گزشتہ چار برس میں 3 ارب 41 کروڑ روپے جرمانے عائد کیے گئے ہیں۔
پی ٹی اے کے مطابق ملک بھر میں موبائل سروس کے معیار اور کوریج میں بہتری کے لیے ریگولیٹری کارروائیاں تیز کردی گئی ہیں۔
پی ٹی اے نے سروس میں خامیوں پر موبائل آپریٹرز کو 30 روز میں ضروری اقدامات کرنے اور خرابیوں کی وجوہات کا تعین کرکے اصلاحی پلان جمع کرانے کی ہدایت کردی ہے۔
موبائل کمپنیوں کو خبردار کرتے ہوئے پی ٹی اے نے کہا ہے کہ خامیاں دور نہ کرنے والے آپریٹرز کے خلاف مزید سخت کارروائی کی جائے گی۔
پی ٹی اے کے مطابق گزشتہ چار برس کے دوران موبائل کمپنیوں کو 3 ارب 41کروڑ روپے جرمانے عائد کیے گئے ہیں اور کوالٹی آف سروس اور کوریج کی خلاف ورزیوں پر 20وارننگ لیٹرز اور 86 شوکاز نوٹسز بھی جاری کیے جاچکے ہیں۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی