پاکستان اور یو اے ای کے درمیان سرکاری و سفارتی پاسپورٹ پر ویزے کی شرط ختم
اشاعت کی تاریخ: 25th, June 2025 GMT
اسلام آباد(نیوز ڈیسک)پاکستان اور متحدہ عرب امارات کے درمیان سرکاری و سفارتی پاسپورٹ پر ویزے کی شرط ختم کر دی گئی۔
پاکستان اور یو اے ای وزارتی کمیشن کا 12 واں اجلاس ، جس میں 3 اہم مفاہمتی یادداشتوں پر دستخط کئے گئے، اجلاس میں تجارت، سرمایہ کاری، بینکاری، صحت، تعلیم اور توانائی سمیت مختلف شعبوں میں تعاون پر اتفاق کیا گیا۔
ترجمان دفتر خارجہ نے بتایا کہ دوست مملاک نے ویزا چھوٹ اور سرمایہ کاری کے فروغ کے لیے مشترکہ ٹاسک فورس کے ایم او یوز پر دستخط کئے گئے۔ اجلاس میں دونوں دوست ممالک کے درمیان ویزا چھوٹ سے متعلق اہم معاہدہ طے پایا۔
اس موقع پر وزیر خارجہ اسحاق ڈار نے کہا کہ 12 برس کے وقفے سے ہونے والا اجلاس انتہائی مثبت اور تعمیری رہا، معاہدہ تعلقات کی مزید مضبوطی اور ادارہ جاتی تعاون گہرا کرنے کے عزم کا عکاس ہے۔
اسحاق ڈار نے بتایا کہ مصنوعی ذہانت اور ڈیجیٹل اکانومی پر معاہدہ طے پایا، جو مستقبل میں دونوں ممالک کے معاشی مفادات کو مزید وسعت دے گا۔
.ذریعہ: Daily Ausaf
پڑھیں:
ایران اور پاکستان کے درمیان ہفتہ وار پروازوں کو بڑھا کر 24 کر دیا گیا
سید حمید رضا صانعی کے مطابق پاکستانیوں کی سالوں سے یہ خواہش تھی، خاص طور پر ایامِ اربعین میں زائرین کو ایرانی ایئر لائنز پہلے مشہد اور پھر نجف منتقل کریں، قومی اور بین الاقوامی قوانین کے مطابق اس طرح کے راستے کا قیام ممکن ہے اور یہ مختلف ممالک میں جاری ہے۔ اسلام ٹائمز۔ صدر مسعود پزشکیان کے ساتھ ایرانی وزیر مواصلات اور ہوابازیِ کے سربراہ کے دورہ پاکستان کے بعد دونوں ممالک کے درمیان ہوائی نقل و حمل کے تعاون کی دستاویز پر دستخط ہوئے، جس کے تحت ایران اور پاکستان کے درمیان پروازوں کی گنجائش بڑھا کر 24 پروازیں فی ہفتہ کر دی گئی اور اس کے نتیجے میں اسلامی جمہوریہ ایران کی ایئر لائن (ہما) کی مشہد کراچی پرواز بھی بحال ہو گئی۔
اسی طرح پروازوں کے راستوں میں رکاوٹوں کا خاتمہ، نیویگیشن کے شعبے میں مشترکہ تعاون اور ہوا بازی کی خصوصی تربیت کی ترقی بھی معاہدے میں شامل ہے۔ ایران کے محکمہ ہوابازی کے معاون سید حمید رضا صانعی کے مطابق پاکستانیوں کی سالوں سے یہ خواہش تھی، خاص طور پر ایامِ اربعین میں زائرین کو ایرانی ایئر لائنز پہلے مشہد اور پھر نجف منتقل کریں۔ انہوں نے کہا کہ قومی اور بین الاقوامی قوانین کے مطابق اس طرح کے راستے کا قیام ممکن ہے اور یہ مختلف ممالک میں جاری ہے۔
صانعی نے کہا کہ پاکستانیوں بھائیوں کی خواہش کے مطابق اب ایران اور پاکستان کے مختلف شہروں بالخصوص لاہور، کراچی اور اسلام آباد کے درمیان پروازیں بڑھائی جا رہی ہیں اور گزشتہ ہفتوں میں کئی ایرانی ایئر لائنز نے پروازوں کے لائسنس حاصل کیے ہیں۔ انہوں نے کوئٹہ زاہدان کے راستے کا ذکر کرتے ہوئے کہا کہ اس روٹ پر کبھی بھی کوئی براہ راست پرواز نہیں ہوئی اور خاص طور پر تاجر اور کاروباری افراد کوئٹہ قطر تہران زاہدان کا طویل سفر کرتے ہیں، جس کی وجہ سے دونوں ممالک کے لوگوں کو بہت سی مشکلات کا سامنا کرنا پڑتا ہے۔
انہوں نے مزید کہا کہ اب ہم ضروری اجازت نامے حاصل کرنے کے بعد اس روٹ پر بھی براہ راست پروازیں شروع کرنے کی کوشش کر رہے ہیں۔ انہوں نے زور دیکر کہا کہ اس سلسلے میں پاکستان محکمہ ایوی ایشن کے ساتھ اچھی میٹنگیں ہوئی ہیں، جن کا حتمی فیصلہ دونوں ممالک کے مشترکہ اقتصادی کمیشن میں کیا جائیگا۔ واضح رہے کہ ایران ایئر ٹور ایئر لائنز کی ایک ایئربس 300 کے اسلام آباد بین الاقوامی ہوائی اڈے پر اترنے سے تہران سے اسلام آباد کے لیے براہ راست پروازوں کا باقاعدہ آغاز ہو چکا ہے، کل ہفتہ وار پروازوں کی تعداد پانچ ہے۔
وزیراعظم محمد شہبازشریف سعودی عرب کا دورہ مکمل کرنے کے بعد لندن روانہ