حج 2025کیسا رہا؟ عازمین کے تجربات جاننے کے لیے ای سروے شروع
اشاعت کی تاریخ: 19th, June 2025 GMT
سعودی وزارتِ حج نے 2025ء کے حج کی بابت عازمین کی رائے جاننے کی خاطر ای سروے کا آغاز کر دیا
سعودی عرب کی وزارتِ حج و عمرہ نے حج 1446ھ (2025ء) کے لیے عازمینِ حج کے تجربات اور اطمینان کا جائزہ لینے کی غرض سے ایک الیکٹرانک سروے کا آغاز کر دیا ہے۔ سعودی میڈیا کے مطابق یہ اقدام خدمات کے معیار کو بہتر بنانے اور حجاج کرام کی ضروریات کو براہ راست سمجھنے کے لیے کیا گیا ہے۔
وزارت کے مطابق، یہ سروے دنیا کی 9 زبانوں عربی، انگریزی، فارسی، ہندی، ہسپانوی، فرانسیسی، ترکی، چینی اور مالے میں جاری کیا گیا ہے تاکہ دنیا بھر سے آنے والے عازمین اپنی زبان میں اپنے تاثرات اور تجاویز کا اظہار کر سکیں۔
ذرائع کے مطابق اس سروے کے ذریعے وزارتِ حج عازمین کے انفرادی و اجتماعی تجربات کو جانچ کر حج خدمات میں بہتری لانے کے لیے ٹھوس اقدامات کرے گی۔ حکام کا کہنا ہے کہ اس اقدام سے نہ صرف موجودہ حج سیزن کے مسائل کا ادراک ہوگا بلکہ مستقبل کے لیے پالیسی سازی میں بھی مدد ملے گی۔
As we strive to ensure excellence at every stage of your journey, we encourage you to take part in the Hajj Satisfaction Survey for the departure phase of the 1446H / 2025 season.
You may submit your feedback — in various languages — through this link:https://t.co/ff07rAFnoW… pic.twitter.com/pbA7ZcM83m
— Ministry of Hajj and Umrah (@MoHU_En) June 17, 2025
سعودی وزارت کا کہنا ہے کہ یہ سروے وزارت کے اس عزم کی غمازی کرتا ہے جس کے تحت عازمینِ حج کی سہولت کو مرکزی حیثیت دی جا رہی ہے اور ڈیجیٹل ذرائع سے خدمات کو مزید مؤثر بنانے کی کوشش جاری ہے۔
یہ سروے سعودی عرب کے اس وسیع تر وژن کا حصہ ہے جس کے تحت حج کو ایک جدید، محفوظ اور باکفایت تجربہ بنایا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ای سروے حج 2025 عازمین حجذریعہ: WE News
پڑھیں:
حج واجبات کی دوسری قسط کی وصولی کیلئے شیڈول جاری
شاہدسپرا:وفاقی حکومت نے حج واجبات کی دوسری قسط کی وصولی کیلئے شیڈول جاری کر دیا۔
واجبات کی دوسری قسط میں عازمین کو 6لاکھ 50ہزار روپے کی ادائیگی کرنا ہو گی، واجبات کی وصولی تین نومبر سے لیکر پندرہ نومبر تک کی جائے گی۔
وزارت مذہبی امور کے مطابق عازمین نامزد بینکوں میں قسط جمع کروائیں گے، قسط کی ادائیگی کر کے بینک سے رسید حاصل کی جائے۔
دوسری قسط کی عدم ادائیگی پر حج درخواست منسوخ کر دی جائے گی۔
فضائی آلودگی کا وبال، لاہور دنیا کے آلودہ شہروں میں پھر سرفہرست
اپر کوہستان مالیاتی اسکینڈل: گرفتار پولیس اہلکار 13 روزہ جسمانی ریمانڈ پر نیب کے حوالے