بھارتی فلمی صنعت میں پاکستانی فنکاروں کی مخالفت کا نیا تنازعہ کیا ہے؟
اشاعت کی تاریخ: 24th, June 2025 GMT
اسلام آباد (اُردو پوائنٹ ۔ DW اردو۔ 24 جون 2025ء) بھارتی فلمی صنعت سے تعلق رکھنے والے معروف ادارے فیڈریشن آف ویسٹرن انڈیا سائن ایمپلائز (ایف ڈبلیو آئی سی ای) نے معروف اداکار اور گلوکار دلجیت دوسانجھ پر نئی فلم 'سردار جی 3' میں پاکستانی اداکارہ ہانیہ عامر کے ساتھ کام کرنے پر سخت نکتہ چینی کی ہے۔
ادارے نے اس فلم کے پروڈیوسر گنبیر سنگھ سدھو، منمور سدھو اور ہدایت کار امر ہندل کی بھی اس بات کے لیے سخت مذمت کی کہ انہوں نے اس فلم کے لیے پاکستانی اداکارہ ہانیہ عامر کو آخر کیوں منتخب کیا۔
ایف ڈبلیو آئی سی ای نے بھارتی فلم انڈسٹری سے یہ مطالبہ بھی کیا ہے کہ بطور سزا اس فلم میں شامل تمام افراد کو بلیک لسٹ کر دیا جائے اور ان کی بھارتی شہریت کو بھی منسوخ کر دیا جائے۔
(جاری ہے)
منوج کمار، پیدائش ایبٹ آباد میں انتقال ممبئی میں
واضح رہے کہ دلجیت دوسانجھ نے اتوار کے روز اپنی نئی فلم 'سردار جی 3' کے ٹریلر کی نقاب کشائی تھی اور فلم میں اداکارہ ہانیہ عامر کے ہونے کی تصدیق کے ساتھ ہی اعلان کیا تھا کہ یہ فلم 23 جون کو بیرون ملک ریلیز ہونے والی ہے۔
اس اعلان کے فوری بعد فلم ایسوسی ایشن نے ہدایت جاری کی کہ فلم کی نمائش کرنے والوں، او ٹی ٹی پلیٹ فارمز اور تقسیم کاروں کو چاہیے کہ وہ اداکار اور اس فلم سے وابستہ ٹیم کے ساتھ اپنے تمام تعلقات منقطع کر لیں۔
بالی وڈ اداکار سیف علی خان چاقو حملے میں شدید طور پر زخمی
پاکستانی اداکارہ کے ساتھ کام کرنا 'وطن دشمنی' ہےفلم ایسوسی ایشن نے پاکستانی اداکارہ ہانیہ عامر کے ساتھ فلم بنانے کو "ملک مخالف فعل" قرار دیتے ہوئے وزیر اعظم نریندر مودی اور دیگر بھارتی حکام سے اپیل کی ہے کہ وہ پروڈیوسر اور ہدایت کار دلجیت دوسانجھ کے خلاف "سخت اور فوری کارروائی" کریں۔
ایف ڈبلیو آئی سی ای نے اپنے بیان میں کہا کہ "ہم احترام کے ساتھ درخواست کرتے ہیں کہ ان کے پاسپورٹ کو بغیر کسی تاخیر کے منسوخ کر دیا جائے اور یہ کہ اس فلم سے وابستہ افراد کی بھارتی شہریت اور قومی شناخت سے منسلک کسی بھی طرح کے حقوق، مراعات یا نمائندگی سے انہیں مستقل طور پر روک دیا جائے۔"
فلم صنعت کے ادارے نے کہا کہ پاکستانی فنکاروں پر بھارتی فلمی صنعت پر کام کرنے کی پابندی عائد ہے اور یہ اس کی صریح خلاف ورزی ہے۔
اس نے کہا کہ یہ "ہمارے ملک اور اس کے لوگوں کے ساتھ شرمناک دھوکہ" ہے، خاص طور پر جب ملک "پاکستان کے حمایت یافتہ دہشت گردوں کے پہلگام حملے میں 26 افراد کی ہلاکت پر سوگوار ہے۔"گلی کوچوں سے بالی وڈ تک، بلھے شاہ ایک کلچرل آئیکون کیسے؟
بیان میں پاکستانی اداکار ہانیہ عامر کو "بھارت کے خلاف صوتی پروپیگنڈہ کرنے والا" قرار دیا گیا اور کہا گیا کہ انہوں نے بھارتی مسلح افواج کا مذاق اڑایا تھا اور آپریشن سیندور کے دوران پاکستانی کارروائیوں کو جائز قرار دیا تھا۔
دوسروں کے لیے سخت تنبیہفلم ایسوسی ایشن نے اپنے بیان میں ایک سخت تبنیہ بھی جاری کی ہے اور کہا کہ اگر کوئی بھی بھارتی فلم ساز یا فنکار، جو پاکستانی شہریوں کے ساتھ تعاون کرے گا اسے بھارت مخالف بیانیے کو فروغ دینے والا سمجھا جائے گا۔"
بیان میں کہا گیا ہے کہ "ایسے افراد کے لیے بھارتی فلمی صنعت میں کوئی جگہ نہیں ہے۔
ایف ڈبلیو آئی سی ای خاموش نہیں رہے گی، کیونکہ ہمارے پرچم کی بے حرمتی کی گئی ہے۔ ہم دہشت گردی کی تعریف کرنے اور بھارت کی مذمت کرنے والوں کے ساتھ ثقافتی تبادلے کو معمول پر لانے کی ہر کوشش کو بے نقاب اور مخالفت کریں گے۔ یہ صرف بائیکاٹ کی کال نہیں ہے، بلکہ یہ قومی یکجہتی کی کال ہے۔"ہیرا منڈی، بالی وڈ پاکستان کی حقیقی تصویر کشی میں ناکام؟
وزیر اعظم نریندر مودی کو لکھے گئے ایک مکتوب میں فلمی ادارے نے حکومت سے کہا کہ وہ فلم 'سردار جی 3' میں پاکستانی اداکارہ کو شامل کرنے کے قدم کو، "قومی خلاف ورزی اور قومی ہدایات کی بے توقیری سمجھے۔
"ادارے نے فلم کی ٹیم کی وفاداریوں پر سوال اٹھاتے ہوئے ان کے اقدامات کو اس، "قوم کے ساتھ ایک سنگین غداری قرار دیا، جس نے انہیں شہرت، دولت اور شناخت دی۔"
فلم 'سردار جی 3' کے اداکار اور شریک پروڈیوسر دلجیت دوسانجھ نے اعلان کیا ہے کہ ان کی فلم 27 جون کو بیرون ملک ریلیز ہو گی۔ انہوں نے ابھی تک اپنے خلاف ان بیانات پر کوئی ردعمل ظاہر نہیں کیا ہے۔
ادارت: جاوید اختر
.
