ٹی20 میچ میں 3 سپر اوورز، نئی تاریخ رقم ہوگئی
اشاعت کی تاریخ: 17th, June 2025 GMT
ٹی20 کرکٹ کی تاریخ کا ناقابلِ یقین اور سنسنی خیز میچ اُس وقت دیکھنے کو ملا جب نیدرلینڈز نے نیپال کو 3 سپر اوورز کے بعد شکست دیدی۔ یہ پہلا موقع ہے کہ کسی بھی میچ کو چاہے وہ لسٹ اے ہو یا ٹی20 تیسرے سپر اوور تک لے جانا پڑا۔
نیدرلینڈز نے پہلے بیٹنگ کرتے ہوئے 152 رنز بنائے اور 7 وکٹوں کے نقصان پر اننگز مکمل کی۔ آخری اوور میں نیپال کو جیت کے لیے 16 رنز درکار تھے، جو نیندن یادو کی شاندار بیٹنگ کی بدولت ممکن ہو گیا، جنہوں نے آخری گیند پر چوکا لگا کر میچ برابر کر دیا۔
???????????????????????? ????
Netherlands beat Nepal after T20 tie and three (!) Super Overs!
A bizarre match and a unique event in international cricket history.
Read the full match report:https://t.co/rmXZq2J6WT pic.twitter.com/bWsyypCuwy
— Cricket????Netherlands (@KNCBcricket) June 16, 2025
پہلے سپر اوور میں کوشل بھرتیل نے 5 گیندوں پر 18 رنز بنائے، مگر نیدرلینڈز کی جانب سے میکس او ڈاؤڈ نے 5ویں اور چھٹی گیند پر چھکا اور چوکا لگا کر میچ کو دوسرے سپر اوور میں دھکیل دیا۔
مزید پڑھیں: ٹی20 ورلڈ 2024 کا تاریخی اَپ سیٹ، امریکا نے پاکستان کو سپر اوور میں شکست دیدی
دوسرے سپر اوور میں نیدرلینڈز نے 17 رنز بنائے، جس میں او ڈاؤڈ اور کپتان سکاٹ ایڈورڈز نے ایک ایک چھکا لگایا، مگر نیپال کے دیپیندر سنگھ ایری نے آخری گیند پر چھکا لگا کر مقابلہ تیسرے سپر اوور میں پہنچا دیا جو ٹی20 کی تاریخ کا پہلا موقع تھا۔
تیسرے سپر اوور میں نیدرلینڈز کے اسپن آل راؤنڈر زیک لائن-کیچٹ نے نیپال کی بیٹنگ کو صرف 4 گیندوں میں 2 وکٹیں لے کر ختم کردیا اور کوئی رن نہ بننے دیا۔
مزید پڑھیں: ٹی20 کرکٹ کا انوکھا ریکارڈ‘ ایک میچ میں 3 سپر اوورز؟
نیدرلینڈز کو صرف ایک رن درکار تھا، مگر مائیکل لیوٹ نے میچ یادگار بنانے میں کوئی کسر نہ چھوڑی، اور نیپالی اسپنر ساندیپ لمیچھانے کی پہلی ہی گیند پر چھکا لگا کر فتح اپنے نام کی۔
اس ناقابل فراموش مقابلے کے بعد نیدرلینڈز فتح کا جشن منا رہی ہے، جبکہ نیپال کو منگل کے روز میزبان اسکاٹ لینڈ کے خلاف میدان میں اترنا ہے، جہاں 3 ملکی ٹی20 سیریز کا سلسلہ جاری ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
3 سپر اوورز ٹی20 کرکٹ نیپال نیدرلینڈزذریعہ: WE News
کلیدی لفظ: 3 سپر اوورز ٹی20 کرکٹ نیپال نیدرلینڈز سپر اوور میں سپر اوورز لگا کر
پڑھیں:
آئی سی سی ٹی20 انٹرنیشنل رینکنگ جاری، ٹاپ 10 میں کتنے پاکستانی کرکٹر شامل؟
بھارتی اسپنر ورون چکرورتی آئی سی سی مینز ٹی20 انٹرنیشنل بولنگ رینکنگ میں پہلی پوزیشن حاصل کرنے والے تیسرے بھارتی کھلاڑی بن گئے ہیں۔
اس سے قبل ان کی بہترین رینکنگ دوسری پوزیشن تھی جو انہوں نے فروری 2025 میں حاصل کی تھی۔ انہوں نے نیوزی لینڈ کے جیکب ڈفی کو پیچھے چھوڑا جو مارچ سے سرفہرست تھے۔
دوسری جانب آئی سی سی کی رینکنگ میں ٹاپ 10 میں کوئی بھی پاکستانی کرکٹر شامل نہیں۔
