ڈیرہ اسماعیل خان کی سول سوسائٹی ایران کی حمایت میں سڑکوں پر نکل آئی
اشاعت کی تاریخ: 27th, June 2025 GMT
اسلام ٹائمز: زندگی کے مختلف شعبہ ہائے زندگی سے تعلق رکھنے والے عوام نے رہبر انقلاب اسلامی آیت اللہ العظمیٰ سید علی خامنہ ای کو ایران کا ہی نہیں بلکہ امت مسلمہ کا لیڈر اور رہبر قرار دیا۔ ریلی میں خواتین نے بھی بھرپور انداز میں شرکت کی، شرکائے ریلی نے رہبر انقلاب اسلامی سید علی خامنہ ای کی قدآور تصاویر سمیت شہدائے ایران کی تصویروں پر مبنی بینرز اور ایرانی پرچم اٹھائے رکھے تھے۔ متعلقہ فائیلیںرپورٹ: سید عدیل عباس
امریکی و اسرائیلی جارحیت کیخلاف ڈیرہ اسماعیل خان کی سول سوسائٹی برادر اسلامی ملک ایران کی حمایت میں سڑکوں پر نکل آئی، زندگی کے مختلف شعبہ ہائے زندگی سے تعلق رکھنے والے عوام نے رہبر انقلاب اسلامی آیت اللہ العظمیٰ سید علی خامنہ ای کو ایران کا ہی نہیں بلکہ امت مسلمہ کا لیڈر اور رہبر قرار دیا۔ ریلی میں خواتین نے بھی بھرپور انداز میں شرکت کی، شرکائے ریلی نے رہبر انقلاب اسلامی سید علی خامنہ ای کی قدآور تصاویر سمیت شہدائے ایران کی تصویروں پر مبنی بینرز اور ایرانی پرچم اٹھائے رکھے تھے اور امریکہ و اسرائیل کیخلاف نعرہ بازی کر رہے تھے۔ ریلی سے خطاب کرتے ہوئے شیعہ علماء کونسل پاکستان کے مرکزی نائب صدر علامہ محمد رمضان توقیر سمیت دیگر مقررین کا کہنا تھا کہ ایران کی استقامت، جرآت اور رہبر معظم کو سلام عقیدت پیش کرتے ہیں، دشمنان اسلام نے ایران کی عوام اور ریاست سے بیعت کا مطالبہ کیا، لیکن فرزند حسینؑ نے بالکل اسی طرح دوٹوک الفاظ میں جواب دیا، جس طرح انہی ایام میں نواسہ رسول نے دیا تھا کہ ہر قسم کی قربانی دینے کے لئے تیار ہیں، صیہونی دہشت گردوں کی بیعت کسی صورت بھی نہیں کریں گے۔ مزید احوال اس ویڈیو رپورٹ میں ملاحظہ فرمائیں۔ قارئین و ناظرین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.
youtube.com/@ITNEWSUrduOfficial
ذریعہ
ذریعہ: Islam Times
کلیدی لفظ: نے رہبر انقلاب اسلامی سید علی خامنہ ای ایران کی
پڑھیں:
پاسدارانِ انقلاب کی دھمکی پر برطانیہ کا بھی سخت ردعمل آگیا
پاسدارانِ انقلاب کے امریکا کی مدد کرنے پر برطانوی اڈوں کو نشانہ بنانے کی دھمکی کے کے بعد برطانیہ کا بھی ردعمل سامنے آگیا ہے جس میں اُس نے کہا ہے کہ وہ اپنے عوام کے دفاع کے لیے پرعزم ہے۔
ایران کے پاسداران انقلاب کی جانب سے امریکی بمبار طیاروں کو برطانیہ کے اڈوں سے پرواز کرنے کی اجازت دینے کے حوالے سے وارننگ جاری کی گئی تھی جس کے بعد برطانیہ نے جمعرات کو کہا کہ اس کی مسلح افواج ملک کو کسی بھی حملے سے بچانے کے لیے تیار ہیں۔
حکومتی ترجمان نے کہا کہ ہماری مسلح افواج برطانیہ کو کسی بھی قسم کے حملوں سے محفوظ رکھنے کے لیے تیار ہیں، چاہے وہ ہماری سرزمین پر ہو یا بیرون ملک سے۔ برطانیہ اپنے دفاع کے لیے 24 گھنٹے تیار ہے۔
انہوں نے مزید کہا کہ اس میں رائل نیوی، برٹش آرمی اور رائل ایئر فورس کے اثاثوں کی طرف سے فراہم کردہ فضائی اور میزائل دفاع کے لیے ایک تہہ دار نقطہ نظر کو چلانا شامل ہے، جو ہمارے نیٹو اتحادیوں کے ساتھ مل کر کام کر رہے ہیں۔
ایران کی جانب سے یہ انتباہ اس وقت سامنے آیا جب برطانیہ کے نئے وزیر اعظم اینڈی برنہم کو گزشتہ ہفتے برطانیہ کے ایک موجودہ معاہدے کو دوبارہ فعال کرنے پر مطلع کیا گیا تھا جس میں امریکا کو برطانوی اڈے استعمال کرنے کی اجازت دی گئی تھی۔
بھارت سے جنگ اور افغانستان میں کارروائی خارج ازامکان نہیں، وزیردفاع