ظہران ممدانی کو ووٹ دینے والے پاگل ہیں، ٹرمپ کی نیویارک کے پہلے متوقع مسلمان میئر پر تنقید
اشاعت کی تاریخ: 2nd, July 2025 GMT
امریکی صدر ڈونلڈ ٹرمپ نے نیویارک کے میئرشپ کے مسلمان امیدوار ظہران ممدانی پر ایک بار پھر سخت تنقید کرتے ہوئے انہیں "خوفناک" اور "کمیونسٹ" قرار دے دیا۔
ٹرمپ نے ایک انتخابی جلسے میں کہا: "اگر نیویارک کے لوگ ظہران ممدانی کی طرف جاتے ہیں، تو وہ پاگل ہیں۔"
انہوں نے مزید طنزیہ انداز میں کہا کہ وہ دیکھنا چاہتے ہیں کہ اگر ممدانی جیت گئے تو انہیں فنڈز حاصل کرنے کے لیے "وائٹ ہاؤس آنا پڑے گا"۔
ٹرمپ نے یہ بھی عندیہ دیا کہ اگر ظہران میئر بنے تو نیویارک شہر کو وفاقی فنڈز کی فراہمی بند کی جا سکتی ہے۔
یاد رہے کہ نیویارک میں میئر کے انتخابات رواں سال نومبر 2025 میں ہوں گے۔ چند روز قبل ہونے والے ڈیموکریٹک پرائمری میں ظہران ممدانی نے بھاری مارجن سے کامیابی حاصل کی، اور وہ نیویارک کے پہلے مسلمان میئر بننے کے قریب دکھائی دے رہے ہیں۔
ظہران ممدانی نے اسرائیل مخالف مؤقف اختیار کرتے ہوئے کہا تھا کہ اگر ان کے دورِ میئر میں اسرائیلی وزیراعظم نیویارک آئے تو وہ ان کی گرفتاری کا حکم دیں گے۔
.
ذریعہ
ذریعہ: Express News
کلیدی لفظ: نیویارک کے
پڑھیں:
گھر کے شیر باہر ڈھیر، ویمنز ٹیم ٹرائنگولر سیریز میں مشکلات کا شکار
آئرلینڈ میں جاری ویمنز ٹرائنگولر سیریز میں پاکستان کا سفر انتہائی دشوار ہوگیا ہے۔
تفصیلات کے مطابق فائنل کھیلنے کے لیے پاکستان ٹیم کو اپنے باقی دونوں میچز میں بہت بڑے مارجن سے فتح حاصل کرنی ہوگی۔
پاکستان ٹیم آج رات 8 بجے ویسٹ انڈیز کے مدمقابل آئے گی۔
قبل ازیں آئرلینڈ نے سیریز کے چوتھے میچ میں ویسٹ انڈیز کو ڈک ورتھ لوئس سسٹم کے تحت ایک رن سے شکست دے کر پوائنٹس ٹیبل پر پہلی پوزیشن حاصل کرلی۔
یہ ٹی ٹوئنٹی انٹرنیشنل کرکٹ میں ویسٹ انڈیز کے خلاف آئرلینڈ کی پہلی کامیابی بھی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