’ہندوستانی پیسہ ڈوبے گا‘، سردار جی 3 کی بھارت میں پابندی پر جاوید اختر بھی بول پڑے
اشاعت کی تاریخ: 30th, June 2025 GMT
مشہور بھارتی شاعر اور اسکرپٹ رائٹر جاوید اختر نے حال ہی میں ریلیز ہونے والی فلم سردار جی 3 پر تبصرہ کرتےہوئے کہا ہے کہ اس پر پابندی لگانا غلط ہے، اسے ہندوستان میں بھی ریلیز کرنا چاہیے۔
جاوید اختر نے حال ہی میں ایک پروگرام میں شرکت کی جہاں ان سے فلم ‘سردار جی 3’ کی ہندوستان میں ریلیز پر پابندی عائد کیے جانے کے حوالے سے سوالات پوچھے گئے جس کے جواب میں انہوں نے کہا کہ مجھے معلوم نہیں ہے کہ فلم کی شوٹنگ کب ہوئی تھی لیکن اگر اس کی شوٹنگ پہلگام واقعے سے پہلے ہوئی تھی تو فلم بنانے والوں کو کیا معلوم تھا کہ یہ سب ہو جائے گا۔
یہ بھی پڑھیں: دلجیت اور ہانیہ کی فلم ’سردار جی 3‘ پاکستانی سنیما پر نئے ریکارڈ کیساتھ چھا گئی
انہوں نے مزید کہا کہ اگر فلم بنانے والوں کو معلوم ہوتا کہ ایسا کوئی واقعہ ہو جائے گا تو وہ ہانیہ عامر کو فلم میں نہ لیتے۔ جاوید اختر کا کہنا تھا کہ اس فلم میں پاکستانیوں کا نہیں بلکہ ہندوستان کا پیسہ ڈوبے گا تو اس پر پابندی لگانے کا کیا فائدہ ہو گا۔
جاوید اختر نے سنسر بورڈ اور فلم فیڈریشنز کو کہا کہ وہ اپنے فیصلے پر نظر ثانی کریں اور کہیں کہ چونکہ یہ فلم پہلے بن چکی تھی اس لیے اسے ریلیز کر دیں لیکن اگلی بار کسی بھی پاکستانی آرٹسٹ کو کاسٹ کرنے سے پہلے سوچ لینا۔
View this post on Instagram
A post shared by NDTV (@ndtv)
واضح رہے کہ فلم میں پاکستان کی اداکارہ ہانیہ عامر کی موجودگی کے باعث بھارت میں اسے ریلیز نہیں کیا گیا۔ فلم کے پروڈیوسرز کے مطابق بھارت میں نمائش نہ ہونے کی وجہ سے انہیں تقریباً 40 فیصد ریونیو کا نقصان ہوا ہے، جو خاص طور پر اس لیے تشویشناک ہے کیونکہ ان کی پچھلی فلم ’جٹ اینڈ جولیٹ 3‘ نے دنیا بھر میں 100 کروڑ روپے سے زیادہ کا بزنس کیا تھا۔
اگرچہ بھارت میں فلم کو روکا گیا، مگر پاکستانی شائقین نے اسے بھرپور انداز میں خوش آمدید کہا۔ سنیما گھروں میں ’سردار جی 3‘ کے تمام شوز ہاؤس فل جا رہے ہیں اور فلم کو زبردست پذیرائی حاصل ہو رہی ہے۔
سردار جی 3 نے پاکستان میں ریلیز کے پہلے ہی دن تاریخی ریکارڈ قائم کر دیا اور تقریباً 4.
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
دلجیت دوسانجھ سردار جی 3 ہانیہ عامرذریعہ: WE News
کلیدی لفظ: دلجیت دوسانجھ ہانیہ عامر جاوید اختر بھارت میں
پڑھیں:
ہانیہ عامر کا چلتی موٹر سائیکل پر رقص، شنیرا اکرم کا سخت ردِعمل
پاکستان کرکٹ ٹیم کے سابق کپتان وسیم اکرم کی اہلیہ شنیرا اکرم نے اداکارہ ہانیہ عامر کی حالیہ ویڈیو سامنے آنے پر انہیں شدید تنقید کا نشانہ بنایا ہے۔
ہانیہ عامر نے انسٹاگرام پر ایک ویڈیو شیئر کی جس میں انہیں کراچی کی سڑکوں پر بغیر ہیلمٹ پہنے موٹر سائیکل پر سفر کرتے دیکھا گیا۔ ویڈیو میں وہ تیز رفتار موٹر سائیکل کی پچھلی سیٹ پر کھڑی ہو کر رقص کرتی بھی دیکھی گئیں۔ جبکہ موٹرسائیکل چلانے والے شخص نے بھی ہیلمٹ نہیں پہنا تھا۔
یہ بھی پڑھیں: ’آپ کے پاس درست معلومات نہیں‘، وسیم اکرم سے طلاق کی خبروں پر اہلیہ شنیرا کا ردعمل
وسیم کی اہلیہ شنیرا اکرم نے ہانیہ عامر کی اس ویڈیو پر تنقید کرتے ہوئے اسے غیر ذمہ دارانہ قرار دیتے ہوئے کہا کہ یہ ویڈیو خطرناک اور غیر محتاط رویے کو فروغ دیتی ہے۔ مشہور شخصیات کو چاہیے کہ وہ اپنے فالوورز پر مثبت اثر ڈالیں۔
View this post on Instagram
A post shared by Hania Aamir 哈尼亚·阿米尔 (@haniaheheofficial)
انہوں نے لکھا کہ میں کئی سالوں سے اسپتالوں اور ڈاکٹروں کے ساتھ مل کر یہ کوشش کر رہی ہوں کہ کیسے پاکستان کے نوجوانوں کو ہیلمٹ پہننے اور محفوظ طریقے سے بائیک چلانے کی ترغیب دی جائے، لیکن یہ منظر میرے دل میں خنجر کی طرح لگا ہے۔
شنیرا نے لکھا کہ مجھے بالکل بھی اچھا نہیں لگ رہا کہ میں ایک ایسی فنکارہ کے بارے میں بات کر رہی ہیں جن کے انسٹاگرام پر 1 کروڑ 90 لاکھ فالوورز ہیں، لیکن اگر اس پوسٹ سے انہیں اپنی غلطی کا اندازہ ہو جائے تو اس سے بہتر ان کے لیے کچھ نہیں ہے۔
View this post on Instagram
A post shared by Galaxy Lollywood (@galaxylollywood)
انہوں نے مزید کہا کہ مجھے ہانیہ عامر سے کوئی ذاتی مسئلہ نہیں ہے، میرا صرف یہی مقصد ہے کہ وہ اپنی ذمہ داری کو سمجھیں، اس بات کا احساس کریں کہ یہ رویہ درست نہیں ہے، اور اپنے مداحوں کو یہ پیغام دیں کہ وہ ایسے رویے سے گریز کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سنیرا اکرم ہانیہ عامر ہانیہ عامر ویڈیو
عامر خان بن گئے شاہ رخ خان کے ہمسائے ،فلیٹس کاماہانہ کرایہ کتناہوگا؟