ایئر انڈیا نے بین الاقوامی پروازوں میں کمی کردی
اشاعت کی تاریخ: 19th, June 2025 GMT
ایئر انڈیا نے اپنی بین الاقوامی پروازوں میں 15 فیصد کمی کا اعلان کردیا۔
یہ بھی پڑھیں: ایئر انڈیا کی پرواز تکنیکی مسئلے کے شبہ پر بحفاظت ہانگ کانگ ایئرپورٹ لوٹ آئی
بین الاقوامی پروازوں میں کمی کا یہ فیصلہ 12 جون کو احمد آباد میں طیارہ حادثے کے بعد شروع کی گئی سیکیورٹی چیکنگ، ایرانی فضائی حدود کی بندش اور دیگر تکنیکی وجوہات کی وجہ سے کیا گیا ہے۔
پروازوں کی تعداد میں یہ کمی کم از کم جولائی کے پہلے 15 دن تک جاری رہے گی۔
سوشل میڈیا پلیٹ فارم ایکس پر ایئر انڈیا کی جانب سے کی گئی ایک پوسٹ میں کہا گیا ہے کہ ایئر انڈیا کو درپیش مشکل صورتحال کے پیش نظر ایئر لائن کے آپریشنز کے استحکام اور بہتر کارکردگی کو یقینی بنانے اور مسافروں کو ہونے والی تکلیف کو کم کرنے کے لیےکمپنی نے اگلے چند ہفتوں کے لیے بین الاقوامی پروازوں کی تعداد میں 15 فیصد تک کمی کا فیصلہ کرلیا ہے۔
مزید پڑھیے: بم کی اطلاع پر ایئر انڈیا پرواز کی تھائی لینڈ کے سیاحتی جزیرے پرہنگامی لینڈنگ
ایئرلائن کے مطابق بین الاقوامی پروازوں کی تعداد میں کمی جمعہ 20 جون سے نافذ کی جائے گی جو کم از کم جولائی کے وسط تک جاری رہے گی۔
سوشل میڈیا پر جاری بیان میں کہا گیا ہے کہ مشرق وسطیٰ میں جاری جغرافیائی سیاسی کشیدگی، یورپ اور مشرقی ایشیا کے کئی ممالک میں رات کا کرفیو اور ایئر لائن کی سیکیورٹی چیکنگ بین الاقوامی پروازوں میں عدم استحکام کا باعث بن رہی ہے۔
یہاں یہ بات قابل ذکر ہے کہ احمد آباد طیارہ حادثے کے بعد سے ایئر انڈیا کو آپریشنل رکاوٹوں کا سامنا ہے جس کی وجہ سے گزشتہ 6 دنوں میں ایئر لائن کی 80 سے زائد بین الاقوامی پروازیں منسوخ ہو چکی ہیں۔
ایئر انڈیا کا کہنا ہے کہ شہری ہوا بازی کی وزارت اور حکومت گجرات کے اشتراک سے ایئر انڈیا مرنے والوں اور زخمیوں کے لواحقین کی مدد کے لیے ہر ممکن کوششیں کر رہا ہے۔
Air India to reduce international services
on widebody aircraft by 15%
Move to ensure stability of operations, better efficiency and minimise inconvenience to passengers
Air India remains in mourning on the tragic loss of 241 passengers and crew members aboard flight AI171.
— Air India (@airindia) June 18, 2025
ٹاٹا گروپ کی ملکیت ایئر انڈیا کا کہنا ہے کہ وہ اور ٹاٹا گروپ کے رضاکاروں کو احمد آباد میں تعینات کیا گیا ہے تاکہ وہ اسپتالوں میں کسی بھی مدد کے لیے کنبے کے افراد کے ساتھ ہم آہنگی پیدا کر سکیں اور انہیں میتوں کے ساتھ اپنے اپنے گھروں کو واپس کیا جاسکے۔
مزید پڑھیں: ایئر انڈیا کا طیارہ کیسے تباہ ہوا؟ ویڈیو منظر عام پر آگئی
ایئر انڈیا نے کہا کہ ہم مرحومین کی روح کے لیے دعا کرتے ہیں اور اہل خانہ سے تعزیت کا اظہار کرتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایئر انڈیا ایئر انڈیا آپریشن محدود ایئر انڈیا انٹرنیشنل فلائٹس ایئر انڈیا کی پروازوں میں کمی
ذریعہ
ذریعہ: WE News
کلیدی لفظ: ایئر انڈیا ایئر انڈیا ا پریشن محدود ایئر انڈیا انٹرنیشنل فلائٹس ایئر انڈیا کی پروازوں میں کمی بین الاقوامی پروازوں میں ایئر انڈیا گیا ہے کے لیے
پڑھیں:
خیبر پختونخوا میں لوکل گورنمنٹ کا نیا قانون لاگو، گزٹ نوٹیفکیشن جاری
اعلامیے میں کہا گیا کہ ویلج کونسل عملی طور پر یونین کونسل کی حیثیت اختیار کر جائے گی اور نئی حدبندی ڈیجیٹل مردم شماری 2023 کی بنیاد پر ہوگی۔ اسلام ٹائمز۔ خیبر پختونخوا میں لوکل گورنمنٹ ترمیمی ایکٹ 2026 کا گزٹ نوٹیفکیشن جاری کردیا گیا، جس کے بعد صوے میں لوکل گورنمنٹ کا نیا قانون لاگو ہوگیا۔ نوٹیفکیشن میں بتایا کہ صوبے میں لوکل گورنمنٹ کا نیا قانون لاگو ہوگیا، نئے قانون کے تحت ہرویلج اور نیبرہڈ کونسل کی آبادی 30 ہزار سے 40 ہزار ہوگی۔ اعلامیے میں کہا گیا کہ ویلج کونسل عملی طور پر یونین کونسل کی حیثیت اختیار کر جائے گی اور نئی حدبندی ڈیجیٹل مردم شماری 2023 کی بنیاد پر ہوگی۔ اعلامیے میں مزید کہا گیا کہ آبادی میں 10 فیصد تک کمی بیشی کی اجازت ہوگی۔ ترمیمی ایکٹ کے مطابق خصوصی حالات میں الیکشن کمیشن صوبائی حکومت سے مشاورت کے بعد اس شرط سے استثنیٰ دے سکے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار