پیٹرول اور ڈیزل کے بعد مٹی کا تیل بھی مہنگا، اوگرا نے نوٹیفکیشن جاری کر دیا
اشاعت کی تاریخ: 1st, July 2025 GMT
ویب ڈیسک: پیٹرول اور ڈیزل کے بعد مٹی کا تیل بھی مہنگا ہو گیا، اوگرا نے نوٹیفکیشن جاری کر دیا۔
پیٹرول اور ہائی اسپیڈ ڈیزل کے بعد مٹی کے تیل کی قیمت بھی بڑھا دی گئی، مٹی کے تیل کی قیمت میں 15 روپے 23 پیسے فی لیٹر اضافے کے بعد نئی قیمت 184 روپے 43 پیسے فی لیٹر مقرر کردی گئی۔
وفاقی حکومت نے پیٹرول اور ہائی اسپیڈ ڈیزل کے بعد مٹی کا تیل بھی مہنگا کر دیا ہے، مٹی کے تیل کی قیمت میں 15 روپے 23 پیسے فی لیٹر کا اضافہ کر دیا گیا ہے، جس کا نوٹیفکیشن جاری کر دیا گیا ہے۔
بھارت کی پاکستان کو انٹرنیشنل ہاکی ایونٹس سے آوٹ کرانے کی سازش بے نقاب
مٹی کے تیل کی نئی قیمت 184 روپے 43 پیسے فی لیٹر مقرر کی گئی ہے، اوگرا نے مٹی کے تیل کی قیمت میں اضافے کا نوٹیفکیشن جاری کردیا، جس کا اطلاق آج سے ہوگا۔
اس سے قبل مٹی کے تیل کی قیمت 169 روپے 20 پیسے فی لیٹر تھی، وزارت خزانہ نے رات گئے پیٹرول اور ہائی اسپیڈ ڈیزل کی قیمتوں میں اضافے کا اعلان کیا تھا۔
پیٹرول آج سے 8 روپے 36 پیسے فی لیٹر مہنگا کیا گیا، ہائی اسپیڈ ڈیزل کی قیمت میں10 روپے 39 پیسے فی لیٹر کا اضافہ کیا گیا تھا۔
بنوں میں سی ٹی ڈی کا انٹیلی جنس بیسڈ آپریشن ، 2 دہشتگرد ہلاک
ذریعہ: City 42
کلیدی لفظ: نوٹیفکیشن جاری کر مٹی کے تیل کی قیمت ہائی اسپیڈ ڈیزل ڈیزل کے بعد مٹی پیسے فی لیٹر کی قیمت میں پیٹرول اور کر دیا
پڑھیں:
* قیصر احمد شیخ کی جانب سے جشن آزادی پاکستان کے موقع پرہزاروں موٹر سائیکل سواروں کو 5 لیٹر پیٹرول کا تحفہ
چنیوٹ(نیوز ڈیسک) یومِ آزادی پاکستان کے پُرمسرت موقع پر وفاقی وزیر برائے سرمایہ کاری بورڈ، قیصر احمد شیخ نے اپنی روایت کو برقرار رکھتے ہوئے ضلع چنیوٹ اور گردونواح سے آنے والے ہزاروں موٹر سائیکل اور رکشہ سواروں کو فی کس پانچ لیٹر مفت پٹرول کا تحفہ پیش کیا۔ تقریب کے دوران ضلع چنیوٹ سمیت دور دراز علاقوں سے آئے نوجوان بڑی تعداد میں سبز ہلالی پرچم لہراتے ہووے ڈیرہ قیصر احمد شیخ پہنچے، جہاں وفاقی وزیر نے اپنے ہاتھ سے شرکاء کو پٹرول کی پرچیاں تقسیم کیں۔ نوجوانوں کا کہنا تھا کہ یہ صرف جشنِ آزادی کی خوشی نہیں بلکہ عوام اور قیادت کے درمیان محبت و یکجہتی کی ایک مضبوط علامت ہے۔ کئی شرکاء نے بتایا کہ وہ ہر سال اس تقریب میں شریک ہو کر خوشی محسوس کرتے ہیں اور گھنٹوں قطار میں کھڑے ہو کر یہ تحفہ حاصل کرتے ہیں۔
