برطانیہ کی خفیہ ایجنسی ایم آئی 6 کی نامزد خاتون سربراہ کا نازی تعلق کیا ہے؟
اشاعت کی تاریخ: 29th, June 2025 GMT
برطانوی دفترِ خارجہ نے بیرونی انٹیلیجنس ایجنسی ایم آئی 6 کی پہلی خاتون سربراہ مقرر کی جانیوالی بلیز میٹرویلی کا دفاع کیا ہے، جن کے خاندانی پس منظر کے حوالے سے ایک میڈیا رپورٹ میں انکشاف کیا گیا ہے کہ ان کے دادا نازی جرمنی کے لیے لڑ چکے تھے۔
برطانوی دفترِ خارجہ نے مؤقف اختیار کیا ہے کہ میٹرویلی کے متنازع خاندانی پس منظر نے دراصل ان کے اس عزم کو مزید مضبوط کیا ہے کہ وہ برطانیہ کو بیرونی خطرات سے محفوظ رکھنے کے لیے کام کریں۔
یہ بھی پڑھیں: برطانوی خفیہ ایجنسی ایم آئی 6 کی پہلی خاتون سربراہ کون ہیں؟
برطانوی اخبار ڈیلی میل نے انکشاف کیا کہ اکتوبر میں ایم آئی 6 کی ڈائریکٹر کا عہدہ سنبھالنے والی بلیز میٹرویلی دراصل کونسٹنٹائن ڈوبروولسکی کی پوتی ہیں، جو سوویت ریڈ آرمی سے منحرف ہوکر ہٹلر کی افواج میں شامل ہو گئے تھے اور جنہیں نازی مقبوضہ یوکرین میں مبینہ مظالم کے سبب ‘قصائی‘ کے لقب سے یاد کیا جاتا ہے۔
اس انکشاف کے بعد برطانیہ کے دفترِ خارجہ، دولتِ مشترکہ اور ترقیاتی امور کے ایک نمائندے نے جمعے کے روز بیان جاری کرتے ہوئے کہا کہ بلیز میٹرویلی نہ تو اپنے دادا کو جانتی تھیں، نہ ہی کبھی ان سے ملاقات ہوئی۔
مزید پڑھیں:
’ان کا خاندانی پس منظر مشرقی یورپ کی طرح پیچیدگی اور تقسیم سے عبارت ہے، اور مکمل طور پر سمجھا نہیں جا سکا۔۔۔یہی پیچیدہ ورثہ اُن کے اس عزم میں شامل ہے کہ بطور ایم آئی 6 کی آئندہ سربراہ، وہ تنازعات کی روک تھام اور برطانوی عوام کو آج کے دشمن ریاستوں سے درپیش جدید خطرات سے بچانے کے لیے بھرپور کردار ادا کریں۔‘
ڈیلی میل کے مطابق، ڈوبروولسکی نازی جرمنی کی ایس ایس ٹینک یونٹ میں خدمات انجام دے چکے تھے، بعد ازاں وہ نازی فوجی پولیس میں شامل ہوئے، جو یہودیوں، مزاحمت کاروں اور سیاسی قیدیوں کے قتلِ عام میں ملوث تھی۔
مزید پڑھیں:
ڈوبروولسکی کے بارے میں خیال کیا جاتا ہے کہ وہ 1943 میں مارے گئے تھے، ان کی بیوہ بعد ازاں برطانیہ منتقل ہو گئیں، جہاں انہوں نے جارجیا سے تعلق رکھنے والے ڈیوڈ میٹرویلی سے شادی کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایم آئی 6 برطانوی دفتر خارجہ بلیز میٹرویلی بیرونی انٹیلیجنس ایجنسی ترقیاتی امور دولت مشترکہ ڈیلی میل سوویت ریڈ آرمی قصائی کونسٹنٹائن ڈوبروولسکی نازی ہٹلر یوکرین.ذریعہ: WE News
کلیدی لفظ: ایم ا ئی 6 برطانوی دفتر خارجہ بلیز میٹرویلی بیرونی انٹیلیجنس ایجنسی ترقیاتی امور دولت مشترکہ ہٹلر یوکرین ایم آئی 6 کی کے لیے کیا ہے
پڑھیں:
برطانوی حکومت نے تارکین وطن کیلیے سخت پالیسیوں کا اعلان کردیا
برطانوی حکومت نے تارکین وطن کے حوالے سے سخت پالیسیوں کے نفاذ کا اعلان کردیا۔
خبررساں ادارے اے ایف پی کے مطابق برطانوی وزارت داخلہ نے پیر کے روز تارکین وطن کیلیے نئی پالیسیوں کے نفاذ کا اعلان کیا۔
وزارت داخلہ کے مطابق برطانیہ میں تارکین وطن کیلیے مستقبل پناہ ختم کردی گئی ہے جبکہ سیاسی پناہ کا دورانیہ پانچ سال سے کم کر کے ڈھائی سال کردیا گیا ہے۔
وزارت داخلہ کے مطابق اپنے ملک محفوظ واپسی تک عارضی پناہ ملے گی جبکہ تارکین وطن 20 سال کے بعد طویل المدتی رہائش کیلیے درخواست دے سکے گا۔
اعلامیے کے مطابق تارکین کو درخواست کی منظوری کے بعد برطانیہ میں 30 ماہ رہائش کی اجازت دی جائے گی اور اس کے لیے انہیں درخواست دینا ہوگی۔
رپورٹ کے مطابق اس سے قبل طویل المدتی رہائش کیلیے 5 سال کی شرط تھی جسے اب بڑھا کر بیس سال کیا گیا ہے جبکہ پناہ گزین کے اسٹیٹس کی مدت کو کم کر کے 30 ماہ کردیا جائے گا۔
برطانوی وزیر داخلہ شبانہ محمود نے کہا کہ پناہ گزینوں کیلیے گولڈ ٹکٹ ختم ہوگا، حکومتی اقدامات کا مقصد غیر قانونی طور پر برطانیہ آنے والوں کی تعداد میں کمی کرنا ہے۔ انہوں نے بتایا کہ غیر قانونی تارکین وطن کی تعداد کو مزید کم کرنے کیلیے انہیں واپس بھیجا جائے گا۔
90 کروڑ کا محض ایک سین جو فلم کا حصہ بھی نہ بن سکا، یہ فلم کونسی تھی؟