عمران خان کی پارٹی قیادت کو 10 محرم کے بعد حکومت کیخلاف تحریک چلانے کی ہدایت
اشاعت کی تاریخ: 2nd, July 2025 GMT
data-id="863a0a8" data-element_type="widget" data-widget_type="theme-post-content.default">
راولپنڈی (مانیٹرنگ ڈیسک) عمران خان کی پارٹی قیادت کو 10 محرم کے بعد حکومت کیخلاف تحریک چلانے کی ہدایت کردی، ان کا کہنا تھا کہ قوم کو مکمل غلام بنایا جارہا ہے اس غلامی سے اچھاہے کہ میں ساری زندگی جیل میں رہوں، 27 ویں ترمیم لائی جارہی ہے ،بہتر ہے بادشاہت کا اعلان کردیں،آپ لوگوں کا ووٹ چوری کرلیں اور کہیں کہ ووٹ کی اہمیت نہیں تو مطلب مارشل لا ء لے آئے ہیں، میڈیا کی آواز بند کردی گئی ہے جبکہ عمران خان کی ہمشیرہ علیمہ خان نے کہا کہ عمران خان کو مائنس کیا جا رہا ہے۔ تفصیلات کے مطابق عمران خان نے پارٹی قیادت کو 10 محرم کے بعد حکومت کے خلاف تحریک چلانے کی ہدایت کردی۔راولپنڈی اڈیالہ جیل کے قریب اپنی بہنوں کے ساتھ میڈیا سے گفتگو کرتے ہوئے انہوں نے کہا کہ آج میری بہنوں کو 15 منٹ ملاقات کا وقت ملا، ایک وکیل ظہیر عباس کو ڈیڑھ منٹ ملاقات کی اجازت ملی، ان کے علاوہ سلمان صفدر، سلمان اکرم راجا، نیاز اللہ نیازی کسی کو ملاقات کی اجازت نہیں ملی۔ عمران خان نے کہا ہے آپ لوگوں کا ووٹ چوری کرلیں اور کہیں کہ ووٹ کی اہمیت نہیں تو اس کا مطلب مارشل لا لے آئے ہیں، عدلیہ کو گورنمنٹ ڈیپارٹمنٹ بنادیں اور ججز کے ساتھ ایسا کریں تو رول آف لاء ختم ہوچکی ہے عمران خان نے کہا کہ اس کے ساتھ اخلاقیات ختم ہوچکی ہیں۔ علیمہ خان کے مطابق بانی نے کہا ہے کہ اسمبلیوں میں بیٹھے لوگ ووٹ سے نہیں آئے، میڈیا کی آواز بند کردی گئی ہے، 27 ویں ترمیم لائی جارہی ہے اس سے بہتر ہے بادشاہت کا اعلان کردیں کیوں کہ لوگوں کی آواز ختم کردی گئی ہے، بھارت سے آزادی کے بعد پاکستان کلمہ کے نام پر بنا تھا یہ کلمہ تھا جس کی وجہ سے آج پاکستان قائم ہے، قوم کو مکمل طور پر غلام بنایا جارہا ہے اس غلامی سے بہتر ہے میں ساری زندگی جیل میں رہوں۔ علیمہ خان کے مطابق عمران خان نے کہا ہے کہ 10 محرم کے بعد اس غلامی کے نظام کے بعد تحریک شروع کردیں، بانی نے پنجاب اسمبلی میں مزاحمت کی تعریف کی اور اپوزیشن لیڈر کی تعریف کی اور کہا کہ اس وقت 26 اراکین ہیں جن پر پابندیاں عاید ہیں، اس سے بہتر ہے کہ ہمارے ارکان اسمبلی کے باہر اپنی اسمبلی لگادیں، انہوں نے پارٹی کو کہا ہے کہ 10 محرم کے بعد تحریک کی تیاری کریں، بانی نے پارٹی کے لیے ہدایات دے دی ہیں جو سلمان اکرم راجا کو بتادی ہیں۔ علاوہ ازیں عمران خان کی ہمشیرہ علیمہ خان نے کہا ہے کہ بانی پی ٹی آئی کو مائنس کیا جا رہا ہے، ان کا کہنا تھا کہ انہوں نے بانی کو تنہائی میں قید کر رکھا ہے بانی کو جیل میں ان کے حقوق نہیں مل رہے، کتابیں بھی نہیں دے رہے، بانی کہہ رہے تھے 22 گھنٹے تک بند رکھا جاتا ہے اور صرف 2 گھنٹے ملتے ہیں۔