ہزاروں افراد کی موجودگی کے باوجود تقریب میں مثالی نظم و ضبط قائم رہا۔ شرکاء نے ایک دوسرے کے ساتھ احترام و محبت کا مظاہرہ کیا اور فضا ’’پاکستان زندہ باد‘‘ کے نعروں سے گونجتی رہی۔ میڈیا سے گفتگو میں قیصر احمد شیخ نے کہا کہ نوجوان ملک کی اصل طاقت ہیں اور پاکستان اس وقت ترقی کی شاہراہ پر تیزی سے گامزن ہے۔ انہوں نے کہا کہ آج دنیا بھر میں پاکستان کی آواز سنی جا رہی ہے اور عالمی سطح پر اس کا تشخص مزید بہتر ہوا ہے۔
انہوں نے بتایا کہ حالیہ عرصے میں عالمی سطح پر پاکستان کے مثبت تاثر میں نمایاں اضافہ ہوا ہے۔ ایک بڑی بین الاقوامی کمپنی نے پاکستان کی ریٹنگ میں اضافہ کیا ہے، جبکہ اس سے قبل دنیا کی دو بڑی کمپنیوں نے بھی پاکستان کی کریڈٹ ریٹنگ بہتر قرار دی تھی۔ پاکستان اسٹاک ایکسچینج، جو دو سال قبل 40 ہزار پوائنٹس پر تھی، اب ڈیڑھ لاکھ پوائنٹس کے قریب پہنچ چکی ہے، جو ملکی معیشت پر سرمایہ کاروں کے اعتماد کا واضح ثبوت ہے۔
وفاقی وزیر نے کہا کہ امریکی منڈی میں پاکستان کو 19 فیصد ٹیرف رعایت ملی ہے، جو بھارت (50 فیصد) اور جنوبی افریقہ (30 فیصد) کے مقابلے میں کہیں بہتر ہے۔ اس رعایت سے پاکستانی برآمدات کو مسابقتی برتری حاصل ہوگی اور مقامی صنعتوں کو فروغ ملے گا۔ انہوں نے جنوبی افریقہ سمیت متعدد ممالک کا دورہ کیا ہے اور غیر ملکی سرمایہ کاروں کو پاکستان میں صنعت قائم کرنے کی دعوت دی ہے۔
قیصر احمد شیخ نے مزید بتایا کہ حکومت نے چنیوٹ میں ایک جدید انڈسٹریل ہب قائم کرنے کا منصوبہ شروع کیا ہے، جو مستقبل میں برآمدات کا اہم مرکز بنے گا۔ ملکی و غیر ملکی سرمایہ کاروں کے لیے سازگار ماحول فراہم کیا جا رہا ہے، جبکہ نوجوانوں کی تعلیم اور ہنرمندی پر خصوصی توجہ دی جا رہی ہے تاکہ ہنر مند افرادی قوت نہ صرف پاکستان بلکہ دنیا بھر کی صنعتوں میں اپنا کردار ادا کر سکے۔
انہوں نے کہا کہ پاکستان اپنی جغرافیائی حیثیت کے لحاظ سے وسطی ایشیائی ممالک کے لیے گیٹ وے کی حیثیت رکھتا ہے، یہی وجہ ہے کہ دنیا بھر کے سرمایہ کار یہاں کا رخ کر رہے ہیں۔ ہماری کوشش ہے کہ ترقی اور سرمایہ کاری کے ثمرات براہِ راست عوام تک پہنچیں، غربت میں کمی ہو، روزگار کے مواقع بڑھیں اور تعلیم عام ہو تاکہ پاکستان ایک مضبوط، خوشحال اور ترقی یافتہ ملک کے طور پر دنیا میں اپنی پہچان برقرار رکھے۔
Post Views: 2
فیلڈ مارشل سید عاصم منیر کا چند روز میں امریکا کادوبارہ دورہ متوقع