حکومت ،اپوزیشن اصولی کے بجائے وصولی کی سیاست کررہے ہیں،حافظ نعیم الرحمن
اشاعت کی تاریخ: 30th, June 2025 GMT
data-id="863a0a8" data-element_type="widget" data-widget_type="theme-post-content.default">
لاہور)نمائندہ جسارت) امیر جماعت اسلامی حافظ نعیم الرحمن نے کہا ہے کہ حکومت اور اسٹبلشمنٹ نے ٹرمپ کی چاپلوسی میں کشمیر پر کمپرومائز کیا تو قوم مزاحمت کرے گی۔ تجارت اور ڈالروں کے عوض کشمیر پر سودے بازی کرنے والوں کو قوم عبرت کا نشان بنا دیں گے۔حکمران بھارت سے بار بار دھوکہ کھانے کے باوجوداس کے فریب میں مبتلا ہیں۔ امریکی غلاموں نے پاک ایران گیس پائپ لائن پر کام روک رکھا جبکہ ایران نے اپنے حصے کا کام مکمل کرلیا ہے۔اگر حکمرانوں کو عوام کی پریشانیوں کی فکر ہوتی تو اب تک پاک ایران گیس لائن مکمل ہوچکی ہوتی اور تیل بھی ایران سے خریدا جاتا۔ان خیالات کا اظہار انھوں نے منصورہ لاہور میں ضلع شیخوپورہ اور ننکانہ کے کارکنان کی تربیت گاہ میں اختتامی خطاب کرتے ہوئے کیا۔ حافظ نعیم الرحمن نے کہا کہ کے پی کے اور پنجاب میں
کرپشن کے میگا سیکنڈلز سامنے آچکے ہیں اور سندھ تو پہلے ہی کرپشن میں خودکفیل ہے۔ کے پی کے میں پی ٹی آئی کی حکومت کا 12واں سال ہے لیکن دریائے سوات میں ڈوبنے والوں کو ریسکیو کرنے کا کوئی نظام نہیں تھا۔ سیاست پر جاگیرداروں،وڈیروں اور سرمایہ داروں نے قبضہ کررکھا ہے۔یہ اسٹیبلشمنٹ کے سہارے اقتدار میں آتے ہیں اور جب اقتدار چھن جاتا ہے تو اسٹیبلشمنٹ کے خلاف باتیں کرتے ہیں۔ حافظ نعیم الرحمن نے کہا کہ پاکستان میں گورننس کا بحران ہے۔پورا عدالتی نظام یرغمال ہے۔سپریم کورٹ سے جعلی فیصلے کرواکر سیاست کی جاتی ہے۔سپریم کورٹ نے ایک شرمناک فیصلہ کے ذریعے مخصوص نشستیں حکومتی اتحاد میں بانٹ دیں حالانکہ ان پر تحریک انصاف کا حق تھا۔اب دیکھنا ہے کہ اصولی سیاست کی باتیں کرنے والے سیٹیں وصول کرینگے یا نہیں۔انہوں نے کہا کہ قومی انتخابات میں جماعت اسلامی کے حق پر ڈاکہ ڈالا گیا۔ہماری کئی جیتی ہوئی سیٹیں دوسری پارٹیوں میں بانٹ دی گئیں۔ کراچی کی مئیرشپ پر بھی ڈاکا ڈالا گیا۔ حافظ نعیم الرحمن نے کہا کہ سید علی گیلانی نے کشمیر کی آزادی کیلئے قید وبند کی صعوبتیں برداشت کیں اور ساری عمرپاکستان کی جنگ لڑی مگر ہمارے حکمرانوں نے ان کے شایان شان انہیں وہ مقام نہیں دیا جو ان کا حق تھا۔ انہوں نے کہا کہ ہمارا حکمران طبقہ ڈرتا ہے کہ اگر اصل ہیرو سامنے آگئے تو جعلی ہیرو کہاں جائیں گے۔انہوں نے کہا کہ امیر جماعت اسلامی مقبوضہ کشمیر ڈاکٹر عبدالحیمد فیاض، آسیہ اندرابی، اُن کے بیمار شوہر قاسم فکتو، یٰسین ملک اور بیمار شبیر شاہ سمیت تحریک آزادی کے سینکڑوں راہنما سال ہا سال سے بھارتی جیلوں میں بند ہیں مگر حکومت پاکستان ان کی آزادی کیلئے کسی فورم پر بات نہیں کررہی جو قابل افسوس ہی نہیں بلکہ قابل مذمت ہے۔تربیت گاہ سے نائب امیر ڈاکٹر اسامہ رضی نے بھی خطاب کیا۔
ذریعہ: Jasarat News
کلیدی لفظ: حافظ نعیم الرحمن نے کہا نے کہا کہ
پڑھیں:
حماس کا رد عمل باوقار حل کی جانب پیش قدمی ہے، حافظ نعیم الرحمان
لاہور(اُردو پوائنٹ اخبارتازہ ترین - این این آئی۔ 04 اکتوبر2025ء)جماعت اسلامی نے غزہ امن معاہدے پر حماس کے ردعمل کو ذمہ دارانہ اور باوقار حل کی جانب پیش قدمی قرار دے دیا۔ امیر جماعت اسلامی حافظ نعیم الرحمان نے کہا ہے کہ حماس کا ردعمل فلسطینی عوام کی امنگوں کے مطابق اور ان کی بصیرت کا آئینہ دار ہے، حماس نے ذمہ داری کا ثبوت دیتے ہوئے مجوزہ امن پلان پر اپنا باوقار رد عمل دیا ہے۔(جاری ہے)
انہو ں نے کہا کہ حماس درحقیقت عارضی نہیں مستقل جنگ بندی چاہتی ہے، قیدیوں کے تبادلے پر آمادگی اور تبادلے کے عمل کیلئے مناسب حالات کی فراہمی کی بات بالکل جائز ہے، اسرائیلی فوج کا مکمل انخلا اور بین الاقوامی نہیں بلکہ فلسطینی ٹیکنوکریٹس کا سیٹ اپ ایک سو فیصد جائز مطالبہ ہے۔حافظ نعیم الرحمان نے کہا کہ ان تمام معاملات پر ثالثوں کے ذریعے تفصیلات پر مذاکرات ہوں گے، حماس نے اپنے جواب میں غیر ضروری باتوں سے اجتناب کیا ہے، پاکستان سمیت تمام مسلم ممالک کو حماس کے موقف کا خیرمقدم کرنا چاہیے۔
افغانستان کی سرزمین کسی دوسرے ملک کیخلاف استعمال نہیں ہونے دی جائے گی، عبوری حکومت