آج مانا گیا پی ٹی آئی دور میں چیزوں پر بہتر کام ہورہا تھا: عمر ایوب
اشاعت کی تاریخ: 20th, June 2025 GMT
---فائل فوٹو
اپوزیشن لیڈر عمر ایوب نے کہا ہے کہ آج مانا گیا ہے کہ پی ٹی آئی دور حکومت میں چیزوں پر بہتر کام ہو رہا تھا۔
اسلام آباد میں ورلڈ بینک ماہرین سے ملاقات کے بعد جیو نیوز سے گفتگو میں عمر ایوب نے کہا کہ وزارت کامرس نے ٹیرف کے معاملات پر بریفنگ کا کہا تھا، ہم نے ٹیرف سے متعلق وزارت کامرس سے سوالات پوچھے تھے، آج ٹیرف سے متعلق اپوزیشن ارکان کو بریف کیا گیا۔
عمر ایوب نے کہا کہ پی پی پی سنجیدہ ہے تو پی ٹی آئی سے مل کر جدوجہد کرے۔
انہوں نے کہا کہ ہم نے آج پوچھا کہ جس ڈیٹا پر اعداد و شمار اکٹھے کرتے ہیں وہ ڈیٹا کہاں سے آتا ہے، یہ تمام ڈیٹا ادارہ شماریات سے لیا گیا ہے، ادارہ شماریات کہتا ہے کہ گدھے ملک میں بڑھ گئے جبکہ خچروں کی تعداد نہیں بڑھی، اعداد و شمار بتاتے ہیں کہ 64 فیصد زراعت میں مال مویشی کو شامل کیا گیا ہے۔
ان کا کہنا ہے کہ ادارہ شماریات کے ڈیٹا کو لے کر یہاں پر تفصیلات لی جا رہی ہیں، یہ صرف ادارہ شماریات کے ڈیٹا کے علاوہ مختلف دیگر تجاویز اور امور کو نہیں لارہے، موٹروے پر 120 کے بجائے 20 کی اسپیڈ سے چلائیں تو آپ پیچھے رہ جائیں گے، آپ کے پاس جو حقیقی ڈیٹا آرہا ہے وہ درست نہیں ہے۔
.ذریعہ: Jang News
کلیدی لفظ: ادارہ شماریات عمر ایوب نے کہا
پڑھیں:
فیکٹ چیک: کیا بجٹ 26-2025 کے بعد پاسپورٹ کی فیسوں میں اضافہ ہورہا ہے؟
بیرون ملک سفر، روزگار، امیگریشن یا دیگر مقاصد کے لیے پاکستانی شہریوں کے لیے پاسپورٹ کا حصول لازمی ہے، بجٹ 26-2025 میں متعدد شعبوں پر نئے ٹیکس عائد کیے گئے، جس کے بعد عوام کی ایک بڑی تعداد میں یہ تشویش پائی گئی کہ آیا پاسپورٹ فیس میں بھی اضافہ کیا گیا ہے یا نہیں۔
یہ بھی پڑھیں: دنیا بھر میں رہنے والے پاکستانیوں کے لیے خوشخبری، پاسپورٹ کا حصول آسان ہوگیا
وی نیوز کی جانب سے اسلام آباد پاسپورٹ آفس سے رابطہ کرنے پر پاسپورٹس اینڈ امیگریشن حکام نے واضح کیا کہ بجٹ 26-2025 میں پاسپورٹ فیس میں کسی قسم کا اضافہ نہیں کیا گیا، پاسپورٹ کی فیس بدستور وہی ہے جو پہلے مقرر تھی، اور شہری بدستور اسی پرانی فیس کے تحت پاسپورٹ حاصل کر سکتے ہیں۔
مختلف تعداد کے صفحات پر مشتمل پاسپورٹ کی ارجنٹ اور نارمل فیس کیا ہے؟36 صفحات والے پاسپورٹ کے لیے اگر پاسپورٹ کی مدت 5 سال ہو تو نارمل فیس 4,500 روپے اور ارجنٹ فیس 7,500 روپے ہے، اسی طرح 10 سالہ مدت کے 36 صفحات پر مشتمل پاسپورٹ کی نارمل فیس 6,700 روپے اور ارجنٹ فیس 11,200 روپے ہے۔
5 سالہ مدت کے 72 صفحات والے پاسپورٹ کے لیے نارمل فیس 8,200 روپے اور ارجنٹ فیس 13,500 روپے ہے جبکہ 10 سالہ پاسپورٹ کے لیے نارمل فیس 12,400 روپے جبکہ ارجنٹ فیس 20,200 روپے مقرر ہے۔
مزید پڑھیں:دنیا کے کمزرو ترین پاسپورٹس میں پاکستان کہاں کھڑا ہے؟
اسی طرح 100 صفحات پر مشتمل 5 سالہ مدت کے پاسپورٹ کی نارمل فیس 9,000 روپے اور ارجنٹ فیس 18,000 روپے ہے، دوسری جانب 10 سالہ مدت والے پاسپورٹ کی نارمل فیس 13,500 روپے جبکہ ارجنٹ فیس 27,000 روپے ہے۔
واضح رہے کہ یہ فیسیں مشین ریڈ ایبل پاسپورٹ کی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ارجنٹ پاسپورٹ صفحات فیس مدت مشین ریڈ ایبل نارمل
ٹیسٹ چیمپئین شپ فائنل؛ اسمتھ کی صورت میں آسٹریلیا کو بڑا دھچکا