’ٹرمپ کا دباؤ: ‘ببی کو چھوڑ دو’ – نیتن یاہو کے مقدمے پر امریکی صدر کا سخت ردعمل
اشاعت کی تاریخ: 29th, June 2025 GMT
امریکی صدر ڈونلڈ ٹرمپ نے اسرائیلی وزیراعظم بنجمن نیتن یاہو کے خلاف چل رہے بدعنوانی کے مقدمے پر دوسری بار سخت ردعمل ظاہر کیا ہے۔
یہ بھی پڑھیں:صدر ٹرمپ کا اسرائیلی وزیرِ اعظم نیتن یاہو کیخلاف کرپشن مقدمہ ختم کرنے کا مطالبہ
ٹرمپ نے کہا کہ یہ مقدمہ غزہ اور ایران کے معاملات پر مذاکرات کو متاثر کر رہا ہے۔ انہوں نے اسرائیل کو امریکی امداد کے اربوں ڈالرز کا حوالہ دیتے ہوئے کہا، ہم اسے برداشت نہیں کریں گے۔
ٹرمپ نے اپنے سوشل میڈیا پلیٹ فارم ’ٹروتھ سوشل‘ پر لکھا ہے کہ ’اسرائیل میں ببی نیتن یاہو کے ساتھ جو کچھ ہو رہا ہے، وہ خوفناک ہے۔ وہ ایک جنگی ہیرو ہیں اور ایک وزیراعظم ہیں جنہوں نے ایران کے جوہری خطرے کو ختم کرنے میں امریکا کے ساتھ شاندار کام کیا‘۔
یہ بھی پڑھیں:یورپ نے نیتن یاہو کیخلاف عالمی عدالت انصاف کے اقدام کی حمایت کردی
انہوں نے مزید لکھا ہے کہ ’وہ فی الحال حماس کے ساتھ مذاکرات کر رہے ہیں، جس میں یرغمالیوں کی واپسی شامل ہوگی۔ ایسے میں وزیراعظم کو پورا دن عدالت میں بیٹھنا پڑے، یہ کیسے ممکن ہے؟‘۔
ٹرمپ نے نیتن یاہو کے خلاف بدعنوانی کے مقدمے کو ’جھوٹا مقدمہ‘ قرار دیا اور کہا کہ یہ ایران اور حماس کے ساتھ مذاکرات میں رکاوٹ بنے گا۔
انہوں نے کہا کہ ’امریکا ہر سال اسرائیل کی حفاظت اور مدد کے لیے اربوں ڈالر خرچ کرتا ہے۔ ہم اسے برداشت نہیں کریں گے۔ ببی کو چھوڑ دو، ان کے پاس اہم کام ہیں‘۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیل اسرائیلی وزیر اعظم امریکا امریکی صدر ایران بدعنوانی صدر ٹرمپ غزہ نیتن یاہو.ذریعہ: WE News
کلیدی لفظ: اسرائیل اسرائیلی وزیر اعظم امریکا امریکی صدر ایران بدعنوانی نیتن یاہو نیتن یاہو کے کے ساتھ
پڑھیں:
ایرانی سپریم کمانڈر آیت اللہ خامنہ ای کے پیغام کے بعد نیتن یاہو نے کیا کہا؟ بیان جاری
ایران کے سپریم کمانڈر آیت اللہ خامنہ ای کے پیغام کے بعد اسرائیلی وزیر اعظم نیتن یاہو نے ایکس پر پوسٹ کرتے ہوئے امریکی صدر ڈونلڈ ٹرمپ کا شکریہ ادا کیا ہے۔
انہوں نے ٹرمپ کو مخاطب کرتے ہوئے لکھا کہ میں آپ کی طرف سے مجھے، اسرائیل اور یہودیوں کی دل سے حمایت کرنے پر شکرگزار ہوں۔
نیتن یاہو نے لکھا کہ ہم ساتھ مل کر مشترکہ دشمنوں کو شکست دینے کے لیے کام جاری رکھیں گے۔ نیتن یاہو کا کہنا تھا کہ ہم حماس سے یرغمالیوں کی رہائی اور امن کے دائرے کو وسیع کرنے کے لیے مل کر کام کریں گے۔
یہ بھی پڑھیے: ایران کے حملوں تلے صیہونی ریاست کچلی جا چکی تھی، ایرانی سپریم لیڈر خامنہ ای منظر عام پر آگئے
اس سے قبل آج ایران کے سپریم لیڈر آیت اللہ علی خامنہ ای نے ایک تازہ ٹیلیویژن خطاب میں کہا تھا کہ اگر امریکا نے مداخلت نہ کی ہوتی تو صیہونی ریاست مکمل طور پر تباہ ہو جاتی۔ اسلامی جمہوریہ ایران کے حملوں کے نیچے صیہونی ریاست تقریباً کچلی جا چکی تھی۔
انہوں نے امریکا اور اسرائیل پر سخت تنقید کرتے ہوئے کہا ہے کہ حالیہ امریکی حملے صرف سابق صدر ڈونلڈ ٹرمپ کی ’شو بازی‘ تھے اور ان کا کوئی خاص اثر نہیں ہوا۔
یہ بھی پڑھیے: ایران کا امریکا کی جانب سے اقوام متحدہ کے آرٹیکل 51 کی من مانی تشریح پر سخت ردعمل
آیت اللہ خامنہ ای نے کہا کہ ایرانی مسلح افواج نے اسرائیل کے کئی پرتوں پر مشتمل دفاعی نظام کو توڑتے ہوئے شہری اور عسکری اہداف کو کامیابی سے نشانہ بنایا۔ امریکا نے ایران کے جوہری تنصیبات پر حملے کیے لیکن اسے کوئی خاص کامیابی حاصل نہیں ہوئی۔ انہوں نے دعویٰ کیا کہ ٹرمپ کو اپنی سیاست کے لیے ایک تماشے کی ضرورت تھی اور یہ حملے اسی کا حصہ تھے۔
ایرانی سپریم لیڈر نے امریکا اور اس کے اتحادیوں کو سخت پیغام دیتے ہوئے کہا ہے کہ اگر ایران کے خلاف دوبارہ کسی قسم کی جارحیت کی گئی، تو اس کا بھاری نقصان اٹھانا پڑے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی