الخدمت فائونڈیشن حیدرآباد کے تحت ایمبولینس سروس کا افتتاح
اشاعت کی تاریخ: 1st, July 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر) الخدمت فاؤنڈیشن حیدرآباد کے تحت سول اسپتال حیدرآباد ایمرجنسی کے قریب ایمبولینس سروس کی افتتاحی تقریب منعقد ہوئی، تقریب کے مہمان خصوصی ایس ایس پی حیدرآباد عدیل چانڈیو ،امیر جماعت اسلامی ضلع حیدرآباد حافظ طاہر مجید نے ربن کاٹ کر ایمبولینس سروس کا افتتاح کیا ۔اس موقع پرجماعت اسلامی کے ضلعی جنرل سیکرٹری حنیف شیخ ، جنرل سیکرٹری الخدمت فائونڈیشن سندھ محمد شاہد، صدر الخدمت فائونڈیشن حیدرآباد نعیم عباسی ،چیئرمین ٹریفک اینڈ روڈ سیفٹی فائونڈیشن جاوید اقبال، ڈپٹی جنرل سیکرٹری عبدالباسط خان ، حافظ سفیان ناصر، ناظم زون شمالی ظہیر الدین شیخ، نائب صدر الخدمت فائونڈیشن ڈاکٹر سیف الرحمن، سلیم خان اور احمد شیر لودھی بھی موجود تھے۔ افتتاحی تقریب سے امیر جماعت اسلامی ضلع حیدرآباد حافظ طاہر مجید نے الخدمت فائونڈیشن کی فلاحی خدمات کو سراہا اور صدر الخدمت فائونڈیشن کی انتھک محنت پر خراجِ تحسین پیش کرتے ہوئے کہا کہ اس ایمبولینس سروس سے ہزاروں افراد مستفید ہوں گے ،اس سروس کا آغاز الخدمت فائونڈیشن کی مسلسل کوششوں کا نتیجہ ہے،ایمبولینس سروس کے آغاز کا مقصد حیدرآباد کی عوام کو بہترین طبی سہولیات فراہم کرنا ہے، علاج معالجے کی بنیادی اور معیاری سہولیات ہر شہری کا بنیادی حق ہے لیکن بد قسمتی سے پاکستان کی بڑی آبادی اس بنیادی حق سے محروم ہے۔انہوں نے کہا کہ الخدمت فاؤنڈیشن جہا ں دیگر شعبوں میں خدمات سر انجام دے رہی ہے۔ وہیں صحت کے شعبے میں بھی خاطر خواہ خدمات سر انجام دے رہی ہے۔ الخدمت فائونڈیشن صحت کے شعبہ میں مسلسل عوام کی خدمت میں مصروف عمل ہے ۔ایس ایس پی حیدرآباد عدیل چانڈیو نے کہا کہ ایمبولینس سروس کا قیام قابل تحسین ہے، الخدمت فائونڈیشن عوام کی بے لوث خدمت کر رہی ہے، اس وقت الخدمت فائونڈیشن فلاحی اور رفاہی کاموں میں بڑھ چڑھ کر حیدرآباد کی عوام کی خدمت میں مصروف ہے جو کہ اچھی بات ہے۔انہوں نے کہا کہ اس حوالے سے محکمہ پولیس ہر ممکن مدد اور ان کے ساتھ مکمل تعاون کرے گی۔ تقریب کے اختتام پر ایس ایس پی حیدرآباد عدیل چانڈیو اور امیر جماعت اسلامی ضلع حیدرآباد حافظ طاہر مجید نے ایمبولینس کے ڈرائیورمیں چابی تقسیم کی ۔
.
