کولمبو: ایشین 6 ریڈ ٹیم چیمپئن شپ کا آغاز
اشاعت کی تاریخ: 26th, June 2025 GMT
ایشین 6 ریڈ ٹیم چیمپئن شپ کا آغاز ہوگیا۔ پاکستان ٹیم ون نے اپنے پہلے دونوں میچز جیت لیے ،پاکستان ٹو اپنے پہلے مقابلے میں فتح سے ہمکنار ہوگئی لیکن دوسرا میچ ہار گئی۔
سری لنکا کے شہر کولمبو سے موصولہ اطلاعات کے مطابق تین مرتبہ کے عالمی چیمپئن محمد آصف اور اویس منیر پر مشتمل پاکستان ون نے اپنے پہلے لیگ میچ میں کمبوڈیا کو کسی دقت کے بغیر0-3 سے مات دینے کے بعد قطر کو 1-3 سے ٹھکانے لگا دیا۔
سابق ایشین چیمپئن محمد سجاد اور شاہد آفتاب پر مشتمل پاکستان ٹو ٹیم نے اپنے پہلے گروپ میچ میں بحرین کو سخت مقابلے کے بعد 2-3 سے زیر کیا۔تاہم دوسرے میچ میں اسے چین نے 1-3 سے شکست کا سامنا کرنا پڑا۔
چیمپئن شپ میں پاکستان کی دو ٹیموں سمیت 13 ممالک کی 16 ٹیمیں شرکت کررہی ہیں۔ چار گروپس میں تقسیم ہر ٹیم 3 گروپ میچز کھیلے گی جبکہ ہر گروپ سے ٹاپ دو ٹیمیں کوارٹر فائنل میں جگہ بنائیں گی۔
.ذریعہ: Express News
کلیدی لفظ: اپنے پہلے
پڑھیں:
پاکستان اور جرمنی کے درمیان مشترکہ ترقیاتی منصوبوں کا آغاز
پاکستان نے جرمنی کے ساتھ مشترکہ ترقیاتی منصوبوں کا آغاز کردیا ہے۔
تفصیلات کے مطابق ایس آئی ایف سی کے تعاون سے پائیدار ترقی اور گرین انویسٹمنٹ کے نئے مواقع میں اضافہ دیکھنے میں آیا ہے۔
پاکستان اورجرمنی کے درمیان ماحولیاتی و توانائی شراکت داری میں توسیع ہوئی ہے جبکہ جرمنی کی جانب سے پاکستان کیلئے 114 ملین یورو کی مالیاتی اور فنی معاونت کا اعلان کیا گیا ہے۔
معاونت کا مقصد موسمیاتی مزاحمت، توانائی کی منتقلی اور سماجی تحفظ کے منصوبوں کو فروغ دینا ہے۔ جرمنی کے اشتراک سے پاکستان میں تربیتی پروگرامز، نوجوانوں کیلئے روزگار اور قدرتی آفات سے بچاؤ کے انتظام میں بہتری لائی جائے گی۔
جرمنی نے ماحولیاتی تبدیلی، معاشی استحکام اور سماجی شمولیت میں تعاون جاری رکھنے کے عزم کا اعادہ بھی کیا۔ کاربن مارکیٹ پروگرام میں پیش رفت، ماحولیاتی ترقی اور بین الاقوامی سرمایہ کاری کے لیے عملی اقدامات کابھی آغاز کردیا گیا ہے۔
حیدر آباد ، ایک روزہ ڈینگی علاج کیلیے مفت طبی کیمپ کا قیام