امریکا میں شدید طوفان کیوجہ سے گنبد نما پراسرار شے آسمان سے آگری
اشاعت کی تاریخ: 20th, June 2025 GMT
یہ پراسرار واقعہ امریکی شہر انڈیاناپولس کے ایسٹ سائیڈ میں پیش آیا، جہاں شدید طوفان کے دوران اچانک ایک گنبد نما پراسرار شے ایک رہائشی سڑک پر گر پڑی, جس نے محلّے میں حیرت اور تجسس پھیلا دیا۔
شدید طوفان کے دوران ایک بڑا گنبد یعنی ریڈار اینٹینا کا موسمی حفاظتی گنبد ہوا کے طوفانی جھکڑوں کی قوت سے اپنا مقام چھوڑ کر رہائشی علاقے میں آگرا۔
یہ دھاتی گنبد نارتھ پاساڈینا اسٹریٹ کے قریب دیکھا گیا جہاں لوگ اسے دیکھ کر سیلفی لینے لگے۔ بعدازاں ایک کمپنی نے تصدیق کی کہ یہ گنبد ان کا ریڈاراینٹینا ہی تھا لیکن وہ بھی حیران ہیں کہ یہ کیسے اتنا دور تک اُڑ کر آیا۔
تاہم گرنے کے باوجود کسی شہری کو کوئی چوٹ یا جانی نقصان نہیں ہوا، جو واقعی ایک بڑی خوش قسمتی ہے۔ گنبد پر ڈینٹ پڑنے یا اس کے ٹوٹ جانے کے آثار تھے مگر یہ مکمل طور پر سلامت ہے۔
مقامی افراد کا کہنا تھا کہ آواز ایک ایک ہلکے دھماکے کے شور جیسا تھا جس نے انھیں بم یا آسمانی چیز کا گمان دلایا۔
واقعے نے مقامی لوگوں کے درمیان قدرے تشویش بڑھا دی ہے خاص طور پر حفاظتی اقدامات اور طوفانی حالات میں گھروں کی حفاظت کے حوالے سے۔
.ذریعہ: Express News
پڑھیں:
آئندہ 24 گھنٹوں میں بارش کا امکان ہے؟
گزشتہ روز آزاد کشمیر کے علاقے کوٹلی میں بارش ہوئی تاہم آئندہ 24 گھنٹوں کے دوران ملک کے بیشتر علاقو ں میں موسم گرم اور خشک جبکہ میدانی علاقوں میں دن میں شدید گرم رہنے کی توقع ہے۔
محکمہ موسمیات کے مطابق 19 اور 20 جون کے دوران ملک کے بیشتر میدانی علاقوں میں موسم شدید گرم رہنے کا امکان ہے۔ اس تناظر میں عوام الناس بالخصوص بچوں، خواتین اور بزرگ شہریوں کو احتیاطی تدابیر اختیار کرنے کا مشورہ دیا گیا ہے۔ دن کے دوران خاص طور پر دوپہر اور بعداز دوپہر دھوپ میں کم سے کم نکلیں اور پانی کا زیادہ استعمال کریں۔
محکمہ موسمیات کے مطابق جمعرات کے روز ملک کے بیشتر علاقو ں میں موسم گرم اور خشک جبکہ میدانی علاقوں میں دن کے دوران شدید گرم رہنے کی توقع ہے۔
گذشتہ 24 گھنٹوں کے دوران ملک کے بیشتر علاقوں میں موسم گرم اور خشک جبکہ میدانی علاقوں میں شدید گرم رہا۔ تاہم آزاد کشمیر کے علاقہ کوٹلی میں گرج چمک کے ساتھ بارش ہوئی۔ کوٹلی میں05 ملی میٹر بارش ریکارڈ کی گئی ۔
آج ریکارڈ کئے گئے زیادہ سےزیادہ درجہ حرارت: دادو، جیکب آباد، نوکنڈی 47، موہنجو داڑو، دال بندین، نواب شاہ، سبی، روہڑی 46، پڈعیدن، حیدرآباد، لاڑکانہ، میر پور خاص، سکھر اور ٹنڈو جام میں 45ڈگری سینٹی گریڈ ریکارڈ کیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ہمایوں سعید کا فلم “لو گرو” کے ٹکٹس سستے کرنے عندیہ، نئی قیمت کیا ہوگی؟