وزیراعلی علی امین 11 کروڑ کے چائے بسکٹ کھا گئے ، اپوزیشن لیڈر خیبرپختونخوا اسمبلی کا انکشاف
اشاعت کی تاریخ: 24th, June 2025 GMT
پشاور (ممتاز نیوز) خیبر پختونخوا میں اپوزیشن لیڈر ڈاکٹر عباد نے ضمنی بجٹ پر بحث کے دوران انکشاف کیا کہ وزیراعلیٰ گیارہ کروڑ روپے کے چائے بسکٹ کھا گئے، دو سو چالیس ارب روپے عیاشیوں میں خرچ کیے گئے ، یہ لوگ گڈ گورننس کی بات کرتے ہیں ، یہ اعداد وشمار ویب سائٹس پر موجود ہیں۔
تفصیلات کے مطابق خیبر پختونخوا میں اپوزیشن لیڈر ڈاکٹر عباد نے ضمنی بجٹ پر بحث کے دوران گزشتہ مالی سال کے اخراجات پر ایوان میں بات کرتے ہوئے کہنا تھا کہ وزیر اعلیٰ ہاؤس میں 11 کروڑ روپے کے بسکٹ کھائے گئے۔
اپوزیشن لیڈر خیر پختونخوا نے انکشاف کیا کہ کل سرکاری ملازمیں کا احتجاج تھا، 240 ارب روپے کا ضمنی لے کرانا کیا بہتر کارکردگی ہے۔
ڈاکٹرعباد کا کہنا ہے کہ آپ نے جو بجٹ تھا اس کا کیا ہوا یہ 240 ارب عیاشیوں میں خرچ کی ہے۔۔ کرنٹ بجٹ میں بھی ایک ارب 90 کروڑ زیادہ خرچ کئے۔
اپوزیشن لیڈر کا مزید کہنا تھا کہ وزیر اعلی ہاؤس کا خرچہ ایک ارب 50 کروڑ ہے جبکہ پنجاب کا ایک ارب 40 کروڑ ہے۔
Post Views: 5.ذریعہ: Daily Mumtaz
پڑھیں:
سندھ اسمبلی، ارکان کی تنخواہوں میں اضافہ منظور، اپوزیشن لیڈر کی مراعات وزیر کے برابر
کراچی (سٹاف رپورٹر) سندھ اسمبلی نے جمعہ کو اپنے اجلاس میں تین اہم بلوں کی منظوری دیدی جن میں ارکان سندھ اسمبلی کی تنخواہوں اور مراعات میں اضافے کے بل کے علاوہ سندھ بورڈز آف انٹرمیڈیٹ و سیکنڈری ایجوکیشن (ترمیمی بل) 2025 اور اینٹی ٹیررازم سندھ ترمیمی بل 2025شامل ہیں۔ تینوں بل وزیر قانون اور پارلیمانی امور ضیاء الحسن لنجار کی جانب سے ایوان میں پیش کئے گئے تھے۔ سندھ اسمبلی کا اجلاس سپیکر سید اویس قادر شاہ کی زیر صدارت شروع ہوا۔ ایوان کی کارروائی کے دوران وزیر قانون و پارلیمانی امور ضیاء الحسن لنجار نے ارکان سندھ اسمبلی کی تنخواہوں اور الاؤنسز میں اضافے سے متعلق بل ایوان میں پیش کیا جس کی ایوان نے مرحلہ وار منظوری دی۔ تمام ممبران نے بل کی حمایت کی اور اسے متفقہ طور پر منظور کرلیا گیا۔ سندھ کابینہ نے 7اگست کو اپنے جلاس میں اس بل کے مسودے کی منظوری دی تھی اور کابینہ کی منظوری کے بعد اب اسے سندھ اسمبلی سے بھی منظور ی حاصل ہوگئی ہے۔ منظور شدہ قانون سے حکومت اور اپوزیشن دونوں جانب کے ارکان اسمبلی یکساں طور پر مستفیض ہوں گے اور وہ بہت سی مراعات کے حقدار بھی تصور کئے جائیں گے جن میںمہمان داری الاؤنس، ہاؤس رینٹ الائونس، یوٹیلٹی الاؤنس، ڈیلی الاؤنس، کنوینس الاؤنس، اکاموڈیشن الاؤنس، ٹریولنگ الاؤنس، مائیلج الاؤنس، مفت سفری سہولت، ٹیلی فون کی سہولت، علاج معالجے کی سہولیات، آفس مینٹنس الاؤنس اور وہ تما م الاؤنسز بھی جن کی سفارش سندھ اسمبلی کی کوئی پارلیمانی کمیٹی کرے گی۔ منظور شدہ بل کے تحت لیڈر آف دی اپوزیشن ایک صوبائی وزیر کے برابر تنخواہ اور مراعات حاصل کرنے کے مجاز ہوں گے۔ علاوہ ازیں سندھ اسمبلی کی مختلف پارلیمانی کمیٹیوں کے چیئرمین بھی کئی الاؤنسز کے حق دار ہوں گے مگر اپنے منصب کی پوری مدت کے دوران وہ محض ایک سرکاری کار زیر استعمال رکھنے کے مجاز ہوں گے۔ البتہ انہیں پیٹرول اور مینٹینس الاؤنس مہیا کیا جائے گا۔ ایوان کی کارروائی کے دوران وزیر پارلیمانی امور ضیاء الحسن لنجار نے ایوان میں سندھ بورڈز آف انٹرمیڈیٹ و سیکنڈری ایجوکیشن (ترمیم) بل 2025اور اینٹی ٹیرارزم سندھ ترمیمی بل 2025بھی الگ الگ پیش کئے جن کی ایوان نے کثرت رائے سے منظور ی دیدی۔ سپیکر سید اویس قادر شاہ نے اعلان کیا کہ 11اگست کو منیارٹی ڈے کی مناسبت سے سندھ اسمبلی کا اجلاس پیر کی صبح گیارہ بجے اولڈ اسمبلی بلڈنگ میں ہوگا۔
دورہ ویسٹ انڈیز: قومی ٹیم کا فاتحانہ آغاز، کالی آندھی کو پہلے ٹی 20 میں شکست