یوٹیلیٹی اسٹورز 10 جولائی سے مکمل بند کرنے کا فیصلہ
اشاعت کی تاریخ: 2nd, July 2025 GMT
وفاقی حکومت نے ملک بھر میں چلنے والے یوٹیلیٹی اسٹورز 10 جولائی 2025 سے مکمل طور پر بند کرنے کا فیصلہ کر لیا ہے۔ وزیراعظم شہباز شریف کی ہدایت پر یوٹیلیٹی اسٹورز کارپوریشن کے ملازمین کو ادارے کی بندش پر رضاکارانہ علیحدگی اسکیم (VSS) کے تحت پیکج دینے کا فیصلہ کیا گیا ہے۔
یوٹیلیٹی اسٹورز کارپوریشن کے منیجنگ ڈائریکٹر کی زیر صدارت منعقدہ اہم اجلاس میں فیصلے کے مطابق، ملک بھر میں تمام فعال اسٹورز 2 جولائی سے اپنے آپریشنز مرحلہ وار بند کرنا شروع کر دیں گے۔ اسٹورز میں موجود تمام سامان کو مرکزی گوداموں (وئیر ہاؤسز) میں منتقل کیا جائے گا، جہاں سے یہ سامان حکام کی نگرانی میں واپس دکانداروں کو سپرد کیا جائے گا۔
مزید پڑھیں: حکومت کا نقصان میں چلنے والے 1700 یوٹیلیٹی اسٹورز بند کرنے، ملازمین کو فارغ کرنے کا فیصلہ
اجلاس میں یہ بھی طے کیا گیا کہ اسٹورز اور دفاتر میں موجود آئی ٹی آلات، فرنیچر، ریکس اور دیگر اثاثہ جات کو شفاف طریقے سے نیلام کیا جائے گا۔ نیلامی سے قبل ان اثاثوں کی قیمت کا تخمینہ جنرل منیجرز اور آئی ٹی ونگ کی مدد سے لگایا جائے گا۔
دریں اثنا، کرائے پر قائم اسٹورز کو یکم اگست سے خالی کرنے کے نوٹسز بھی جاری کیے جائیں گے۔ یہ فیصلہ ایسے وقت میں سامنے آیا ہے جب حکومت کفایت شعاری، نقصانات میں کمی اور سرکاری اداروں کی کارکردگی میں بہتری کے لیے متعدد اصلاحاتی اقدامات کا اعلان کرچکی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
10 جولائی بندش یوٹیلیٹی اسٹورز.
ذریعہ
ذریعہ: WE News
کلیدی لفظ: 10 جولائی یوٹیلیٹی اسٹورز یوٹیلیٹی اسٹورز کا فیصلہ جائے گا
پڑھیں:
حکومت کا مسلسل تین دنوں میں پیٹرولیم مصنوعات مہنگی کرنے کا نیا ریکارڈ
سٹی 42: حکومت نے پیٹرول اور ڈیزل کی قیمت میں اضافہ کردیا
حکومت کی جانب سے پیٹرول4روپے 40پیسے مہنگا کردیاگیاجبکہ ڈیزل کی قیمت میں 3روپے 62پیسےا ضافہ کیا گیا ہے۔
پیٹرول کی نئی قیمت 331روپے 52پیسے ہوگئی،ڈیزل کی نئی قیمت 378روپے 66پیسے مقرر کردی۔
واضح رہے پیٹرولیم مصنوعات کی قیمتوں میں روزانہ کی بنیاد پرتعین کیا جارہا ہے ۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی