ایئر انڈیا کی برمنگھم سے دہلی جانے والی پرواز کی ریاض میں ہنگامی لینڈنگ، تمام مسافر محفوظ
اشاعت کی تاریخ: 22nd, June 2025 GMT
ایئر انڈیا کی پرواز جو برطانیہ کے شہر برمنگھم سے دہلی جا رہی تھی، ایک مبینہ بم کی دھمکی موصول ہونے پر ہنگامی طور پر سعودی عرب کے دارالحکومت ریاض میں اتار لی گئی۔ بعد ازاں سیکیورٹی حکام نے طیارے کی مکمل تلاشی لی اور بم کی اطلاع کو جھوٹا قرار دے دیا۔
ایئر انڈیا کی یہ پرواز جس میں مسافر اور عملے سمیت درجنوں افراد سوار تھے، روانگی کے کچھ گھنٹے بعد بم کی اطلاع کے بعد ریاض کی طرف موڑ دی گئی۔
یہ بھی پڑھیں بم کی اطلاع پر حجاج کو لے جانے والی پرواز کی انڈونیشیا میں ہنگامی لینڈنگ
سعودی ایئرپورٹ حکام نے طیارے کو محفوظ طریقے سے لینڈ کرایا اور فوری طور پر تمام مسافروں کو اتار کر مکمل سیکیورٹی جانچ کی گئی۔
ایئر انڈیا کی جانب سے جاری کردہ بیان میں کہا گیا ہے کہ ہم نے مسافروں کی حفاظت کو ترجیح دیتے ہوئے فلائٹ کو ریاض منتقل کیا۔ تمام مسافروں کو ہوٹل منتقل کر دیا گیا ہے اور انہیں واپس دہلی پہنچانے کے لیے متبادل پرواز کا بندوبست کیا جا رہا ہے۔
ایئر انڈیا کی یہ پرواز گزشتہ 10 دنوں میں دوسری پرواز ہے جسے بم کی جھوٹی اطلاع پر ہنگامی لینڈنگ کرنی پڑی۔ قبل ازیں تھائی لینڈ سے دہلی آنے والی پرواز کو بھی بم کی جعلی اطلاع پر ہنگامی لینڈنگ کرنا پڑی تھی۔
ایئر انڈیا نے بتایا کہ تمام مسافر محفوظ ہیں اور واقعے کی تحقیقات جاری ہیں۔ ایئر انڈیا اور بین الاقوامی ہوائی سیکیورٹی ادارے ایسے واقعات کی روک تھام کے لیے حفاظتی اقدامات پر غور کررہے ہیں۔
یہ بھی پڑھیں 271 افراد کی ہلاکت، ایئر انڈیا کو شوکاز نوٹس جاری، تادیبی کارروائی کا عندیہ
یہ واقعہ ایک بار پھر ہوائی سفر میں سیکیورٹی خطرات اور بچاؤ کے لیے اقدامات کی اہمیت کو اجاگر کرتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ایئر انڈیا پرواز بم کی جھوٹی اطلاع ریاض مسافر محفوظ ہنگامی لینڈنگ وی نیوز.
ذریعہ
ذریعہ: WE News
کلیدی لفظ: ایئر انڈیا پرواز بم کی جھوٹی اطلاع ریاض مسافر محفوظ ہنگامی لینڈنگ وی نیوز ہنگامی لینڈنگ ایئر انڈیا کی تمام مسافر کے لیے
پڑھیں:
پنجاب میں پہلی بار سیلاب کی پیشگی اطلاع کیلئے ڈرون مانیٹرنگ شروع
حکام کے مطابق تمام بیراجوں، دریاؤں اور ہیڈ ورکس کی سیف سٹی ڈرون سرویلنس کے ذریعے نگرانی کی جا رہی ہے تاکہ پانی کی سطح اور ممکنہ سیلابی ریلوں کی بروقت نشاندہی کی جا سکے۔ اسلام ٹائمز۔ وزیراعلیٰ پنجاب مریم نواز شریف کی ہدایت پر صوبے میں پہلی مرتبہ سیلاب کی پیشگی اطلاع اور نگرانی کے لیے ڈرون مانیٹرنگ کا آغاز کر دیا گیا۔ حکام کے مطابق تمام بیراجوں، دریاؤں اور ہیڈ ورکس کی سیف سٹی ڈرون سرویلنس کے ذریعے نگرانی کی جا رہی ہے تاکہ پانی کی سطح اور ممکنہ سیلابی ریلوں کی بروقت نشاندہی کی جا سکے۔
ڈرون مانیٹرنگ کے دوران جھنگ کے تریموں بیراج میں پانی کی سطح معمول کے مطابق ریکارڈ کی گئی جبکہ پاکپتن میں دریائے راوی اور ستلج میں سیلابی صورتحال، پانی کی آمد اور دریائی کناروں پر کٹاؤ کا جائزہ لیا گیا، جہاں پانی کا بہاؤ معمول کے مطابق رہا۔
سرگودھا میں دریائے چناب پر واقع طالب والا پل، خانیوال میں ہیڈ سدھنائی بیراج اور ہیڈ ورکس، جبکہ منڈی بہاؤالدین میں رسول بیراج پر بھی ڈرون سرویلنس کے ذریعے پانی کے بہاؤ کی نگرانی کی گئی۔ حکام کے مطابق ساہیوال کے علاقے کتب شہانہ کے قریب نچلے درجے کا سیلاب ریکارڈ کیا گیا، جبکہ سیالکوٹ کے ہیڈ مرالہ پر پانی کا بہاؤ ایک لاکھ 74 ہزار کیوسک ریکارڈ ہوا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار