محرم الحرام کا چاند نظر آگیا، یوم عاشور 6 جولائی اتوار کو ہوگا
اشاعت کی تاریخ: 26th, June 2025 GMT
اسلام آباد:محرم الحرام 1447ھ کا چاند نظر آگیا، یکم محرم کل 27 جون کو ہوگا جب کہ یوم عاشور 6 جولائی بروز اتوار ہوگا۔
تفصیلات کے مطابق کوئٹہ کے ڈپٹی کمشنر آفس میں چیئرمین مرکزی رویت ہلال کمیٹی مولاناعبدالخبیر آزاد کی زیر صدارت اجلاس ہوا جس میں سپارکو اور محکمہ موسمیات کے حکام بھی موجود تھے۔
علاوہ ازیں، زونل اور ضلعی رویت ہلال کمیٹیوں کے اجلاس متعلقہ ہیڈکوارٹرز میں ہوئے جب کہ اسلام آباد میں زونل کمیٹی کا اجلاس وزارت مذہبی امور کے سیکریٹریٹ میں ہوا۔
چیئرمین مرکزی رویت ہلال کمیٹی مولانا عبدالخبیر آزاد نے اجلاس کے بعد پریس کانفرنس کے دوران محرم الحرام کا چاند نظر آنے کا اعلان کیا۔
ان کا کہنا تھا کہ محرم کا چاند نظر آگیا ہے، کل بروز جمعہ 27 جون کو یکم محرم الحرام ہوگا جب کہ 9 محرم الحرام 5 جولائی بروز ہفتہ اور یوم عاشور 10 محرم 6 جولائی بروز اتوار کو ہوگا۔
اس سے قبل، محکمہ موسمیات نے بتایا تھا کہ کوئٹہ میں مطلع گرد آلود ہے، چاند نظر آنے کی امکانات کم ہیں، چاند نظر آنے کا دورانیہ 8 بج کر 10 منٹ سے لے کر 9 بجے تک ہے جب کہ چاند کی عمر 28 گھنٹے 38 منٹ ہے۔
واضح رہے کہ سعودی عرب سمیت دیگر عرب اور خلیجی ممالک میں محرم الحرام کا چاند کل نظر آیا تھا اور ان ممالک میں اسلامی سال 1447 ہجری کا آغاز آج 26 جون سے ہوگیا تھا۔
ذریعہ: Daily Mumtaz
کلیدی لفظ: کا چاند نظر ا
پڑھیں:
آج رویتِ ہلال کمیٹی کا اہم اجلاس، محرم کا چاند نظر آنے کا قوی امکان
آج (26 جون 2025) نمازِ عصر کے بعد کوئٹہ میں مرکزی رویتِ ہلال کمیٹی کا اجلاس منعقد ہو رہا ہے جس کی صدارت چیئرمین مولانا سید محمد عبدالخبیر آزاد کریں گے۔
یہ بھی پڑھیں:سعودی عرب میں محرم الحرام کا چاند نظر آگیا، غلافِ کعبہ تبدیل
اس کے ساتھ ساتھ زونل کمیٹیاں بھی اپنے متعلقہ صوبائی شہروں میں اجلاس کر رہی ہیں، جن میں اسلام آباد، لاہور، کراچی وغیرہ شامل ہیں۔
شہنوا نیوز کی اطلاع کے مطابق، چاند کی عمر 26 جون کی شام غروب آفتاب کے وقت تقریباً 28 گھنٹے و 15 منٹ ہوگی، جبکہ ساحلی علاقوں میں چاند اور سورج کے غروب کے دوران تقریباً 75 منٹ کا وقفہ ہوگا، جو چاند دیکھنے کے لیے سازگار سمجھا جاتا ہے۔
یہ بھی پڑھیں:چاند سے ٹکرانے والا سیارچہ کیس قدر نقصان پہنچا سکتا ہے؟
ماہرین فلکیات اور سپارکو کی پیشگوئی کے مطابق آج شام اگر موسم صاف رہا تو محرم کا چاند دیکھے جانے کے امکانات بہت زیادہ ہیں اور یکم محرم الحرام 1447 ہجری ممکنہ طور پر 27 جون 2025 کو شروع ہو سکتا ہے۔
اجلاس کے بعد چیئرمین کمیٹی حتمی اعلان کریں گے کہ چاند نظر آیا ہے یا نہیں۔ اگر چاند دیکھا گیا تو محرم کی پہلی تاریخ طے ہوگی، ورنہ ایک اور طریقے سے اس کا تعین کیا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
چیئرمینرویت ہلال کمیٹی محرم محرم الحرام مولانا سید محمد عبدالخبیر آزاد
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی