ایران؛ بوشہر میں موساد کے مشتبہ 9 جاسوس گرفتار
اشاعت کی تاریخ: 21st, June 2025 GMT
TEHRAN:
ایران نے جنوب مغربی صوبے بوشہر میں اسرائیل خفیہ ایجنسی موساد کے مشتبہ 9 جاسوس گرفتار کر لیا ہے۔
غیرملکی خبرایجنسی کی رپورٹ کے مطابق ایران کے سرکاری میڈیا نے بتایا کہ بوشہر میں 9 افراد کو مبینہ طور پر موساد سے رابطوں اورعوامی سطح پر کشیدگی پھیلانے کے لیے مختلف سرگرمیوں میں شامل ہونے پر گرفتار کرلیا گیا ہے۔
بوشہر کے سیکیورٹی چیف حیدر سوسانی نے موساد کے مبینہ 9 جاسوس گرفتار کرنے کی تصدیق کردی ہے۔
انہوں نے بتایا کہ تفتیش کے بعد ملزمان امن و امان خراب کرنے اور معاشرے میں افراتفری پھیلانے کے لیے اسرائیل کی مدد کرنے کے مرتکب پائے گئے ہیں۔
ایران میں 13 جون کو اسرائیل کے حملوں کے بعد کئی ایسے افراد کو گرفتار کیا گیا ہے جو مبینہ طور پر اسرائیل کی خفیہ ایجنسی سے رابطے میں تھے اور ان کے لیے کام کر رہے تھے۔
.
ذریعہ
ذریعہ: Express News
پڑھیں:
واشنگٹن میں لبنان اور اسرائیل کے درمیان مذاکرات شروع
اسرائیل کی جانب سے لبنان پر خون ریز حملوں کے بعد دونوں ممالک کے درمیان واشنگٹن میں مذاکرات شروع ہوگئے ہیں۔
الجزیرہ کی رپورٹ کے مطابق لبنان اور اسرائیل کے درمیان واشنگٹن میں شروع ہونے والے مذاکرات جنگ بندی مذاکرات کا تسلسل اور چوتھا دور ہے۔
لبنان کی سرکاری خبرایجنسی نے بتایا کہ لبنان اور اسرائیل کے درمیان مذاکرات کا چوتھا دور واشنگٹن میں امریکی اسٹیٹ ڈپارٹمنٹ کے ہیڈکوارٹرز میں شروع ہوگئے ہیں۔
رپورٹ میں بتایا گیا کہ مذاکرات کے لیے دونوں فریق کے نمائندے واشنگٹن پہنچے، جس کے بعد مذاکرات شروع ہوئے ہیں۔
قبل ازیں امریکی صدر ڈونلڈ ٹرمپ نے اسرائیلی وزیراعظم کو لبنان پر حملوں کے حوالے سے ٹیلی فون پر سخت الفاظ کا استعمال کیا تھا۔
رپورٹ میں دعویٰ کیا گیا تھا کہ ٹرمپ نے نیتن یاہو کو پاگل قرار دیا اور کہا کہ ہر کوئی تم سے نفرت کرتا ہے، اسی وجہ سے لوگ اسرائیل سے بھی نفرت کرتے ہیں۔
دوسری جانب لبنان پر اسرائیل کے حملے جاری ہیں جہاں جنوبی لبنان کے بڑے شہروں میں سے ایک نباطیہ پر شدید بم باری کی گئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