شہباز شریف سے ملاقات کے بعد چوہدری نثار کی نواز شریف کے خلاف پرانی ویڈیو وائرل
اشاعت کی تاریخ: 30th, June 2025 GMT
طویل عرصے سے سیاسی منظرنامے سے غائب رہنے والے سابق وفاقی وزیر داخلہ چوہدری نثار علی خان سے حال ہی میں وزیراعظم شہباز شریف نے ملاقات کی ہے جس کے بعد سیاسی قیاس آرائیوں نے جنم لیا کہ شاید چوہدری نثار کو دوبارہ مسلم لیگ ن میں واپسی کی دعوت دی جائے گی۔
حالیہ ملاقات اور اس کے بعد جنم لینے والی قیاس آرائیوں کے بعد صارفین سابق وفاقی وزیر داخلہ کے پرانے ویڈیو کلپس سوشل میڈیا پر شیئر کرتے نظر آئے جس میں مسلم لیگ ن سے الگ ہونے کے بعد چوہدری نثار علی خان نے نواز شریف کو تنقید کا نشانہ بناتے ہوئے کہا تھا کہ ’میں نے 34 برس تک نواز شریف کا بوجھ اٹھایا ہے‘۔
چوہدری نثار نے کہا تھا کہ میں اپنی سیاسی لائن نواز شریف سے جدا کرنے والا ہوں تو میں آپ کو گواہ بنا کر کہتا ہوں کہ نواز شریف کا مجھ پر کوئی قرض نہیں ہے، میرا ان پر، ان کے خاندان اور ان کی جماعت پر قرض ہے۔ اب اگر کوئی کہتا ہے کہ آپ علیحدہ ہو جائیں تو میں انہیں کہتا ہوں کہ یہ علاقہ جواب دے گا کہ کس کو بس کرنا چاہیے اور کس کو کام جاری رکھنا چاہیے۔
وزیراعظم پاکستان میاں محمد شہباز شریف صاحب کو بس یاد کروانا تھا pic.
— ???????????????????????? ???????????????????? (@MohsinKamalPMLN) June 29, 2025
واضح رہے کہ چوہدری نثار علی خان 34 برس تک مسلم لیگ ن سے وابستہ رہے اور اس دوران وفاق میں اہم وزارتوں پر بھی فائز رہے۔ لیکن 2017 میں مسلم لیگ ن کے صدر و سابق وزیراعظم نواز شریف کی نااہلی کے بعد چوہدری نثار کے پارٹی قیادت سے اختلافات پیدا ہوگئے تھے جس کے باعث انہوں نے مسلم لیگ ن کو خیرباد کہہ دیا تھا۔
میڈیا رپورٹس کے مطابق مسلم لیگ (ن) سے علیحدگی کے بعد پی ٹی آئی نے چوہدری نثار کو آمادہ کرنے کی کوشش کی تھی کہ وہ پی ٹیا ٓئی میں شمولیت اختیار کر لیں لیکن لیکن انہوں نے شمولیت سے انکار کردیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
چوہدری نثار چوہدری نثار شہباز شریف ملاقات شہباز شریف مسلم لیگ ن نواز شریفذریعہ: WE News
کلیدی لفظ: چوہدری نثار چوہدری نثار شہباز شریف ملاقات شہباز شریف مسلم لیگ ن نواز شریف چوہدری نثار شہباز شریف مسلم لیگ ن نواز شریف کے بعد
پڑھیں:
الہان عمر کی پاکستانی اسکارف پہنے ویڈیو وائرل
سیاسی میدان میں بے باک اظہارِ رائے کے لیے مشہور امریکی کانگریس کی مسلم رکن الہان عمر کو حال ہی میں پاکستانی اسکارف پہنے ہوئے دیکھا گیا۔
سوشل میڈیا پر الہان عمر کے ایک انٹرویو کی ویڈیو وائرل ہو رہی ہے جو اُنہوں نے فٹ پاتھ پر چلتے ہوئے مشہور سوشل میڈیا کانٹینٹ کری ایٹر فیروز خان زدران کو دیا ہے۔
فیروز خان زدران نے الہان عمر سے ان کے لباس کے بارے میں سوال کیا جس کے جواب میں اُنہوں نے مسکراتے ہوئے بتایا کہ اسکارف، میں نے پاکستان سے لیا تھا۔
pic.twitter.com/pxvdEcx1pW
— newsandcurrentaffairs (@newsandcur1985) October 3, 2025
اُنہوں نے مزید بتایا کہ میری یہ پینٹ بہت ہی سستی ہے، انگوٹھیاں اور ہار عمر نامی برانڈ کا ہے اور بریسلیٹ میں نے ورجن آئی لینڈ سے لیا تھا۔
یہاں یہ بات قابلِ ذکر ہے کہ الہان عمر کا تعلق صومالیہ سے ہے اور وہ اپنے لباس کے انتخاب کی وجہ سے بھی مشہور ہیں کیونکہ ان کا انتخاب ہمیشہ ان کی تہذیب، انفرادی شخصیت اور ہمت کی عکاسی کرتا ہے۔
اُنہوں نے انٹرویو میں سیاسی صورتحال کے بارے میں بات کرتے ہوئے کہا کہ اس وقت امریکا کے صدر مجھے امریکا سے نکال کر واپس صومالیہ بھیجنے کی کوشش کر رہے ہیں اس لیے میں تھوڑا سا دباؤ محسوس کر رہی ہوں۔
الہان عمر نے کہا کہ لیکن ڈونلڈ ٹرمپ غلط انسان کے ساتھ الجھ رہے ہیں، کیونکہ مجھے مینیسوٹا کے شاندار لوگوں کی حمایت حاصل ہے جنہوں نے مجھے اپنی نمائندگی کے لیے منتخب کیا۔
اُنہوں نے یہ بھی بتایا کہ میں صومالیہ میں پیدا ہوئی تھی، 8 سال کی عمر میں صومالیہ چھوڑ دیا تھا اور 12 سال کی عمر میں امریکہ پہنچی تھی، میری مادری زبان صومالی ہے۔
ایشیا کپ فائنل : سندھ کے 6 شہروں میں بڑی اسکرینز پر پاک بھارت میچ دکھانے کا فیصلہ