پٹرولیم مصنوعات کی قیمتوں میں اضافہ!
اشاعت کی تاریخ: 2nd, July 2025 GMT
data-id="863a0a8" data-element_type="widget" data-widget_type="theme-post-content.default">
حکومت نے پٹرولیم مصنوعات کی نئی قیمتوں کا اعلان کردیا ہے جس کے تحت پٹرول کی قیمت میں 8 روپے 36 پیسے فی لیٹر اور ہائی اسپیڈ ڈیزل کی قیمت میں 10 روپے 39 پیسے فی لیٹر اضافہ کیاگیا ہے، وزارت خزانہ کیا علامیہ کے مطابق پٹرول کی نئی قیمت 266 روپے 79 پیسے فی لیٹر اور ہائی اسپیڈ ڈیزل کی قیمت 272 روپے 98 پیسے فی لیٹر مقرر کر دی گئی ہے۔ نوٹیفکیشن کے مطابق پٹرولیم مصنوعات کی قیمتوں میں اضافے کا اطلاق فوری طور پر ہوگیا ہے۔ حکومت کا کہنا ہے کہ ایندھن کی قیمتوں میں یہ اضافہ بین الاقوامی منڈی کے اُتار چڑھاؤ کے باعث ہوا ہے، جس نے عالمی سطح پر تیل کی قیمتوں کو متاثر کیا ہے، ہر بار جب پٹرولیم مصنوعات کی قیمتوں میں اضافہ کیا جاتا ہے حکومت اس طرح کی دلیلیں پیش کر کے عوام کی آنکھوں میں دھول جھونکنے کی کوشش کرتی ہے، عوام حکومت سے یہ سوال کرنے میں حق بجانب ہیں کہ جب عالمی منڈی میں قیمتیں کم ہوتی ہیں تو اس کا فائدہ عوام کو کیوں نہیں پہنچایا جاتا؟۔ امریکا اور ایران کے درمیان ممکنہ جنگ سے پہلے عالمی منڈی میں تیل کی قیمتیں مسلسل کم ہو رہی تھیں، لیکن اس کے باوجود حکومت نے اس کمی کا فائدہ عوام تک نہیں پہنچایا۔ اس کے برعکس، آئی ایم ایف کی ہدایت پر لیوی ٹیکس میں اضافہ کر دیا، حکومت نے یہ جواز پیش کیا کہ اضافی رقم بلوچستان میں سڑکوں کی تعمیر پر خرچ کی جائے گی تاہم، جیسے ہی حالیہ دنوں میں عالمی سطح پر پٹرولیم مصنوعات کی قیمتوں میں اضافہ ہوا، حکومت نے فوری طور پر عوام پر پٹرول کی قیمتوں میں اضافے کا بھاری بوجھ ڈال دیا، عوام جو پہلے ہی غربت، مہنگائی اور بے روزگاری کا عذاب جھیل رہے ہیں حکومت کے اس فیصلے سے ان کی مشکلات میں مزید اضافہ ہوگا، مہنگائی بڑھے گی، دیگر اشیائے صرف کی قیمتوں میں بھی اضافہ ہوگا جس کا براہ راست اثر عوام پر پڑے گا، حکومت صرف قیمتیں بڑھانے کے بجائے عوام کے لیے سبسڈی اور ریلیف پیکیج کا بھی اعلان کرے تاکہ مہنگائی کی وجہ سے عوام پر پڑنے والے بوجھ کا کچھ ازالہ ہوسکے۔
.
ذریعہ: Jasarat News
کلیدی لفظ: پٹرولیم مصنوعات کی قیمتوں میں پیسے فی لیٹر میں اضافہ حکومت نے
پڑھیں:
ڈیزل 12 روپے 84 پیسے سستا، پٹرول کی قیمت برقرار رکھنے کا فیصلہ
وزارت خزانہ کی جانب سے جاری نوٹیفکیشن کے مطابق ہائی سپیڈ ڈیزل کی قیمت میں 12 روپے 84 پیسے کی کمی کی گئی جبکہ پٹرول کی قیمت کو برقرار رکھا گیا ہے۔ اسلام ٹائمز۔ حکومت نے پٹرولیم مصنوعات کی نئی قیمتوں کا اعلان کردیا۔ وزارت خزانہ کی جانب سے جاری نوٹیفکیشن کے مطابق ہائی سپیڈ ڈیزل کی قیمت میں 12 روپے 84 پیسے کی کمی کی گئی جبکہ پٹرول کی قیمت کو برقرار رکھا گیا ہے۔ قیمتوں میں ردوبدل کے بعد فی لٹر پٹرول کی قیمت 264 روپے 61 پیسے پر مستحکم رہی جبکہ ہائی سپیڈ ڈیزل کی قیمت 272 روپے 99 پیسے ہوگئی۔
نوٹیفکیشن کے مطابق مٹی کے تیل کی قیمت 7 روپے 19 پیسے کی کمی کے بعد 178 روپے 27 پیسے فی لٹر ہوگئی جبکہ لائٹ ڈیزل کی قیمت 8 روپے 20 پیسے کی کمی کے بعد 162 روپے 37 پیسے فی لٹر مقرر کی گئی ہے۔وزارت خزانہ نے پٹرولیم مصنوعات کی قیمتوں میں ردوبدل کا نوٹیفکیشن جاری کردیا، نئی قیمتوں کا اطلاق رات 12 بجے سے ہوگیا۔
’میرے ساتھ ایسا کیوں کیا جارہا ہے؟‘، اسپنر اسامہ میر پی سی بی کے رویے پر پھٹ پڑے