امریکا کی قطر میں شہریوں کو محفوظ رہنے کی ہدایت
اشاعت کی تاریخ: 23rd, June 2025 GMT
data-id="863a0a8" data-element_type="widget" data-widget_type="theme-post-content.default">
ایران اور امریکا کے درمیان بڑھتی ہوئی کشیدگی کے تناظر میں قطر میں موجود امریکی شہریوں کو محتاط رہنے کی ہدایت جاری کی گئی ہے۔
غیر ملکی خبررساں ایجنسی کے مطابق امریکی سفارت خانے نے قطر میں مقیم اپنے شہریوں کو ای میل کے ذریعے خبردار کیا ہے کہ وہ تاحکم ثانی محفوظ مقامات پر قیام کریں اور غیر ضروری نقل و حرکت سے گریز کریں۔
یہ ہدایات ایسے وقت میں سامنے آئی ہیں جب ایران نے اپنی جوہری تنصیبات پر امریکی حملے کے بعد سخت جوابی کارروائی کی دھمکیاں دی ہیں، جس کے بعد مشرق وسطیٰ میں صورتحال نہایت کشیدہ ہو گئی ہے۔
امریکی سفارت خانے کی ایڈوائزری پر قطر کی وزارت خارجہ کا بھی ردعمل سامنے آیا ہے۔ وزارت خارجہ کے ترجمان ماجد الانصاری نے واضح کیا کہ ملک میں سکیورٹی صورتحال مکمل طور پر مستحکم ہے اور امریکی سفارت خانے کی ای میل میں کسی مخصوص خطرے کی نشاندہی نہیں کی گئی۔ انہوں نے مزید کہا کہ قطر اپنی سرزمین پر موجود تمام شہریوں اور غیر ملکیوں کی سلامتی کے تحفظ کے لیے ہمہ وقت تیار ہے۔
ماجد الانصاری کا کہنا تھا کہ قطر کسی بھی ممکنہ ہنگامی صورتحال سے نمٹنے کے لیے سکیورٹی اداروں کے ساتھ مسلسل رابطے میں ہے اور عوام کو پریشانی کی کوئی ضرورت نہیں۔
واضح رہے کہ قطر کی العدید ائیربیس خطے میں امریکا کا سب سے بڑا فوجی اڈہ ہے، جہاں تقریباً 10 ہزار امریکی فوجی تعینات ہیں۔ اسی تناظر میں ایران کی ممکنہ جوابی کارروائی سے متعلق خدشات پر امریکا نے قطر میں حفاظتی اقدامات مزید سخت کر دیے ہیں۔
.
ذریعہ
ذریعہ: Jasarat News
پڑھیں:
چینی چڑیا گھر میں جانور گرمی کی شدید لہر سے کیسے محفوظ رہتے ہیں؟
چین کے جنوب مغربی شہر چونگ چنگ میں شدید گرمی کے پیش نظر چونگ چنگ چڑیا گھر نے جانوروں کو محفوظ اور آرام دہ رکھنے کے لیے خصوصی انتظامات کیے ہیں۔ پانڈا، ہاتھی، دریائی گھوڑوں اور دیگر جانوروں کو ٹھنڈے پانی، پھلوں اور جدید کولنگ سسٹمز کے ذریعے گرمی سے بچانے کی کوششیں جاری ہیں۔
سرکاری خبر رساں ادارے شِنہوا کے مطابق چونگ چنگ چڑیا گھر میں دیوقامت پانڈا، ہاتھی، دریائی گھوڑے اور دیگر جانوروں کو شدید گرمی سے بچانے کے لیے ٹھنڈے پانی کے تالاب، مصنوعی بارش (مسٹنگ سسٹم)، سایہ دار مقامات اور خصوصی خوراک کا انتظام کیا گیا ہے۔
چڑیا گھر میں موجود دیوقامت پانڈا دن کے گرم اوقات میں پانی کے تالابوں میں وقت گزار رہے ہیں، جبکہ ان کے باڑوں میں مسلسل پانی کی باریک پھوار چلائی جا رہی ہے تاکہ درجہ حرارت کم رکھا جا سکے۔
اسی طرح دریائی گھوڑوں اور ہاتھیوں کو جسمانی درجہ حرارت متوازن رکھنے کے لیے تربوز اور دیگر پانی سے بھرپور پھل کھلائے جا رہے ہیں، جبکہ ان کے لیے نہانے اور پانی میں رہنے کے اضافی انتظامات بھی کیے گئے ہیں۔
ماہرین کے مطابق پانڈا نسبتاً ٹھنڈے موسم کے جانور ہیں اور شدید گرمی ان کی صحت، خوراک اور روزمرہ سرگرمیوں پر منفی اثر ڈال سکتی ہے۔ اسی وجہ سے چین کے مختلف چڑیا گھروں میں موسمِ گرما کے دوران کولنگ سسٹمز، برف کے بلاکس، ایئر کنڈیشنڈ انڈور حصوں اور پانی سے بھرپور غذا کا استعمال معمول کا حصہ بن چکا ہے۔
چونگ چنگ چین کے گرم ترین شہروں میں شمار ہوتا ہے، جہاں موسمِ گرما میں درجہ حرارت اکثر 40 ڈگری سینٹی گریڈ کے قریب یا اس سے بھی زیادہ پہنچ جاتا ہے۔ حالیہ برسوں میں شدید گرمی کی لہروں کے باعث مقامی انتظامیہ نے نہ صرف شہریوں بلکہ جنگلی اور قید جانوروں کے تحفظ کے لیے بھی خصوصی منصوبے نافذ کیے ہیں۔
چڑیا گھر کی انتظامیہ کا کہنا ہے کہ موسمِ گرما کے دوران جانوروں کی صحت کی مسلسل نگرانی کی جا رہی ہے اور ضرورت کے مطابق ان کے ماحول، خوراک اور طبی نگہداشت میں تبدیلیاں کی جاتی ہیں تاکہ شدید گرمی کے باوجود انہیں کسی قسم کی تکلیف یا صحت کے خطرات کا سامنا نہ کرنا پڑے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ٹی20 ورلڈ کپ 2026: پاکستان نے سپر 8 کے لیے جگہ پکی کر لی