.ذریعہ: Jasarat News
کلیدی لفظ: عمران خان کی محرم کے بعد خان نے کہا علیمہ خان کہا ہے کہ نے کہا ہے بہتر ہے کہا کہ
پڑھیں:
پیپلزپارٹی کا قافلہ عاجز دھامرہ کی قیادت میں لاڑکانہ روانہ
data-id="863a0a8" data-element_type="widget" data-widget_type="theme-post-content.default">
بدین(نمائندہ جسارت)پیپلزپارٹی بدین کے عہدیدران کا حیدرآباد ڈویژن کے نومنتخب ڈویژن صدر عاجز دھامرہ کی قیادت میں دیگر عہدیدران کے ہمراہ جلوس کی شکل میں لاڑکانہ روآنہ ، عہدیدران شہید ذوالفقار علی بھٹو اور شہید بے نظیر بھٹو کے مزار پر حاضری دیں گے ۔پاکستان پیپلز پارٹی ضلع بدین کے عہدیدران کی حیدرآباد ڈویڑن کے نومنتخب صدر سنیٹر عاجز دھامرہ اور جنرل سیکرٹری گیان چند اسرانی کی قیادت میں لاڑکانہ روانگی کے لئے بدین سے پاکستان پیپلز پارٹی ضلع بدین کے جنرل سیکریٹری ڈاکٹر سجاد چانڈیو ،سیکرٹری اطلاعات پیر وقار حسین جیلانی ، ڈپٹی سیکرٹری اطلاعات سلیم اوڈیجو اور دیگر کی قیادت میں بدین سے حیدرآباد کے لیے ایک جلوس کی شکل میں روانہ ہوئے ، لاڑکانہ گھڑی خدا بخش روانگی سے قبل ضلع کونسل بدین میں منعقد اجلاس میں ضلع بھر کے پیپلزپارٹی اور ذیلی تنظیموں کے عہدیدران نے شرکت کی . اجلاس میں فیصلہ کیا گیا کہ سلام بینظیر ریلی جو ڈویڑن کے صدر عاجز دھامراہ اور جنرل سیکریٹری گیان چند اسرانی کی قیادت میں گڑھی خدابخش روانہ ہوگی، اس میں پاکستان پیپلز پارٹی ضلع بدین بھرپور شرکت کرے گی اور گھڑی خدا بخش میں شہید ذوالفقار علی بھٹو اور شہید بے نظیر بھٹو کے علاوہ شہید مرتضیٰ بھٹو شہید شاہ نواز بھٹو سمیت دیگر شہداء کے مزارات پر حاضری دیں گے اور اس موقع پر شہید قائدین کی ملک قوم جمہورہت اور عوامی حقوق کے لئے دی گئی قربانیوں جدوجہد اور عظیم الشان خدمات پر بھرپور خراج عقیدت اور تحسین پیش کرتے ہوئے ، تجدید عہد وفا کریں گے کہ وہ پارٹی اور جمہوریت کی مضبوطی عوام کے حقوق آئین کی بالادستی کے لئے چئیرمین بلاول بھٹو زرداری کی قیادت میں جدوجہد جاری رکھیں گے . اس موقع پر سابق سیکریٹری اطلاعات اور پیپلز پارٹی کے سینئر رہنما فدا حسین مندرو، ضلع بدین کے مختلف عہدیداران، حاجی عبدالغفور میمن، محمد خان سموں، حاجی میر ملاح، نیاز لاشاری ودیگر لاڑکانہ کے لیے روانہ ہوئے۔
پاکستان کا اقوام متحدہ میں بھارت کو منہ توڑ جواب، بھارتی مندوب بوکھلاہٹ میں ہال چھوڑ کر چلاگیا