ایران کیخلاف جھوٹی رپورٹوں کی بنیاد پر حملہ کیا گیا، برطانوی اخبار کا اعتراف
اشاعت کی تاریخ: 2nd, July 2025 GMT
ایرانی جوہری تنصیبات پر امریکہ و اسرائیل کے حالیہ حملوں کا حوالہ دیتے ہوئے معروف برطانوی روزنامے نے تاکید کی ہے کہ جوہری تنصیبات پر حملہ اس حقیقت کے باوجود کیا گیا کہ ایران میں ایٹمی ہتھیاروں کی موجودگی کی تصدیق، نہ تو امریکی خفیہ ایجنسی اور نہ ہی اقوام متحدہ نے کی تھی! اسلام ٹائمز۔ معروف برطانوی رونامے دی گارڈین نے اعلان کیا ہے کہ ایران کے خلاف حالیہ امریکی و اسرائیلی حملہ "جھوٹی رپورٹوں" کی بنیاد پر کیا گیا تھا۔ اس حوالے سے جاری ہونے والی اپنی رپورٹ میں دی گارڈین نے تاکید کی کہ اسلامی جمہوریہ ایران پر یہ حملہ، ایرانی جوہری پروگرام کے بارے "جھوٹ" پر مبنی تھا جبکہ یورپی حکومتوں کی جانب سے اس حملے کی مذمت میں ناکامی؛ مغرب کے حوالے سے "عدم اعتماد" کو مزید گہرا بناتی ہے۔
اپنی رپورٹ میں برطانوی اخبار نے لکھا کہ ایران پر حملہ "سفید جھوٹ" کی بنیاد پر کیا گیا کیونکہ اسرائیلی وزیراعظم بنجمن نیتن یاہو کے اس دعوے کی تصدیق نہ ہی امریکی انٹیلیجنس اور نہ ہی اقوام متحدہ نے کی تھی کہ "ایران جوہری ہتھیار بنا رہا ہے"۔ معروف برطانوی اخبار نے لکھا کہ اس صریح جھوٹ کے باوجود، یورپی ممالک نے اس جارحانہ حملے کی مذمت کرنے سے صاف انکار کر رکھا ہے جس سے صرف اور صرف "مغرب کے بارے بے اعتمادی" ہی مزید بڑھے گی۔ اپنی رپورٹ کے آخر میں برطانوی اخبار نے مزید لکھا کہ اسرائیل کی جانب سے ایران پر حملہ، ایران میں "عوامی حمایت" اور "حب الوطنی کے جذبات" کی تقویت کا باعث بنا ہے!
واضح رہے کہ ایران کے خلاف حملے سے قبل، ایران میں جوہری ہتھیاروں کی عدم موجودگی سے متعلق امریکی انٹیلیجنس رپورٹ کے بارے پوچھے گئے ایک رپورٹر کے سوال کے جواب میں انتہاء پسند امریکی صدر ڈونلڈ ٹرمپ کا کہنا تھا کہ "امریکی ادارہ غلطی پر" ہے!
ذریعہ: Islam Times
کلیدی لفظ: برطانوی اخبار کہ ایران پر حملہ کیا گیا
پڑھیں:
امریکی صدر کے نام نہاد امن منصوبے کیخلاف پنجاب بھر میں احتجاج
data-id="863a0a8" data-element_type="widget" data-widget_type="theme-post-content.default">
لاہور (وقائع نگارخصوصی)امیر جماعت اسلامی پاکستان حافظ نعیم الرحمن کی اپیل پر اسرائیلی فوج کی جانب سے غزہ میں ہونے والے مظالم، گلوبل صمود فلوٹیلا کے شرکا کی گرفتاریوں،حکومت پاکستان کے دو ریاستی فارمولے اور ڈونلڈ ٹرمپ کے نام نہا د امن منصوبہ میں سہولت کاری کے خلاف وسطی پنجاب کے تمام اضلاع فیصل آباد، سیالکوٹ، قصور، اوکاڑہ، ٹوبہ ٹیک سنگھ، حافظ آباد، چنیوٹ، جھنگ،گوجرانوالہ، نارووال، شیخوپورہ، ننکانہ، ساہیوال ،پاک پتن، لاہور میں احتجاجی مظاہرے اورریلیاں نکالی گئیں۔