ذریعہ
ذریعہ: Jasarat News
کلیدی لفظ: الخدمت فائونڈیشن ایمبولینس سروس سروس کا کہا کہ
پڑھیں:
مومنہ اقبال اور حمزہ حبیب کی دعائے خیر کی تقریب، دلکش تصاویر سوشل میڈیا پر وائرل
معروف پاکستانی اداکارہ مومنہ اقبال اور ان کے شوہر حمزہ حبیب کی دعائے خیر کی تقریب کی تصاویر اور ویڈیوز سوشل میڈیا پر تیزی سے مقبول ہو رہی ہیں۔ حال ہی میں سادگی کے ساتھ نکاح کرنے والے اس جوڑے نے شادی کی باقاعدہ تقریبات سے قبل اہلِ خانہ کی موجودگی میں دعائے خیر کا اہتمام کیا، جس میں دونوں خوش اور پُرجوش دکھائی دیے۔
پاکستانی شوبز انڈسٹری کی معروف اداکارہ مومنہ اقبال کی زندگی کا نیا سفر خوشیوں کے ساتھ جاری ہے۔ چند روز قبل مومنہ اقبال اور حمزہ حبیب نے ایک سادہ اور نجی خاندانی تقریب میں اپنے نکاح کی تصدیق کی تھی، جس کے بعد اب ان کی دعائے خیر کی تقریب کی تصاویر اور ویڈیوز سوشل میڈیا پر وائرل ہو رہی ہیں۔
View this post on Instagram
A post shared by @wbs.unfolded
مومنہ اقبال گزشتہ کچھ عرصے سے اپنی ذاتی زندگی کے باعث خبروں میں رہی ہیں۔ شادی کی تیاریوں کے دوران ان کے سابق دوست ثاقب چدھڑ کی جانب سے مبینہ ہراسانی کے واقعات سامنے آئے تھے، جن کے بارے میں کہا گیا کہ وہ شادی رکوانے کی کوشش کر رہے تھے۔ بعد ازاں معاملہ پولیس تک پہنچا اور اب یہ کیس عدالت میں زیرِ سماعت ہے۔
اس تمام صورتحال کے باوجود مومنہ اقبال اور حمزہ حبیب نے اپنی نئی زندگی کا آغاز خوش اسلوبی سے کیا اور حال ہی میں نجی تقریب میں نکاح کر لیا۔
اتوار کے روز جوڑے نے دعائے خیر کی ایک محدود اور خاندانی تقریب کا اہتمام کیا، جبکہ شادی کی دیگر تقریبات کا باقاعدہ آغاز پیر سے متوقع ہے۔
دعائے خیر کی تقریب میں مومنہ اقبال سنہری اور ٹی پنک (ہلکے گلابی) رنگ کے خوبصورت غرارے میں ملبوس نظر آئیں، جس پر نفیس سنہری دبکا ورک کیا گیا تھا۔ ان کا روایتی لباس اور دلکش انداز حاضرین کی توجہ کا مرکز بنا رہا۔ دوسری جانب حمزہ حبیب نے ہلکے ٹی پنک رنگ کے کُرتا شلوار کے ساتھ ویسٹ کوٹ زیب تن کیا، جو ان کی شخصیت پر خوب جچ رہا تھا۔
View this post on Instagram
A post shared by Momina Iqbal (@momina.iqbal)
تقریب کے دوران دونوں انتہائی خوشگوار اور پُرجوش موڈ میں دکھائی دیے۔ سوشل میڈیا پر گردش کرنے والی تصاویر اور ویڈیوز میں جوڑے کو اہلِ خانہ اور قریبی عزیزوں کے ساتھ خوشی کے لمحات گزارتے دیکھا جا سکتا ہے۔
مومنہ اقبال کا میک اپ معروف بیوٹی اسٹوڈیو ’ذکیہ رقیہ سیلون‘ کی جانب سے کیا گیا، جس نے ان کی دلکش شخصیت کو مزید نکھار دیا۔
دعائے خیر کی تقریب کی تصاویر سوشل میڈیا صارفین کی جانب سے خوب پسند کی جا رہی ہیں اور مداح نومولود جوڑے کے لیے نیک تمناؤں اور دعاؤں کا اظہار کر رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اداکارہ مومنہ اقبال انٹرٹینمنٹ
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