ذریعہ
ذریعہ: UrduPoint
کلیدی لفظ: تلاش کیجئے اداکارہ ہانیہ عامر ایف ڈبلیو آئی سی ای پاکستانی اداکارہ بھارتی فلمی صنعت پاکستانی اداکار دلجیت دوسانجھ میں پاکستانی بھارتی فلم دیا جائے کے ساتھ کیا ہے اس فلم کے لیے کہا کہ
پڑھیں:
محکمہ موسمیات نے تیزہواؤں اور گرج چمک کیساتھ بارش کی پیش گوئی کردی
اسلام آباد(ڈیلی پاکستان آن لائن)محکمہ موسمیات نے وفاقی دارالحکومت سمیت ملک کے بیشتر حصوں میں بارش کی پیش گوئی کردی۔رپورٹ کے مطابق بدھ کے روزاسلام آباد اور گردونواح میں مطلع جزوی ابر آلود رہنے کے علاوہ تیزہواؤں/آندھی چلنے اور گرج چمک کے ساتھ بارش (بعض مقامات پر تیز بارش / ژالہ باری )کی توقع ہے۔ خیبرپختونخواکے بیشتر اضلاع دیر، چترال، سوات، کوہستان، مالاکنڈ، باجوڑ، شانگلہ، بٹگرام، بونیر، کوہاٹ، بنوں، ڈیرہ اسماعیل خان، مہمند، خیبر، وزیرستان، اورکزئی، مانسہرہ، ایبٹ آباد، ہری پور، پشاور، مردان، ہنگو اور کرم میں کہیں کہیں تیز ہواؤں اور گرج چمک کےساتھ وقفے وقفے سے بارش (بعض مقامات پر موسلادھار بارش اور ژالہ باری ) کا امکان ہے۔
وفاقی بجٹ کب پیش کیا جائےگا؟ ارکان پارلیمنٹ نے بتا دیا
پنجاب کے بیشتر اضلاع راولپنڈی، مری، گلیات، اٹک، چکوال، جہلم، منڈی بہاؤالدین، گجرات، گوجرانوالہ، حافظ آباد، وزیرآباد، لاہور، شیخوپورہ، سیالکوٹ، نارووال، ساہیوال، جھنگ، ٹوبہ ٹیک سنگھ، ننکانہ صاحب، چنیوٹ، فیصل آباد، اوکاڑہ، قصور، خوشاب، سرگودھا، بھکر ، میانوالی، بہاولپور، بہاولنگر، ڈیرہ غازی خان، ملتان، خانیوال، لودھراں، مظفرگڑھ، راجن پور، رحیم یار خان اور لیہ میں کہیں کہیں تیز ہواؤں/آندھی اورگرج چمک کے ساتھ بارش (بعض مقامات پر تیز بارش اور ژالہ باری )کی توقع ہے۔بلوچستان کے بیشتر اضلاع میں موسم گرم اورخشک جبکہ جنوبی اضلاع میں شدیدگرم رہنے کی توقع۔تاہم شمال مشرقی اضلاع میں مطلع جزوی ابر آلود رہنے کے علاوہ کوئٹہ، ژوب، شیرانی، زیارت، چمن، قلعہ عبداللہ، قلعہ سیف اللہ، بارکھان ، ڈیرہ بگٹی ، نصیر آباد، کوہلو، موسیٰ خیل، خضدار اور گردونواح میں چند مقامات پر تیز ہواؤں/آندھی اورگرج چمک کے ساتھ بارش کا امکان ہے۔
بارشوں اور گلیشیئرز کے پگھلاؤ کے باعث شمالی علاقوں میں لینڈ سلائیڈنگ کا خطرہ، این ڈی ایم اے کا الرٹ جاری
سندھ کے بیشتر اضلاع میں موسم شدید گرم اور خشک رہے گا ۔ تاہم بالائی سندھ (سکھر، لاڑکانہ، جیکب آباد، دادو، گھوٹکی، کشمور، شکارپور) میں تیز ہواؤں/آندھی اورگرج چمک کے ساتھ بارش کا امکان ہے۔کشمیر اور گلگت بلتستان میں مطلع جزوی ابر آلود رہنے کے علاوہ تیز ہواؤں اور گرج چمک کے ساتھ بارش کا امکان ہے۔ آج زیادہ سے زیادہ درجہ حرارت نوکنڈی، سبی 48، دالبندین 47اور دادو میں 45 ڈگری سینٹی گریڈ ریکارڈ کیا گیا۔
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