ان میں ہر شعبہ ہائے زندگی سے تعلق رکھنے والے ہزاروں افراد نوجوانوں، بچوں بوڑھوں نے شرکت کی، لوگوں نے اپنے ہاتھوں میں مختلف بینرز، پینا فلیکس، کتبے اور چارٹ اٹھا رکھے تھے جن پر اسرائیلی جارحیت، گلوبل صمود فلوٹیلا پر حملے اور شرکا کی گرفتاریوں کے خلاف نعرے درج تھے، ان مظاہروں میں جماعت اسلامی کی مرکزی، صوبائی، ضلعی، مقامی قیادت کے ساتھ ساتھ سول آبادی سے بھی نمایاں شخصیات نے بھر پور شرکت کی۔ مظاہرین نے امریکا، اسرائیل اور اقوام متحدہ کی ناکامی کے خلاف شدید نعرے بازی کی۔ مقررنین نے ’’صمود غزہ فلوٹیلا‘‘ پر اسرائیلی افواج کے بزدلانہ حملے کی شدید مذمت کرتے ہوئے کہا ہے کہ حکومت پاکستان کا دو قومی ریاستی فارمولا در حقیقت اسرائیل کو تسلیم کرنے کی طرف پہلا قدم ہے۔ امریکن صدر ڈونلڈ ٹرمپ کے امن منصوبے کے غبارے سے ہوا نکل چکی ہے۔ اسرائیل کا انسانی ہمدردی کے کارکنان کو حراست میں لینا عالمی قوانین کی سنگین خلاف ورزی ہے، تمام امدادی کارکنوں کی غیر مشروط رہائی اور فلسطینیوں تک امداد کی بلا تعطل ترسیل کو ممکن بنایا جائے۔ اسرائیلی ظلم اور بربریت کو فوری طور پر روکنا اور فلسطین میں پائیدار امن کے قیام کو یقینی بنانا ہی وقت کا تقاضا ہے۔ اس فلوٹیلا میں 45 ممالک کے 450 سے زائد امدادی کارکن سوار تھے، جنہیں اسرائیلی افواج نے غیرقانونی طور پر حراست میں لے لیا۔مشتاق احمد خان‘ مظہر سعید شاہ‘ وہاج احمد‘ ڈاکٹر اسامہ ریاض‘ اسماعیل خان‘ سید عزیز نظامی اور فہد اشتیاق سمیت دیگر پاکستانیوں نے فرض کفایہ ادا کیا ہے۔امیر جماعت اسلامی پنجاب وسطی محمد جاوید قصوری نے اوکاڑہ میں خطاب کرتے ہوئے کہا کہ صمود فلوٹیلا میں 45 سے زائد کشتیوں پر تقریباً 500 انسانی حقوق کے کارکنان، پارلیمنٹیرینز، وکلا اور صحافی سوار تھے، جو غزہ کے عوام تک ادویات اور خوراک پہنچانا چاہتے تھے ان کی گرفتاری غیر قانونی، غیر اخلاقی اور عالمی قوانین کے خلافی ورزی ہے۔ اسرائیل نے بے شرمی کی انتہا کر دی ہے، دنیا نے دیکھ لیا ہے کہ عالمی دہشت گرد کون ہے۔ صیہونی فوج غزہ میں نسل کشی کر رہی ہے۔ 66 ہزار افراد کی شہادت میں 70 فیصد بچے اور خواتین شامل ہیں۔ دنیا آخر کب تک خاموش تماشائی بنی بیٹھی رہے گی۔ انہوں نے کہا کہ اسرائیل ایک ناجائز ریاست ہے جس کا وجود ہی دنیا کے لئے سنگین خطرہ ہے اس کو تسلیم نہیں کرتے۔ پاکستان سمیت لندن، استنبول، بوگاٹا، مانچسٹر، اسپین، تیونس، لیبیا، ملائیشیا، ترکیہ، مصر، اٹلی، برطانیہ، کینیڈا، لاطینی امریکا میں مظاہرے ہو رہے ہیں ہزاروں افراد سڑکوں پر نکل آئے۔ انسانیت کے علمبردار ممالک، ادارے انسانی حقوق کے کارکنوں کی فوری رہا ئی کو یقینی بنائیں۔ امن قافلے غیر مسلح،ان کا مقصد اسرائیلی فوج کی طرف سے غزہ میں ہونے والے ظلم و بربریت، نسل کشی، خواتین اور بچوں کو شہید کر نے والوں کا محاصرہ ختم کرنا اور امداد کو غزہ کے بچوں تک پہنچانا ہے۔ نہتے اور پر امن لوگوں کی گرفتاریوں کاعالمی برادری اس کا سخت نوٹس لے۔ انہوں نے کہا کہ غزہ امداد لے کر جانے والے فلوٹیلا میں دنیا بھر سے افراد شامل ہیں جن کی حفاظت اولین ترجیح ہونی چاہیے۔
افغانستان کی سرزمین کسی دوسرے ملک کیخلاف استعمال نہیں ہونے دی جائے گی، عبوری حکومت