ایشیا کپ؛ بھارتی شرکت کی گتھی تاحال نہیں سلجھ سکی
اشاعت کی تاریخ: 27th, June 2025 GMT
لاہور:
ایشیا کپ میں بھارتی شرکت کی گتھی تاحال نہیں سلجھ سکی، ویمنز ورلڈ کپ میں دونوں ٹیموں کی ایک گروپ میں شمولیت نے اے سی سی کی امیدیں بڑھا دیں، ایونٹ کے 12 سے 28 ستمبر تک انعقاد کا امکان ہے، ممکنہ طور پر یو اے ای میزبانی کرے گا۔
تفصیلات کے مطابق ایشیا کپ کا انعقاد رواں برس ہونا ہے البتہ پاک بھارت تعلقات میں کشیدگی کے سبب ایونٹ پر خدشات کے بادل چھا چکے، 2023 کے ایشیائی ایونٹ میں پاکستان نے ہائبرڈ ماڈل کے تحت بھارتی میچز سری لنکا میں کروائے تھے، اب دونوں ممالک میں ایک دوسرے کی سرزمین پر نہ کھیلنے اور تیسرے وینیو پر میچز کا معاہدہ بھی ہو چکا جس کا اطلاق رواں برس چیمپیئنز ٹرافی سے ہوا۔
رواں سال بھارت کی میزبانی میں ایشیائی ایونٹ کا 12 سے 28 ستمبر تک یو اے ای میں انعقاد ہو سکتا ہے، البتہ تاحال بھارت نے ایشین کرکٹ کونسل کو شرکت کی تصدیق نہیں کی۔ سونی پکچرز نیٹ ورک انڈیا نے گزشتہ برس 170 ملین ڈالر کے عوض2024 سے 2031 تک تمام اے سی سی ٹورنامنٹس کے میڈیا رائٹس حاصل کیے تھے، ان میں مینز اور ویمنز ایشیا کپ کے تمام ایڈیشنز، دونوں کے انڈر 19 ایشیا کپ اور ایمرجنگ ٹورنامنٹس بھی شامل ہیں۔
گزشتہ دنوں بھارت کی جانب سے بائیکاٹ کی خبریں بھی سامنے آئی تھیں جنھیں بی سی سی آئی نے مسترد کر دیا تھا، حال ہی میں سونی نے ایشیا کپ کا جو پرومو جاری کیا اس میں صرف بھارت، سری لنکا اور بنگلا دیش کے کپتانوں کو دکھایا گیا، پاکستانی قائد موجود ہی نہیں تھے۔
ذرائع نے بتایا کہ گزشتہ دنوں آئی سی سی نے ویمنز ورلڈ کپ میں بھی پاکستان اور بھارت کو ایک ہی گروپ میں رکھا جس کی مخالفت سامنے نہیں آئی، اس سے یہ تاثر مضبوط ہو رہا ہے کہ بھارتی ٹیم ایشیا کپ میں بھی شرکت کرے گی، البتہ اگر اس نے پاکستان کیخلاف میچ فورفیٹ کر دیا تو پی سی بی بھی جوابی طور پر اگلے ایونٹس میں ایسا کر سکتا ہے، لہٰذا یہ آپشن اپنانا آسان نہ ہوگا، بھارتی ٹیم کی جگہ کسی اور کو ایونٹ میں لینا براڈ کاسٹنگ و دیگر مالی معاملات کے سبب ممکن نہیں لگتا۔
یاد رہے کہ ایشین کرکٹ کونسل کے موجودہ سربراہ چیئرمین پی سی بی محسن نقوی ہیں، سری لنکا میں 6 جون سے ویمنز ایمرجنگ ایشیا کپ کا انعقاد ہونا تھا جسے خراب موسم کا جواز بتا کر ملتوی کر دیا گیا تھا۔
.ذریعہ: Express News
پڑھیں:
بھارت کے خلاف فائنل ہوا تو فتح یقینی ہے، ایشیا کپ جیتنے کیلئے آئے ہیں : شاہین آفریدی
data-id="863a0a8" data-element_type="widget" data-widget_type="theme-post-content.default">
ابوظہبی: قومی ٹیم کے فاسٹ باؤلر شاہین شاہ آفریدی نے کہا ہے کہ بھارتی ٹیم ابھی ایشیا کپ کے فائنل میں نہیں پہنچی، جب وہاں پہنچے گی تو اس وقت دیکھ لیں گے، البتہ اگر پاکستان اور بھارت کا فائنل ہوا تو جیت یقینی طور پر پاکستان کی ہوگی۔
بنگلہ دیش کے خلاف میچ سے قبل پریس کانفرنس کرتے ہوئے قومی ٹیم کے فاسٹ باؤلر شاہین آفریدی کا کہنا تھا کہ میں چاہتا ہوں 5 کے 5 فاسٹ بولرز ٹیم میں کھیلیں، پاکستان یہاں صرف فائنل کھیلنے کے لیے نہیں آیا بلکہ ایشیا کپ جیتنے کا عزم رکھتا ہے۔
شاہین شاہ آفریدی نے کہا کہ ٹیم کے فاسٹ باؤلرز جارحانہ مزاج اور بہترین فارم میں ہیں، انہیں کسی بڑی مشکل کا سامنا نہیں، البتہ بعض اوقات ایسی پچز ملتی ہیں جہاں بیٹرز کو فائدہ ہوتا ہے، وکٹیں حاصل کرنا اور جارحانہ انداز میں بولنگ کرنا ہمارا ہدف ہے، تاہم دبئی کی کنڈیشنز میں فاسٹ بولرز کو زیادہ سوئنگ نہیں ملتی۔
انہوں نے مزید کہا کہ ٹی ٹوئنٹی کرکٹ میں اچھی وکٹ ملنے پر بیٹرز کے پاس کھل کر کھیلنے کا موقع ہوتا ہے۔ ہماری توجہ اس بات پر ہے کہ جو بھی ٹیم سامنے آئے اس کے خلاف بہترین کھیل پیش کیا جائے، میرا مقصد اپنی بیٹنگ اور باؤلنگ میں سو فیصد دینا اور ٹیم کا مورال بلند رکھنا ہے۔
ان کا کہنا تھا کہ اگرچہ حالیہ میچز میں بڑی ٹیموں کے خلاف کامیابی حاصل نہیں ہو سکی، تاہم مجموعی طور پر کئی فتوحات ٹیم کے حصے میں آئیں۔
قومی فاسٹ باؤلر نے نواز اور حسین طلعت کی کارکردگی کو سراہتے ہوئے کہا کہ انہوں نے بہترین کھیل پیش کیا، جبکہ حارث اور صائم بھی شاندار صلاحیتوں کے حامل کھلاڑی ہیں۔
حالیہ سیلاب نے ملک میں کافی تباہی مچائی،متاثرین کی آبادکاری کےلئے آخری وقت تک ان کے ساتھ ہیں،قائم مقام صدر سید یوسف رضا گیلانی