وزن گھٹانے کی دوا مائیگرین کی تکلیف کم کرنے میں مددگار
اشاعت کی تاریخ: 21st, June 2025 GMT
ایک تحقیق میں بتایا گیا ہے کہ وزن کم کرنے کے لیے استعمال کیے جانے والے انجیکشن مائیگرین میں مبتلا افراد کی تکلیف میں نصف حد تک کمی لا سکتے ہیں۔
اوزیمپک اور ویگووی سے مشابہ یہ ادویہ جی ایل پی-1 ریسیپٹر ایگنسٹس کے طور پر بھی جانی جاتی ہیں اور بلڈ شوگر، بھوک اور ہاضمے کو قابو کرنے والے قدرتی ہارمون کی نقل کر کے کا کرتی ہیں۔
محققین کو تحقیق میں معلوم ہوا ہے کہ جی ایل پی-1 دوا لیراگلوٹائیڈ (جو عام طور پر ذیا بیطس کے علاج کے لیے استعمال ہوتی ہے) میں مائیگرین کی شدت میں واضح کمی لانے کی صلاحیت ہے۔
واضح رہے مائیگرین کا درد تین دن تک جاری رہ سکتا ہے جس کے سبب تکلیف، متلی، قے، چکر آنے اور روشنی، آواز اور خوشبو سے تکلیف بڑھ جاتی ہے۔
یونیورسٹی آف نیپلز کے ہیڈ اک (سر درد) سینٹر کے محققین نے مٹاپے اور دائمی مائیگرین میں مبتلا 26 بڑی عمر کے افراد کو لیراگلوٹائیڈ کی دوا دی۔
یورپین اکیڈمی آف نیورولوجی کانگریس 2025 میں پیش کی جانے والی تحقیق میں معلوم ہوا کہ جن افراد کو دوا دی گئی تھی انہوں نے ہر ماہ ہونے والے سر درد کے ایام میں اوسطاً 11 کم دن رپورٹ کیے۔
شرکاء نے صرف دو ہفتوں کی خوراک کے بعد معیارِ زندگی، کام، تعلیم اور معاشرتی سرگرمیوں میں بامعنی بہتری بھی محسوس کی۔
.ذریعہ: Express News
پڑھیں:
کراچی: بس حادثے میں پکنک پر جانے والے ایک ہی خاندان کے 15 افراد زخمی
کراچی:شاہ لطیف کے علاقے لانڈھی رزاق آباد پولیس ٹریننگ سینٹر کے قریب نیشنل ہائی وے پر بس اور ٹینکر کے درمیان آگے نکلنے کی دوڑ کے دوران ٹریفک حادثے کے نتیجے میں بس میں سوار ایک درجن سے زائد افراد زخمی ہوگئے۔
ایدھی ترجمان کے مطابق واٹر ٹینکر بس سے آگے نکلنے کے لیے عقب سے ہارن بجا رہا تھا اور بس کو پش بھی کر رہا تھا، اسی دوران تیز رفتار بس ڈرائیور سے بے قابو ہو کر فٹ پاتھ سے ٹکرا گئی جس کے نتیجے میں بس میں سوار افراد ادھر ادھر جا گرے جبکہ متعدد خواتین اور بچوں کے سر لوہے کی سیٹوں سے ٹکرا کر پھٹ گئے۔
ایدھی رضا کار ڈرائیور ساجد پٹھان اور عابد رشید نے بتایا کہ بس میں سوار افراد اورنگی ٹاؤن کے رہائشی اور ایک ہی خاندان کے افراد تھے جو پکنک منانے کلری جھیل جا رہے تھے، ابتدائی طور پر زخمیوں نے اسپتال جانے انکار کر دیا تھا تاہم پولیس اور ایدھی کے رضاکاروں کے سمجھانے پر مرہم پٹی کرانے کے لیے اسپتال جانے پر رضا مند ہوگئے۔
مجموعی طور پر 15 سے زائد افراد زخمی ہوئے تاہم علاج و معالجے کے لیے 6 افراد جو زیادہ زخمی تھے وہ اسپتال لائے گئے، اسپتال لائے جانے والے زخمیوں کی شناخت 48 سالہ مختار احمد، 25 سالہ مہتشم حسین، 18 سالہ نوید حسین، 20 سالہ عظیم شاکر، 20 سالہ نقاش ، 26 سالہ گلشن، 30 سالہ فرحان ولد قادر حسین اس کا بہن 20 سالہ سحر اس کا چھوٹا بھائی 17 سالہ محمد ارمان اور ان کے والد 58 سالہ قادر حسین کے ناموں سے کی گئیں۔
زخمی ہونے والی بیشتر خواتین نے بھی علاج و معالجے کے لیے اسپتال آنے سے انکار کر دیا تھا اور وہ بزد تھیں کہ انہیں ان کے گھر پہنچا دیا جائے، پولیس کے مطابق حادثے کا ذمے دار ٹینکر کا ڈرائیور موقع سے فرار ہونے میں کامیاب ہوگیا۔
فیصل قریشی نے نادیہ افگن کی تنقید کا جواب دے دیا