کیا مچھلی کے تیل کا روزانہ استعمال صحت کے لیے مفید ہے؟
اشاعت کی تاریخ: 26th, June 2025 GMT
data-id="863a0a8" data-element_type="widget" data-widget_type="theme-post-content.default">
مچھلی کا تیل دنیا میں سب سے زیادہ استعمال ہونے والا غذائی سپلیمنٹ سمجھا جاتا ہے کیونکہ اس میں موجود اومیگا تھری فیٹی ایسڈز انسانی صحت پر بے شمار مثبت اثرات مرتب کرتے ہیں۔ اگرچہ بہت سے لوگ مچھلی کھانے سے اجتناب کرتے ہیں، مگر وہ مچھلی کے تیل کے کیپسولز کے ذریعے ان اہم غذائی اجزاء سے فائدہ اٹھا سکتے ہیں۔ ان کیپسولز میں وٹامن اے اور ڈی بھی پائے جاتے ہیں جو صحت کے لیے نہایت اہم ہیں۔
تحقیقات سے یہ بات سامنے آئی ہے کہ مردوں میں یہ سپلیمنٹ بانجھ پن کے خطرے کو کم کر سکتا ہے، کیونکہ اومیگا تھری فیٹی ایسڈز جسم میں ورم اور تکسیدی تناؤ کو کم کرتے ہیں، جو تولیدی نظام پر برا اثر ڈالتے ہیں۔
مچھلی کے تیل کا دل کی صحت پر بھی مثبت اثر پڑتا ہے۔ یہ ہارٹ فیلیئر، ہائی بلڈ پریشر، خون میں چکنائی کی زیادتی اور فالج جیسے امراض کے خطرے کو کم کرنے میں مددگار ثابت ہوتا ہے۔ امریکن ہارٹ ایسوسی ایشن اور دیگر کلینیکل ٹرائلز سے بھی اس بات کی تائید کی گئی ہے۔
جلد کی صحت کے لیے بھی مچھلی کا تیل فائدہ مند ہے۔ یہ سورج کی روشنی سے ہونے والے نقصان، جلد کی خشکی اور خارش میں بہتری لاتا ہے۔ اس کے علاوہ، یہ آنکھوں کی صحت کے لیے بھی مفید ہو سکتا ہے، خاص طور پر عمر کے ساتھ بینائی میں آنے والی کمزوری کے خلاف مؤثر ہے۔
اومیگا تھری فیٹی ایسڈز دماغی صحت کے لیے بھی اہم ہیں۔ تحقیقی رپورٹس میں بتایا گیا ہے کہ ان کے استعمال سے یادداشت بہتر ہو سکتی ہے، الزائمر جیسی بیماریوں کا خطرہ کم ہو سکتا ہے، اور ڈپریشن جیسی ذہنی کیفیتوں میں کمی آ سکتی ہے۔ کچھ تحقیق یہ بھی ظاہر کرتی ہے کہ مچھلی زیادہ کھانے والے افراد میں ڈپریشن کا خطرہ 17 فیصد تک کم ہو جاتا ہے۔
مزید یہ کہ کچھ مطالعات نے ہڈیوں کی مضبوطی میں بھی مچھلی کے تیل کے کردار کی نشاندہی کی ہے، اگرچہ اس پہلو پر مزید تحقیق کی ضرورت ہے۔
یہ تمام فوائد اس بات کا اشارہ دیتے ہیں کہ مچھلی کے تیل کا باقاعدہ اور معتدل استعمال جسم کے مختلف نظاموں پر مثبت اثر ڈال سکتا ہے، تاہم اس کے استعمال سے قبل معالج سے مشورہ ضرور کرنا چاہیے تاکہ انفرادی صحت کی ضروریات اور ممکنہ خطرات کو مدنظر رکھا جا سکے۔
.ذریعہ: Jasarat News
کلیدی لفظ: صحت کے لیے سکتا ہے
پڑھیں:
اقبالؒ کے افکار پر عمل سے پاکستان فلاحی ریاست بن سکتا ہے: مریم نواز
وزیراعلیٰ پنجاب مریم نواز شریف نے کہا ہے کہ قوم کیلئے خودداری کا درس علامہ اقبالؒ کا بہت بڑا احسان ہے، اقبالؒ کے افکار پر عمل سے پاکستان فلاحی ریاست بن سکتا ہے۔شاعر مشرق، مصور پاکستان علامہ محمد اقبالؒ کے یوم پیدائش پر اپنے خصوصی پیغام میں وزیراعلیٰ مریم نواز کا کہنا تھا کہ پنجاب اور اہل پنجاب مصور پاکستان علامہ محمد اقبالؒ کی فکری عظمت کو سلام پیش کرتے ہیں، علامہ اقبالؒ شاعر ہی نہیں بلکہ مصلح اور رہبر تھے، انہوں نے اپنی شاعری سے برصغیر کے مسلمانوں کو آزادی کا شعور دیا۔انہوں نے کہا کہ علامہ اقبالؒ نے قوم کی سمت متعین کی اور قائداعظمؒ درماندہ قافلے کو منزل کی طرف لیکر چلے، علامہ اقبالؒ نے اپنی شاعری سے نوجوانوں کیلئے بھی فکر انگیز پیغام دیا، قوم کیلئے خودداری کا درس علامہ اقبالؒ کا بہت بڑا احسان ہے۔ان کا کہنا تھا کہ فلسفہ خود داری پر عمل علامہ اقبالؒ سے اظہار محبت کا بہترین طریقہ ہے، علامہ اقبالؒ کے افکار پر عمل پیرا ہونے سے ہی پاکستان ایک اعتدال پسند اور فلاحی ریاست بنے گا، علامہ اقبالؒ کی شاعری اور افکار پر عمل کرنا ہی ان کو خراج تحسین پیش کرنے کا بہترین طریقہ ہے۔مریم نواز شریف نے کہا کہ علامہ محمد اقبالؒ نے اپنی فکر انگیز شاعری کے ذریعے خودداری، اعلیٰ اقدار، انصاف پسندی، صاف گوئی اورجمہوریت کا درس دیا، علامہ اقبالؒ اسلام کے آفاقی پیغام کے علمبردار ہیں جو ہر زمانے کیلئے زندہ و پائندہ ہے،شاعر مشرق کے تصور پاکستان کو سمجھنے کی اشد ضرورت ہے۔وزیراعلیٰ پنجاب کا مزید کہنا تھا کہ علامہ اقبالؒ کے افکار پر عمل پیرا ہو کر آزادانہ، منصفانہ اور عادلانہ معاشی و سماجی نظام قائم کرنا وقت کی ضرورت ہے، اقبالؒ کے فکر و فلسفہ کی حقیقی تعبیر سے ہی پاکستان سیاسی، معاشی، مذہبی اور معاشرتی لحاظ سے دنیا میں ممتاز مقام حاصل کرے گا، آج کے دن ہمیں بحیثیت قوم علامہ اقبالؒ کے افکار کو مشعل راہ بنانے کے عزم کا اعادہ کرنا ہے۔
حیدر آباد ، ایک روزہ ڈینگی علاج کیلیے مفت طبی کیمپ کا قیام