مصر اور لیبیا میں ’غزہ عالمی مارچ‘ پر حملہ کرنے والوں کے محاسبے کا مطالبہ
اشاعت کی تاریخ: 23rd, June 2025 GMT
اسلام آباد (اُردو پوائنٹ ۔ UN اردو۔ 24 جون 2025ء) اقوام متحدہ کے دفتر برائے انسانی حقوق (او ایچ سی ایچ آر) نے مصر اور لیبیا پر زور دیا ہے کہ وہ 'غزہ کی جانب عالمی مارچ' کے شرکا پر طاقت کے غیرضروری اور غیرمتناسب استعمال کے ذمہ داروں کا محاسبہ یقینی بنائیں۔
ادارے کے ترجمان ثمین الخیطان نے کہا ہے کہ اس مارچ کے شرکا فلسطینیوں کے ساتھ اظہار یکجہتی اور غزہ میں انسانی امداد پہنچانے کے لیے نکلے تھے جن پر باوردی اور سادہ لباس میں سکیورٹی اہلکاروں نے تشدد کیا اور انہیں حراست میں لیا۔
Tweet URLانہوں نے مصر اور مشرقی لیبیا کے حکام سے کہا ہے کہ ناجائز طور پر گرفتار کیے گئے تمام کارکنوں کی فوری رہائی کو یقینی بنایا جائے۔
(جاری ہے)
ترجمان کے مطابق، مصر اور لیبیا کی جانب سے انسانی حقوق کے کارکنوں کے خلاف طاقت کا غیرضروری استعمال، ان کی ناجائز گرفتاریاں، بدسلوکی اور جبری ملک بدری ان لوگوں کے آزادی، تحفظ، اظہار اور پرامن اجتماع کے حق کی پامالی کے مترادف ہے۔ مارچ میں شامل خواتین کے خلاف جنسی اور صنفی بنیاد پر تشدد کی پریشان کن اطلاعات بھی موصول ہوئی ہیں۔
انہوں نے کہا ہے کہ مصر میں باوردی سکیورٹی کی موجودگی میں سادہ لباس پہنے اہلکاروں کی جانب سے کارکنوں پر حملے باعث تشویش ہیں۔ اطلاعات کے مطابق اس موقع پر سکیورٹی اہلکاروں نے تشدد روکنے کے لیے کوئی مداخلت نہ کی۔
ترجمان کا کہنا ہے کہ مصر اور لیبیا کے حکام ان واقعات کی فوری، غیرجانبدارانہ اور مفصل تحقیقات کریں۔ دونوں ممالک اظہار اور پرامن اجتماع کی آزادی کا احترام کریں اور اسے یقینی بنائیں۔
.
ذریعہ
ذریعہ: UrduPoint
کلیدی لفظ: تلاش کیجئے مصر اور لیبیا
پڑھیں:
پٹرول کی قیمت میں 4 روپے اضافے پر شہری مایوس، فوری ریلیف کا مطالبہ
افشاں رضوان:پٹرول کی قیمت میں 4 روپے فی لیٹر اضافے کے بعد شہریوں نے شدید مایوسی کا اظہار کرتے ہوئے حکومت سے فوری ریلیف دینے کا مطالبہ کیا ہے۔
شہریوں کا کہنا ہے کہ مسلسل بڑھتی ہوئی مہنگائی اور ایندھن کی قیمتوں میں اضافے نے ان کی مشکلات میں مزید اضافہ کر دیا ہے, آمدن میں کوئی اضافہ نہیں ہوا، جبکہ روزمرہ اخراجات دوگنا ہو چکے ہیں۔
شہریوں نے حکومت سے مطالبہ کیا ہے کہ پٹرولیم مصنوعات کی قیمتوں پر نظرثانی کرتے ہوئے فوری ریلیف فراہم کیا جائے.
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
پاکستان نے ورلڈ کپ 2028 کیلیے براہ راست کوالیفائی کر لیا