یہ بھی پڑھیں: ایشیا کپ کے ٹی20 مرحلے میں بننے والے اہم ریکارڈ، پاکستانی کھلاڑی کہیں موجود نہیں
آئی سی سی اعلامیے کے مطابق، ورون چکرورتی نے متحدہ عرب امارات میں جاری ایشیا کپ کے ابتدائی 2 میچز میں شاندار کارکردگی دکھاتے ہوئے یہ اعزاز اپنے نام کیا۔
Varun Chakaravarthy becomes new No. 1 in ICC Men’s T20I Bowling Rankings
Read ???? https://t.co/etfpV0XWVk pic.twitter.com/101umu4Pjm
— CricTracker (@Cricketracker) September 17, 2025
34 سالہ چکرورتی نے تیز گیند باز جسپریت بمراہ اور لیگ اسپنر روی بشنوئی کے بعد یہ کارنامہ سرانجام دیا۔
انہوں نے متحدہ عرب امارات کے خلاف 2 اوورز میں صرف 4 رنز دے کر ایک وکٹ لی جبکہ پاکستان کے خلاف 4 اوورز میں 24 رنز کے عوض ایک کھلاڑی کو آؤٹ کیا۔ اس کارکردگی کی بدولت وہ 3 درجے ترقی پاکر پہلے نمبر پر پہنچے۔
ایشیا کپ میں شریک دیگر کھلاڑیوں نے بھی رینکنگ میں ترقی کی ہے۔
مزید پڑھیں: ایشیا کپ: یو اے ای نے عمان کو 42 رنز سے شکست دے دی
سری لنکا کے نوان توشارا چھٹے نمبر پر آگئے ہیں جبکہ پاکستان کے صوفیان مقیم چار درجے ترقی کے ساتھ 11ویں، اور ابرار احمد 11 درجے اوپر جاکر اپنے کیریئر کی بہترین 16ویں پوزیشن پر پہنچ گئے ہیں۔
بھارت کے اکشر پٹیل 12ویں، کلدیپ یادیو 23ویں اور افغانستان کے نور احمد 25ویں نمبر پر آگئے ہیں۔
تیز گیند بازوں میں بھی نمایاں بہتری آئی ہے، بھارت کے جسپریت بمرا 40ویں اور بنگلہ دیش کے تنظیم حسن 42ویں نمبر پر آگئے ہیں۔
مزید پڑھیں: ایشیا کپ، پاکستان آج یو اے ای کے خلاف میچ کھیلے گا یا نہیں؟ معاملہ سنگین ہوگیا
انگلینڈ کے جوفرا آرچر 13ویں اور جنوبی افریقہ کے مارکو یانسن 38ویں پوزیشن پر پہنچ گئے ہیں۔
بیٹنگ رینکنگ میں بھارت کے اوپنر ابھشیک شرما نے اپنی پہلی پوزیشن مزید مستحکم کرلی ہے، متحدہ عرب امارات کے خلاف 16 گیندوں پر 30 رنز اور پاکستان کے خلاف 13 گیندوں پر 31 رنز کی بدولت ان کے ریٹنگ پوائنٹس 884 ہوگئے ہیں۔
انگلینڈ کے اوپنرز فل سالٹ اور جوز بٹلر بھی ایک ایک درجہ ترقی کے بعد بالترتیب دوسرے اور تیسرے نمبر پر پہنچ گئے ہیں۔ سالٹ نے جنوبی افریقہ کے خلاف 60 گیندوں پر ناقابلِ شکست 141 رنز بنائے جو انگلینڈ کی جانب سے سب سے بڑی اور تیز ترین سنچری ہے۔
مزید پڑھیں: میچ ریفری اینڈی پائی کرافٹ کے خلاف کارروائی کی جائے، پی سی بی نے آئی سی سی کو ایک اور خط لکھ دیا
بٹلر نے اسی میچ میں 30 گیندوں پر 83 رنز بنائے اور پہلی بار ٹاپ 3 میں شامل ہوئے۔
دیگر بیٹسمینوں میں سری لنکا کے پاتھم نسانکا چھٹے، جنوبی افریقہ کے ڈیوالڈ بریوس 11ویں، افغانستان کے رحمان اللہ گرباز 19ویں، متحدہ عرب امارات کے محمد وسیم 20ویں نمبر پر آچکے ہیں۔
اس طرح جنوبی افریقہ کے ایڈن مارکرم 30ویں، بھارت کے شبمن گل 39ویں اور پاکستان کے صاحبزادہ فرحان 55ویں نمبر پر آگئے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی سی سی ابرار احمد ابھشیک شرما افغانستان انگلینڈ ایشیا کپ بھارت ٹی20 جسپریت بمرا جنوبی افریقہ جوفرا آرچر رینکنگ کرکٹ ورون چکرورتی
جبری گمشدگیوں پر انکوائری کمیشن نے ماہانہ کارکردگی رپورٹ جاری کردی